Diputatuen Kongresuak Itun Ekonomikoaren aldaketa bermatu du
Espainiako Diputatuen Kongresuak Ekonomia Itunari buruzko 12/2002 Legea aldatzen duen lege-proiektua onartu du gaur, Itun Ekonomikoa mugaz gaindiko merkataritzari buruzko Europako araudi berrietara eta Espainiako Gobernuak onartutako zerga-figuretara egokitzeko. Alderdi guztiek aldeko botoa eman dute; Vox eta Ciudadanos alderdiek izan ezik, kontra bozkatu baitute.
Itunaren aldaketa hori irakurketa bakarreko izapide bidez ebatzi da, eta joan den uztailaren 29an adostu zuten Estatuko Administrazio Orokorrak, Eusko Jaurlaritzak eta hiru foru-aldundiek Kontzertu Ekonomikoaren Batzorde Mistoaren bileran.
Zehazki, Batzorde Mistoan zehaztu zen bezala, onartutako aldaketak zenbait zerbitzu digitalen gaineko zerga eta finantza salerosketen gaineko zerga hitzartzea ahalbidetuko du. Mugez gaindiko merkataritza elektronikoaren arloan BEZaren araubide bereziak ituntzea ere ahalbidetuko du, eta honek errekargu hori modernizatzea eta sinplifikatzea ekarriko du.
Bi figura horiek Estatuko araudiko zerga itundu gisa sartuko dira Itun Ekonomikoan eta, beraz, Estatuak lurralde osorako ezarritako arau substantibo eta formal berak aplikatuz ordaindu beharko dute zerga foru-aldundiek.
Subjektu pasiboek foru-aldundiei, Estatuko Administrazioari edo bi administrazioei ordainduko dizkiete zergak. Finantza salerosketen gaineko zergaren kasuan, likidazio-aldian lurralde bakoitzean zergari lotuta egindako eragiketen bolumenaren araberakoa izango da ekarpena, eta zenbait zerbitzu digitalen gaineko zergaren kasuan lurralde bakoitzean egindako zerbitzu digitalen prestazioen bolumenaren araberakoa. Ikuskaritza eskumena zergadunaren zerga-egoitzaren arabera zehaztuko da.
Pedro Azpiazu Eusko Jaurlaritzako Ekonomia eta Ogasun sailburuak azpimarratu duenez, Kontzertu Ekonomikoaren eguneraketa neurri "oso esanguratsua" da. Izan ere, euskal ogasunak finantza transakzioen, zerbitzu digitalen eta merkataritza elektronikoaren BEZaren gaineko zergak biltzen hasiko dira, zerga erakunde "integral" eta "aitortu" gisa.
Pedro Azpiazu Eusko Jaurlaritzako Ekonomia eta Ogasun sailburuak azpimarratu duenez, Kontzertu Ekonomikoaren eguneraketa neurri "oso esanguratsua" da. Izan ere, euskal ogasunak finantza transakzioen, zerbitzu digitalen eta merkataritza elektronikoaren BEZaren gaineko zergak biltzen hasiko dira, zerga erakunde "integral" eta "aitortu" gisa.
Azpiazuren arabera, Kongresuan onartutako aldaketek "Kontzertu Ekonomikoa errealitate fiskalera egokitzea ahalbidetzen dute". Azaldu duenez, erreforma horrek euskal erakundeen finantzazio erregimena "nazioarteko errealitate fiskal berrira egokitzen ari dela" erakusten du, ez soilik erkidego mailan, baita Ekonomia Lankidetza eta Garapenerako Antolakundearen mailan ere".
Zure interesekoa izan daiteke
Lehendakariaren dekalogoa energia krisiaren kontrako neurrietan jaso izana baloratu du Eusko Jaurlaritzak
Familiek eta euskal industriak faktura elektrikoa murrizteko lagungarria izango dela uste du Jaurlaritzak, baina faltan botatzen du azken urte honetan shock bikoitza (arantzelarioa eta energetikoa) jasan duten industria-enpresentzako neurri espezifikoak hartzea.
EAJ "pozik" krisiaren aurkako neurriekin, baina EH Bilduren ustez, "ez da nahikoa"
Jeltzaleen arabera, neurri horiek "elektrizitatearen eta erregaien azken prezioa familientzat eta autonomoentzat eskuragarriagoa izaten lagunduko dute". Koalizio abertzaleak positibotzat jo du Sanchezi helarazitako hiru proposamen jaso izana, baina neurriek energia eta petrolio enpresa handien irabaziak handituko dituztela kritikatu du. Bestalde, PPk ez du bere babesa ziurtatu nahi, eta Podemosek salatu du krisiaren aurkako plana ez dela eraginkorra.
Espainiako Gobernuak elektrizitatearen, gasaren, gasolinaren eta gasolioaren BEZa % 10era jaitsi du
Ezohiko Ministroen Kontseiluak Ekialde Hurbileko gerraren ondorioak arintzeko lehen neurri sorta bat onartu du gaur. Neurri horiek 5.000 milioi euro mobilizatuko dituzte. Sanchezen arabera, "ez du eragotziko legez kanpoko gerra honen ondorioak Espainiara iristea, baina bai eramangarriagoak izatea".
Apirileko itzalaldi elektrikoa "hainbat faktorek" eragin zuten, Europako adituen arabera
Txostenak ondorioztatu du "oso azkar hedatu" zela Espainiako hegoaldean izandako "arazo lokal bat". Horrek gaintentsioagatiko deskonexio orokorrak eragin zituen, eta, azkenik, sistema iberikoa Europako gainerako lurraldeetatik bereizi zen.
PSOEk eta Sumarrek bi dekretu adostu dituzte, krisiari aurre egiteko neurriak eta etxebizitzaren ingurukoak jasotzeko
Irango gerraren ondorioak leuntzeko lege dekretua onartzeko Ministroen Kontseilua bi ordu pasako atzerapenarekin hasi da, Sumarreko kideek uko egin baitiote bileran sartzeari alokairuko kontratuen luzapena eta enpresen marjinak kontrolatzeko neurriak kanpoan uzten ziren bitartean. Azkenik, gobernukideak akordio batera iritsi dira.
Euskadik, Gaztela-Mantxak eta Kanariek bitartekotza independentea proposatu diote Osasun ministroari, greba medikoa desblokeatzeko
Euskadiko, Gaztela-Mantxako eta Kanarietako osasun-arduradunek gutun bat bidali diote Monica Garcia Osasun ministroari. Bertan, Pazienteen Erakundeen Plataformaren bitartekaritza independentea proposatu dute, greba-batzordearen eta Ministerioaren arteko elkarrizketa errazteko eta greba desblokeatzeko.
Ministroen Kontseiluak neurri ekonomikoak adostuko ditu gaur, Ekialde Hurbileko gerraren eragina arintzeko
Lege-dekretua datorren ostegunean onartu beharko dute Kongresuan. Lau arlotan egituratutako plan zehatza jarriko dute mahai gainean: egiturazko neurriak, zerga-paketea, sektore kaltetuentzako berariazko laguntzak eta pertsona zaurgarrientzako laguntzak biltzen dituena.
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.