Poliziaren eta Guardia Zibilen elkarteek "irmotasuna" eskatu dute Paroten aldeko martxaren aurrean
Guardia zibilen eta Espainiako polizien Jucil eta Jupol elkarteek "irmotasun handiagoa" eskatu diete erakundeei irailaren 18an Arrasaten Henri Parot ETAko presoaren alde egitekoa den manifestazioaren aurrean. Dena dela, aitortu egin dute Espainiako Gobernuak Euskadin duen Ordezkaritzak "ezer gutxi gehiago" egin dezakeela, Fiskaltzara jo eta gero.
Elkarte horien ordezkariak, Ernesto Vilariño eta Aaron Rivero, Denis Itxaso Espainiako Gobernuak Euskadin duen ordezkariarekin batzartu dira gaur, Sarek deitutako manifestazioaren aurrean duten kezka helarazteko.
Villacisneros Fundazioak martxa galarazteko eskatu zien hainbat erakunderi, eta Espainiako Gobernuaren Ordezkaritzak Auzitegi Nazionaleko Fiskaltzaren esku utzi zuen eskaera. Izan ere, erabaki hori Justiziak hartu beharko lukeela iritzi dio.
Gaurko bileraren ostean, Villariñok adierazi du ez duela ulertzen "tankera honetako kriminalen" aldeko ekitaldiak baimentzea, eta nabarmendu du Henri Parot ETAko "terrorista odoltsuena" dela. Riverok, bere aldetik, esan du erakundeek ezin dietela "bizkarra eman".
Manifestazioa Sarek eta Elkartasun Eguneko antolatzaileek deitu dute, "ezkutuko biziarteko espetxe zigorrak ahalbidetzen dituzten salbuespen legeak" salatzeko.
Parot Cadizko espetxetik Leonera eraman zuten martxoan, eta 41 urteko espetxe zigorra betetzen ari da, hilketak, atentatuak eta terrorismo delituak egotzita.
Presoak aurkeztutako helegite baten ondorioz, Auzitegi Gorenak "Parot doktrina" izenekoa sortu zuen 2006an, hainbat presoren espetxealdia luzatzeko, baina Giza Eskubideen Europar Batasuneko Auzitegiak bertan behera utzi zuen. Ondorioz, hainbat preso espetxetik atera ziren, zigorra beteta zutela ebatzita.
Zure interesekoa izan daiteke
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.