EH Bilduk trantsizio energetikoa eta erabakitzeko eskubidea jarri ditu etorkizuneko erronka gisa
EH Bilduk "trantsizio energetikoa eta digitala, zaintza, krisi demografikoa eta subiranotasuna" jarri ditu etorkizuneko erronka nagusi gisa, besteak beste.
Gaur EH Bilduko militanteak batzarrak egiten ar dira Hego Euskal Herriako lau lurraldeetan, datozen urteetarako "erronka handiei nola aurre egin eztabaidatzeko eta adosteko".
Maddalen Iriarte koalizioaren Eusko Legebiltzarreko bozeramailea Bizkaiko asanbladan izan da, Durangon, eta azaldu duenez, "pixkanaka-pixkanaka pandemiatik ateratzen ari gara, eta planeta eta gure herria norantz doazen eta aurre egin behar diegun arazoak zein diren ohartarazi dugu: trantsizio energetikoa eta digitala, zaintza, krisi demografikoa, subiranotasun falta...".
Legebiltzarkideak aitortu du erronkak "kolosalak direla", baina "EH Bildun ziur gaude gizarte osoaren indarrak batuta bakarrik atera ahal izango ditugula aurrera. Herri honetan belaunaldien arteko itun bat behar dugu, aurrean ditugun erronka handiei irtenbide partekatuak emateko".
Horren harira, iragarri du hezkuntza arlorako aurkeztu dutenaren tankerako proposamen zehatz gehiago egiteko asmoa dutela.
EH Bilduk uste du Araban lehentasuna duten hiru erronka daudela: kontsumo eta ekoizpen ereduak eraldatzea, trantsizio energetikoa eta kalitatezko zaintza sistema berreskuratzea. Horrez gain, pandemiaren ondorio sozioekonomikoei aurre egin behar zaiela azpimarratu du, eta horretarako alderdi politikoen, sindikatuen eta bestelako eragile sozialen laguntza behar dela, akordioak zabalak izan daitezen.
Horixe azaldu dute koalizio abertzaleak Agurainen egin duen lurraldeko asanbladan. 70 inguru kide elkartu dira ikasturte berrirako egitasmoaz eztabaidatzeko.
Ibon San Saturnino EH Bilduren Arabako arduradun politikoaren hitzetan, "gure esku dago etorkizun justua, iraunkorra eta oparoa sortzeko gaitasuna", eta zentzu horretan, aipatu du epe labur eta ertainean "eraldaketa prozesu batzuk" izango direla, "lurraldearen eta datozen belaunaldien norabidea markatuko dutenak".
EH Bilduren Nafarroako asanbladan 2022ko Aurrekontu Orokorren negoziazioan jarri dute arreta, 2021ean adostutako antzeko premisekin.
Koalizioak baztertu egiten ditu Navarra Sumaren "jokabide hiperbentilatuak". Izan ere, atzo Javier Esparza Navarra Sumaren bozeramaileak neurri "ukaezinak" eskatu zituen aurrekontu akordioa lortzeko, eta NA+ren eta EH Bilduren artean aukeratzeko eskatu zion Gobernuari.
Horrez gain, Bakartxo Ruizek azpimarratu du urte eta erdiren ostean, aurrez aurre "elkartu, eztabaidatu eta gogoeta egiteko" aukera izan dutela gaur.
Zure interesekoa izan daiteke
Otxandianok "bakearen ekonomiaren aldeko lidergo politiko sendo baten falta" leporatu dio Pradalesi
Eusko Legebiltzarreko EH Bilduren bozeramaileak kritikatu du Mikel Torres Ekonomia sailburuak "armagintza-industria babestearen eta garatzearen alde" alde egin zuela.
Pradalesek Agirreren ondarea aldarrikatu du haren heriotzaren urteurrenean: "Bake gizona, letra larriz"
Lehendakariak Jose Antonio Agirre ekarri du gogora, haren heriotzaren 66. urteurrenean, eta haren balioek nazioarteko egungo testuinguruan duten indarra azpimarratu du.
