Hiru eskumen gehiago eskualdatzeko negoziazioak hasi nahi ditu Jaurlaritzak
Hiru eskumen gehiago eskualdatzeko negoziazioak hasi nahi ditu Jaurlaritzak. Hain zuzen ere, itsasertzearen kudeaketa, zinematografia babesteko funtsa eta meteorologia dira mahai gainean jarri nahi dituen transferentziak.
Olatz Garamendi Autogobernurako sailburuak dagoeneko proposatu dizkio hiru gai horiek Isabel Rodriguez Lurralde Politikako ministro espainiarrari, Jaurlaritzako eledun Bingen Zupiriak gobernu saioaren osteko prentsaurrekoan azaldu duenez. Oraindik, baina, ez dute erantzunik jaso.
Zupiriak, halaber, nabarmendu du "denbora asko" igaro dela Bizitzeko Gutxieneko Diru-sarreraren eskumena eskualdatzeko akordioa hitzartu zutenetik, eta, beraz, ez dagoela arrazoirik "eragiketa ez burutzeko".
Zupiriaren hitzetan, Espainiako Gobernuak transferentziekin lotutako egutegia planteatu zion Jaurlaritzari, oraindik eskualdatu gabe zeuden eskumenak ardatz hartuta, "baina ez dira adostutakoa betetzen ari" -esan du- "eta lanean jarraituko dugu hitzartutako eskumen guztiak itxi arte".
Zure interesekoa izan daiteke
Santos Cerdanek "gezurrak eta manipulazioak" salatu ditu espetxetik irtetean
Santos Cerdan PSOEko Antolakuntza idazkari ohiak asteazken honetan salatu duenez, "gezurrak" eta "manipulazioak" zabaldu dituzte bere inguruan. Horrez gainera, senideen eta lagunen babesa eskertu du eta "egia gailentzea" espero du. Soto del Realgo (Madril) espetxetik 19:15 aldera atera denean egin ditu adierazpenok, Auzitegi Goreneko epaileak aske uztea erabaki ostean.
UCOren azken txostenak Nafarroako agenda politikoa astindu du
Txinan dagoen Maria Chivite presidenteak adierazi du bere Gobernuan ez dagoela ustelkeriarik. Foru Gobernua sostengatzen duten alderdiek, bestalde, kezka agertu eta zuhurtzia eskatu dute. Bestalde, oposizioak berretsi du Chivite ustelkeriak inguratuta dagoela.
Pradales: "Harreman esparru berri bat zabaldu da Frantziarekin"
Lehendakariak azaldu duenez, Makroeskualde Atlantikoaren gaiak "seduzitu" egin du Catherine Chabaud Frantziako Gobernuko Itsaso eta Arrantza ministroa. Aukera ikusten du "elkarlanean aurrera egiteko".
Fiskaltzak 24 urteko espetxe-zigorra eskatu du Abalosentzat; 19 eta erdikoa, Koldorentzat, eta 7 urtekoa, Aldamarentzat, maskarillen aferagatik
Alejandro Luzon Ustelkeriaren aurkako fiskalburuak behin-behineko ondorioen idazkia aurkeztu du asteazken honetan Auzitegi Gorenean, eta bertan eskatu du bakoitzak ia 4 milioi euroko isuna ordaindu dezala, baita 430.000 euroko enbargoak eta kalte-ordainak ere.
Epaileak aske utzi du Santos Cerdan, kartzelan ia bost hilabete eman ostean
Leopoldo Puente Auzitegi Goreneko magistratuak Santos Cerdan PSOEren Antolakuntza idazkari ohia aske uztea erabaki du, frogak suntsitzeko arriskua "asko murriztu" dela iritzita.
Sanchezek euskal selekzioak ofizial egiteko borondatea azaldu du, baina legezko mugak errespetatu behar direla gogorarazi du
Espainiako presidenteak Euskal Herriaren nahiak entzungo dituela esan du, baina azken erabakia nazioarteko federazioen esku dagoela azpimarratu du.
Chiviteren esanetan, UCOk "ez du Nafarroako Gobernua legez kanpoko kontuekin lotzen"
Nafarroako lehendakariak nabarmendu du bere Gobernuak "barneko nahiz kanpoko auditoriak eskatu" dituela, eta "Parlamentuan irekitako ikerketa-batzordearekin kolaboratzen" ari dela "gardentasun ariketa" eginez. PSN-PSOEren idazkari nagusi gisa azpimarratu duenez, ez zeukan UCOren azken txostenean esan direnen berri eta erabat arbuiatu ditu gertaerak "politikara gizartearen alde lan egitera gatoz, eta ez nork bere alde egiteko".
Albiste izango dira: UCOk Cerdani buruz egindako azken txostena, House Action kongresua eta Etxepare Institutuaren 15. urteurrena
Gaurkoan Orain-en albiste izango direnen laburpena, bi hitzetan.
EAJk ukatu egin du 2018ko zentsura-mozioaren truke izendapenak eskatu izana, eta esan du ez duela "Cerdan sarearekin" zerikusirik
Adierazi dute gezurra dela Espainiako Gobernuari hiru kargu publiko eskatu izana, eta ukatu egin dute Guardia Zibilak obra publikoko ustezko sarearekin zerikusirik izatea, UCOren txosten batek alderdia 2018ko "izendapen-eskaeretan" inplikatu berritan.
Sekretu Ofizialen Legea, "orban" bat Espainiako demokrazian
1968ko Sekretu Ofizialen Legea diktadura frankistaren baitan sortu zen, eta diktadorea hil zenetik 50 urte igaro diren arren, oraindik ez da haren erreforma egin. Espainiako Estatuan indarrean dagoen sekretu ofizialen erregimenak Ministroen Kontseiluari eta Estatu Nagusiko Buruen Kontseiluari ahalmena ematen die Estatuaren segurtasuna eta defentsa arriskuan jar dezakeen informazioa bi kategoriatan sailkatzeko: sekretua eta erreserbatua.