Soraya Morlak ezkerreko hirukoaren alde egin du bere hautagaitzaren aurkezpenean
Gaur amaiten zen Idoia Mendiari lekukoa hartzeko PSE-EEko idazkari nagusirako hautagaitzak aurkezteko epea. Eneko Anduezak joan den astean eman zuen pausoa, eta gaur, berriz, Soraya Morla Basauriko zinegotzi ohiak. Goizean Bilboko sozialisten egoitzan egin duen aurkezpenean, ezkerreko hirukoaren alde egin du.
EH Bildurekin egindako akordioei buruz hautagaiak esan duenez, "Madrilen edo Nafarroan egin badaiteke, guk ere bai". Sozialistak ETAren biktimak izan badira ere, ezker abertzalearekin "zauriak itxi edo tiritak ipini" behar direla eta EH Bildurekin "formula berri bat aztertu" behar dela gaineratu du.
Mendiak joan den astean iragarri zuen ez dela PSE-EEko idazkari nagusi izateko primarioetara aurkeztuko. Alderdiak azaroaren 20an eta 21ean egingo du kongresua.
Horrela, Morlak Eneko Andueza Gipuzkoako PSE-EEko idazkari nagusi eta Legebiltzarreko bozeramailearekin lehiatu beharko du hauteskunde primarioetan; izan ere, horrek bere hautagaitza aurkeztu zuen ostiralean.
Hautagaitza aurkeztu ostean, Morlak aitortu du "oso aukera gutxi" dituela Eneko Anduezaren aurka irabazteko, Anduezak PSE-EEren buruzagien babesa baitu, baina "Pedro Sanchezek ere oso aukera gutxi zituen 2017an eta mila boto lortu zituen Euskadin", gogorarazi du.
100 abal baino gehiago lortu behar ditu Basauriko zinegotzi ohiak PSE-EEren Idazkaritza Nagusirako bidean jarraitu ahal izateko, hau da, PSE-EEko afiliatuen % 2, 5.000 baino gehiago.
Soraya Morla EAJrekin adostutako itunak ez luzatzearen alde agertu da, eta Pedro Sanchezen hautagaitza bultzatu zuen 2017ko hauteskunde primarioetan, Patxi Lopez ere aurkeztu zenean.
Zure interesekoa izan daiteke
Lehen sektoreari eta Arabako Errioxari babesa agertu diete alderdiek
EH Bilduk sektorearen eta erakundeen artean "partekatutako" estrategia baten alde egin du. PSE-EEren aburuz, "Arabako Errioxa klima aldaketaren aurrean babesteko fronte bat" eratu behar da. PPk uste du landa eremua "abandonatuta" dagoela, eta egoera aldatzeko ekimenak agindu ditu.
Faxismoaren aurkako manifestazio jendetsua Donostian
Ernaik milaka lagun bildu ditu Gipuzkoako hiriburuan 'Euskal Herria irabaztera' lelopean
Rego ministroak erantzukizuna eskatu die autonomia erkidegoei adingabe migratzaileak Ceutatik penintsulara eramateko
Gazteria eta Haurtzaro ministroak azaldu duenez, 2.100 haur migratzaile daude hirian. Asko "oso egoera gogorretatik" ihesean iritsi dira bertara, besteak beste, "sexu-indarkeriatik edo derrigorrezko ezkontzetatik".
Manifestazioa Itsasun, Iparretarrak taldeko kide baten omenezko murala ezabatzeko aginduaren kontra
Frantziako Gobernuko ordezkariak Iparretarrak talde armatuko kide ohi baten murala ezabatzeko agindua eman ostean, gaur Itsasun, Lapurdin, ehunka lagun kalera atera dira erabaki hori gogor kritikatzeko. Ez dago argi Udalak noiz ezabatuko duen Txomin Olhagaray Iparretarrak taldeko kidea irudikatzen duen margoa. Manifestariek adierazi dute artelan bat baino ez dela eta noizbait liburuak ere erreko ote dituzten galdetu dute.
Irene Monterok primario ireki batzuetara aurkeztuko du bere burua Podemosen hautagaia izateko hauteskunde orokorretan
Ministro ohiak ezker alternatiboa gidatu nahi du, Sumar, IU, Mas Madrid eta Comunsek osatutako koalizioak oraindik hautagairik ez duen testuinguruan.
Javier de Andres Euskadiko PPko presidenteak Eusko Jaurlaritzaren espetxe politika kritikatu du
Euskadiko PPko presidente Javier de Andresek Alderdi Popularreko Belaunaldi Berriek antolatutako jardunaldi baten amaieran parte hartu du larunbat honetan, Bilbon. Bertan, Eusko Jaurlaritzaren espetxe politika kritikatu du, eta Henri Parot ETAko buruzagi ohiari hirugarren gradua eman izana aurpegiratu dio.
Eneko Andueza, PSE-EE: "Goazen lehentasun sozialetara"
Euskadiko sozialisten burua Abantoko Burdin Jaian egon da, eta adierazpenak egin ditu bertan bildutako kazetarien aurrean. Lehentasun identitarioen gainetik, bere alderdiak lehentasun sozialak lehenetsiko dituela azaldu du.
Tropa frankistek Errenteria okupatu zutela 90 urte bete direla eta, ekitaldia egin du Udalak
1936ko irailaren 13an sartu ziren indarrez Beorlegi koronelaren tropak. Gertakariok eta ondoren jazotako sarraskia gogoan, lore eskaintza eta minutu bateko isilunea egin dute gaur, Udalak antolatuta.
Richar Vaquero: "Ezkerraren batasunaren alde lan egiten jarraituko dugu"
Richar Vaquero Podemos Euskadiko koordinatzaile nagusiak larunbat honetan abiatu du alderdiaren Herritarren Kontseilu Autonomikoaren urte politiko berria. Lehenengo bileran adierazi duenez, Podemosek "euskal errealitatea batu, ilusioa piztu eta eraldatzeko gai izango den blokea eraiki" nahi du.
Donostiako EAJk etxebizitza eskaintza areagotzea eta turismo eredu "ordenatu eta jasangarria" sustatzea jarri du jomugan
Martxotik uztailera bitartean, elkarrizketa eta gogoeta saioa egin dute jeltzaleek 500 gizarte eragilerekin, eta 200 ekarpenetik gora jaso dituzte, 11 erronka sektorialetan bilduta. Jon Insausti alkateak ekimenaren garrantzia azpimarratu du: "Entzutea ez da jendeak zer pentsatzen duen galdetzea. Entzutea da prest egotea beste begirada batzuk onartzeko".