Andueza prest dago EH Bildurekin "itun handiak" egiteko, baina indarkeria gaitzesteko eskatu dio
Eneko Andueza PSE-EEren Idazkaritza Nagusirako aurrehautagai eta Eusko Legebiltzarreko bozeramaileak esan du beste alderdi batzuekin itunak lortzeko prest dagoela, baina "baldintza eta gainditu ezin diren marra gorriak" badaudela azpimarratu du. Horiei buruz galdetuta, eta ezker abertzalea hizpide hartuta, indarkeria gaitzestea beharrezkoa dela erantsi du, "herri honetan gertatu den guztian erantzukizun zuzena duelako".
Radio Euskadin egin dioten elkarrizketa nabarmendu duenez, pertsona "leiala" da, "sinatutako akordioak betetzeko daudela" uste duten horietakoa. Hala, EAJrekin bere alderdiak duen gobernu koalizioan adostutakoak errespetatu egingo dituela berretsi du. "Hortik aurrera, hauteskundeak egiten direnean, herritarrek erabakiko dute zein tokitan kokatzen den Alderdi Sozialista eta gobernuan sartzeko aukerarik ote dagoen. Garrantzitsuena ez da norekin, baizik eta zertarako, zein programarekin eta zein eskaintzarekin", azaldu du.
EH Bilduri buruz, Gipuzkoako PSE-EEren idazkari nagusia ere badenak gogora ekarri du sozialistek "akordio zehatzak" egin dituztela koalizio subiranistarekin Espainiako Estatuan, udaletan eta beste erakunde batzuetan. "Akordio horiei esker, Espainiako gobernuburu sozialista bat dugu, eta aurrekontu batzuk. Baina itun handiak lortzeko bidea dute egiteke", azaldu du.
PSE-EEren Idazkaritza Nagusiko barne-hauteskundeen harira, Anduezak iragarri du badituela hautagaitza aurkezteko bermeak. Aurkariaz —Soraya Morla Basauriko zinegotzi ohia— galdetuta, ez du irabazteko dituen aukerez hitz egin nahi izan.
Azkenik, irabaztekotan egingo dituenez itaunduta, azpimarratu du lidergoan "elkarrizketarekin eta umiltasunarekin" jardungo duela; izan ere, "jakin badakit gu hemen jartzen, kentzen edo igotzen gaituztenak militanteak direla". Bere proiekturako "pertsona onenak" nahi dituela ere esan du, PSE-EEko gazteak tartean direla.
Zure interesekoa izan daiteke
Mendozaren eta Asensioren arteko ika-mika gogorra, Ayesa afera dela eta
Ayesa operazioaren inguruko ikuspuntu ezberdinek lehertu dute xextra Gipuzkoako Aldundiko bazkideen artean. Jose Ignacio Asensio PSE-EEko kideak "lidergo falta" egotzi die Eider Mendoza Gipuzkoako diputatu nagusi eta Jon Insausti Donostiako alkate jeltzaleei. Mendozak "desleialtasuna" leporatu dio Jasangarritasuneko diputatuari.
Ciriza, Belateko tunelen lanen esleipenari buruz: "Ez nuen ezer ikusi"
Santos Cerdanek ezer agindu zionik ukatu du, eta lanen esleipena erabat legezkoa izan zela ziurtatu du. Bere hitzetan, ez zen egon inolako esku-hartze politikorik.
Adamuzeko eta Gelidako istripuetan gertatutakoa "erabat" argitzeko konpromisoa hartu du Puentek
Garraio eta Mugikortasun Iraunkorreko ministroak barkamena eskatu die Rodaliesen zerbitzuaren erabiltzaileei eta zerbitzuaren egoera azaldu du.
Burujabetza eta XXI. mendeko nazioa aztertuko ditu Gure Eskuk bigarren konferentzia subiranistan
Iaz Irunen egin zuen lehen konferentziaren ondoren, otsailaren 28an Bilbon egingo du bigarrena eta, besteak beste, Omnium Cultural-eko lehendakaria, Xavier Antich, izango dute gonbidatu.
Arantza Zulueta eta Jon Enparantza abokatuak espetxeratzeko agindu du Auzitegi Nazionalak
Zuluetari zazpi urte eta erdiko zigorra ezarri zioten, ETAko kide izatea, armak eta lehergaiak izatea, eta Halboka egituraren buru izatea egotzita. Enparantza, berriz, lau urteko kartzelara zigortu zuten, ETAko kide izatea leporatuta.
Melgosa: "Euskadi pantailen gaineko herri-estrategia integral bat prestatzen ari da, erantzun sinpleez harago"
Nerea Melgosa Ongizate, Gazteria eta Erronka Demografikoko sailburuak astearte honetan adierazi duenez, Eusko Jaurlaritzak "pantailei eta ongizate emozionalari" buruzko eztabaida du agendan, eta "erantzun sinple edo isolatuetatik harago" doan "herri-estrategia integrala" lantzen ari da.
Eusko Jaurlaritzak "irizpide teknikoengatik" egin zuen Alfredo De Migueli hirugarren gradua ematearen aurka
Alfredo de Miguel Arabako EAJren buruzagi ohiaren kexa baten ostean, espetxe-zaintzako epaileak Tratamendu Batzordearen ebazpenari beste modu batean erantzun zion, eta Eusko Jaurlaritzak, "Zuzenbide Estatuetan egin behar den moduan", ebazpen judizial irmoa betearazi besterik ez zuen egin, Maria Ubarretxena Eusko Jaurlaritzaren bozeramaileak adierazi duenez.
Alokairuan etxebizitza bakarra duten jabeei ezkutu soziala zabaltzea adostu du EAJk Espainiako Gobernuarekin
EAJrekin lotutako akordio horren funtsa astearte honetan Ministroen Kontseiluak onartutako ezkutu sozialaren errege lege-dekretu berriaren barruan dago. Lege-dekretu horrek aurreikusten du, besteak beste, errentatzailea edukitzaile handi bat edo funts putre bat denean etxegabetzeko prozedura eta bonu sozial energetikoa 2026ko abenduaren 31ra arte luzatzea.
Pentsioak eta etxegabetzeak bi dekretutan onartuko ditu Espainiako Gobernuak
Espainiako Gobernuak pentsiodunek otsaileko nominan aurreikusitako igoera galtzea saihestu nahi du, Kongresuak omnibus dekretua onartzeari uko egin ostean. Dekretu horrek ezkutu sozialerako neurriak biltzen zituen.
Pasaiako portuaren eskumena arrazoi "ideologikoengatik" eskatu izana leporatu dio Itxasok EAJri
Etxebizitza eta Hiri Agendaren sailburuak ere hitz egin du azken egunotan sozialistek eta jeltzaleek Pasaiako portuaren harira izan duten ika-mika politikoaren inguruan. EAJk Pasaiako portuaren kudeaketa Eusko Jaurlaritzaren esku egotea eskatzeak abiatu zuen polemika.