Primarioak baliogabetu zituen epaiaren kontrako EAren helegitea onartu du Arabako Lurralde Auzitegiak
Eusko Alkartasunaren primarioak eta Eba Blanco alderdiaren idazkari nagusi izendatzeko prozesua baliogabetu zituen epaiaren kontrako EAren helegitea onartu du Arabako Lurralde Auzitegiak. EAko zuzendaritzak arau-hauste prozesalaren ondoriozko aparteko errekurtsoa eta kasazio helegitea aurkeztu ditu epai horren kontra. Auzitegiak biak ala biak onartu ditu, baldintza prozesal guztiak betetzen direla ulertuta.
EAren zuzendaritzak ohar baten bidez azaldu duenez, afiliatuek alderdiaren araudia erabakitzeko duten "independentzia eta subiranotasuna" defendatzea izan da helegiteon helburua.
"EAren barne arauekin ados ez dauden afiliatuek alderdiaren kontra egin dute kongresuak eta bilkura nazionalak galdu dituztelako. Hori ez da bidezkoa afiliatuentzat, ez da leiala alderdiarentzat, eta ez da demokratikoa politikoki hitz eginda", adierazi du.
Horren ildoan, EAren zuzendaritzaren arabera, "afiliatuek euren burua gobernatzeko independentzia eta askatasuna dutelako" eutsi dio bide judizialari, "gutxi batzuek mesede egiten ez diela" uste badute ere.
Albiste gehiago politika
De Andresek EAJri eta PSEri ohartarazi die "ezin dela" EH Bilduren "bikote izan" eta poliziari eraso egiten dietenen aurkako jarrera izatea
EAEko PPko presidenteak "argitasun etiko handiagoa" eskatu die bi alderdiei, "ezinezkoa delako amodio harreman bat mantentzea" koalizio abertzalearekin, eta Ertzaintzari eraso egiten diotenen "aurka" daudela esatea.
PPk onartu du Ana Millan, Madrilgo Batzarreko presidenteordea, ez dela Politiketan lizentziaduna
Noelia Nuñez popularrak, Jose Maria Angel Valentziako sozialistak eta Ignacio Higuero Extremadurako kontseilariak dimisioa eman dute azken asteetan, euren ikasketen inguruko informazio ofiziala faltsutzeagatik.
Maider Etxebarriak EH Bilduri leporatu dio "hautesleen zati bati aurre egin nahi ez izatea" eta GKSri "hauspoa ematea"
Maider Etxebarria Gasteizko alkateak EH Bilduri leporatu dio "hautesleen zati bati aurre egin nahi ez izatea" eta GKS kolektiboari "hauspoa ematea", Ertzaintzari "zilegitasuna kentzeagatik". Hitzok esan ditu alkateak Radio Euskadin egindako elkarrizketa batean, uztailaren 23an izandako istiluei buruz galdetuta.
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.