EH Bilduk erabakitzeko eskubidea aldarrikatu du; lehendakariak itun "anitz" baten alde egin du
Autogobernua eta EAEko estatus politiko berria hizpide izan dira gaur Eusko Legebiltzarrean egiten ari diren kontrolerako saioan. Maddalen Iriarte EH Bilduko bozeramaileak eta Iñigo Urkullu lehendakariak, biek, hartu dute ahotan, euren iritziak plazaratuz.
Iriarte kezkatuta mintzatu da erabakitzeko eskubidea lehendakariaren diskurtsotik desagertu dela eta. Ohartarazi dionez, "erabakitzeko eskubidea ukatzea herri honen existentzia ukatzea da, eta zuk badakizu, eta zuk aipatzen dituzun eskubide historikoak eguneratzeari uko egitea da, eta zuk badakizu".
Horren ildoan, Jaurlaritzak duen proposamena "zein den" galdetu dio: "Bermea emango al diogu beste txapuza bati? Urte batzuk barru, berriro ere honelako liburukote batekin ("Higadura isila" liburua eskuan zuela) bueltaka ibiliko al gara? Edo egingo ote dugu Ibarretxek egindako Euskal Erkidegoaren Estatutu Politiko Berria baino beheragotik egongo den zerbait edo herri honek dituen erronka handiei erantzuteko edo herritarrek dituzten beharrei erantzuteko eta printzipio demokratikoan oinarritutako proposamen bat egingo dugu?".
Urkullu: "Akordio instituzional eta politiko bat lortzea posible da"
Erantzunean, Urkulluk EH Bilduko eledunari gogorarazi dionez, erabakitzeko eskubidea ez dago "juridikoki araututa", eta Konstituzionalak Kontsulten Legea baliogabetu zuen. Hortaz, lehendakariaren ustez, Legebiltzarraren lana da "artikulazio juridikoa adostea, herritarrek erabakia hartzeko herritarren xedeei bide eraginkorra eta bermeduna eskaintzeko".
Hori horrela, aurrera egiteko "erabakitzeko eskubidearen definizio maximalistetatik ihes egiteko" deia egin du, eta itun instituzional eta politiko "anitz" bat lortu, ondoren, euskal gizarteak erreferendum bidez erabaki dezan.
Horren ildoan, ohartarazi du denbora honetan guztian ez duela ikusi ordenamendu juridikoa apurtu duen erabaki eraginkor bat. Urkulluren aburuz, Euskadiren eta Espainiako Estatuaren "subiranotasun partekatua" errespetatuko duen akordioa behar du EAEk, "bi aldeak errespetatu eta aitortuko dituen akordioa, eta Euskadik erabakitzeko duen gaitasun apartekoa onartuta".
Azkenik, Kontzertu Ekonomikoaren eredua jarraitzea proposatu du, "leialtasuna eta errespetua" lege izango duen Kontzertu Politikoa lortzeko.
Zure interesekoa izan daiteke
Migrazio-krisiaren aurrean "larrialdi nazionala" deitzeko eskatu dio Ceutak Espainiako Gobernuari
Milaka pertsonak zeharkatu dute gaur Marokotik Ceutarako muga, kontrolik gabe. Horietako asko, Tarajal ingurutik sartu dira, batzuk igerian eta beste batzuk kostaldetik oinez.
Espainiako Poliziak Bilbon egindako esku hartzea "onartezina" izan dela esan du berriz Zupiriak
Bingen Zupiria Eusko Jaurlaritzako Segurtasun sailburuak Euskadi Irratian egin dioten elkarrizketan azpimarratu duenez, polemika hau ez da hasi Espainiako Poliziak egindako atxiloketekin, Espainiaren futbol partidaren harira izan ziren istiluekin baizik.
Zapateroren eta haren alaben eta idazkariaren kontuei buruzko informazioa eskatu die banketxeei Calama epaileak
Auto batean, Plus Ultra auziaren ardura duen magistratuak dio zantzuak daudela esateko Espainiako Gobernuko presidente ohiak "egitura antolatu bat" zuzentzen zuela, bezero jakin batzuei mesede egiteko, legez kanpoko jardueren bidez.
Jon Insaustik afari solidarioak bizilagunak gizarteratzea eta laneratzea errazteko kudeatzearen alde egin du
Afari solidarioen debekuak piztu duen polemikaren harira, Donostiako alkate Jon Insaustik, asteazken honetan, azaldu du ekimenak administrazioaren erantzuna behar duela, eta gizarteratzea eta laneratzea sustatzera bideratuta egon behar duela. Era berean, nabarmendu du inguruko udalerriek ere neurri horiek lehenago edo geroago hartuko dituztela.
Etxanobek itun handia proposatu du Bizkaiaren etorkizuna eraikitzeko
Urtero legez, Bizkaiko aldundiak San Inazioko harrera ekitaldia egin du. Bizkaiko eta Gipuzkoako patroiaren eguna ospatzeko abuztu aurreko azken ekitaldi politiko nagusia da, eta ordezkari ugari biltzen du. Elixabete Etxanobe ahaldun nagusiak itun handi bat proposatu du Bizkaiaren etorkizuna eraikitzeko. Lurraldeen arteko aldeak eta berezitasunak errespetatu egin behar direla adierazi du, benetako berdintasuna lortzeko.
Bi urteko kartzela-zigorra, sare sozial batean terrorismoa goratzeagatik eta ETAren biktimak umiliatzeagatik
Atxilotuari haur-pornografia ere aurkitu zioten konfiskatutako gailuetan.
Espainiako Poliziako sindikatuek Zupiriaren adierazpenak kritikatu dituzte
Espainiako Poliziaren Konfederazioak ziurtatu du ez duela Eusko Jaurlaritzaren baimenik eskatu behar lurralde horretan jarduteko; bitartean, Sindicato Unificado de Policiak (SUP) Zupiriari aurpegiratu dio "10 egun" izan dituela erasoak ikertzeko.
EH Bilduren arabera "kezkagarria da" hainbat erakundek hizkuntza eskakizunetan "atzera egitea"
Koalizio abertzaleak azaldu duenez, Gipuzkoako Foru Aldundiak azken Lan Eskaintza Publikoan hizkuntza eskakizuna egiaztatu duten plazen kopurua % 89tik % 66ra murriztu du, eta Bizkaiko Foru Aldundiak, berriz, % 85etik % 54ra.
Transferentziez hitz egiten segitzen dutela esan du Ubarretxenak eta uda ostean "zorte hobea" izatea espero du
Maria Ubarretxena Gobernantza, Administrazio eta Autogobernu sailburuak Radio Euskadin egin dioten elkarrizketan azaldu duenez, akordioek sakonak izan behar dute Bitariko Batzordea biltzeko.
Espainiako Gobernuak indultu partziala eman dio Laura Borras Kataluniako Parlamentuko presidente ohiari
Kataluniako Letren Institutuaren zuzendari zen garaian hainbat kontratu publiko modu irregularrean esleitzeagatik lau urte eta sei hilabeteko kartzela zigorra ezarri zion Kataluniako Auzitegi Nagusiak, baina auzitegiak berak indultua emateko eskatu zuen, espetxera sartzea saihesteko. 13 urteko inhabilitazioa eta 36.000 euroko isuna ere ezarri zizkioten, eta zigor horiek ez dizkiote kendu.