Abian da udal hauteskundeen bigarren itzulia Ipar Euskal Herriko 11 herritan
Baionan eta Biarritzen aliantzak lortu dituzte aste honetan bigarren itzulirako txartela lortu duten zerrendetako batzuek. Kanbon, Donibane Lohizunen, Hendaian, Urruñan, Maulen, Bokalen, Beskoitzen eta Azkainen, ordea, ez dute adostasunik lortu, eta hautagaitza bakoitzak bere bidea egingo du.
Ione Belarrak "zitala" deitu dio Josu Jon Imazi
Irango gerraren harira, deigarria izan da gaur Ione Belarra Podemoseko idazkari nagusiak Josu Jon Imaz Repsoleko kontseilari delegatuaren kontra erabili dituen hitzak: "Gerra hau Josu Jon Imazek ordaindu dezala, zitalki joan zen-eta Donald Trumpengana".
PSNko zinegotzi batek eraman du Korrikako lekukoa Milagron, eta ikusleen artean Santos Cerdan izan da
Erriberan ibili da larunbat honetan Korrika eta Milagron, PSNko zinegotzi sozialista batek eraman du lekukoa Udalaren izenean (UPNk eta PSNk osatzen dute udalbatza). Euskadin ez bezala, alderdi sozialista normaltasunez ari da Korrikan parte hartzen Nafarroan. Milagro, bestalde, Santos Cerdan PSOEren antolakuntzako idazkari ohiaren herria da eta ETBk jaso duenez, terraza batean harrapatu du Korrika. Handik, irribarretsu agurtu ditu korrikalariak.
ETAk hil zuen Juan Priede Orioko zinegotzi sozialista gogoratu dute
Jose Ignacio Asensiok esan du apartheid politikoa gauzatzea ekidin zutela Priede bezalako pertsonek. Urte gogor haietan askatasunaren alde pauso bat eman zutela nabarmendu du, eta haien memoria politikoki ez erabiltzeko eskatu dio eskuinari eta ultraeskuinari.
Soledad Iparragirre ETAko buruzagi ohiari erdi-askatasuna eman diote, eta espetxetik atera ahalko da astelehenetik ostiralera
Espetxe-araudiaren 100.2 artikulua aplikatu zaio, eta, hala, lanegunetan Martuteneko kartzelatik atera ahalko da, lo egitera itzuli beharko bada ere.
Lehendakariaren dekalogoa energia krisiari aurre egiteko neurrien artean jaso izana ondo hartu du Eusko Jaurlaritzak
Familiek eta euskal industriak faktura elektrikoa murrizteko lagungarria izango dela uste du Jaurlaritzak, baina faltan botatzen du azken urte honetan shock bikoitza (muga-zergek eta erregaien garestitzeak eragindakoa) jasan duten industria-enpresentzat neurriak hartzea.
EAJ "pozik" dago krisiaren aurkako neurriekin, baina "ez da nahikoa", EH Bilduren ustez
Jeltzaleen arabera, neurri horiek "elektrizitatearen eta erregaien azken prezioa familientzat eta autonomoentzat eskuragarriagoa izaten lagunduko dute". Koalizio abertzaleak positibotzat jo du Sanchezi helarazitako hiru proposamen jaso izana, baina neurriek energia eta petrolio enpresa handien irabaziak handituko dituztela kritikatu du. Bestalde, PPk ez du bere babesa ziurtatu, eta Podemosek esan du krisiaren aurkako plana ez dela eraginkorra.
Espainiako Gobernuak elektrizitatearen, gasaren, gasolinaren eta gasolioaren BEZa % 10era jaitsi du
Ezohiko Ministroen Kontseiluak Ekialde Hurbileko gerraren ondorioak arintzeko lehen neurri sorta bat onartu du gaur. Neurri horiek 5.000 milioi euro mobilizatuko dituzte. Sanchezen arabera, "ez du eragotziko legez kanpoko gerra honen ondorioak Espainiara iristea, baina bai eramangarriagoak izatea".