PSNk babestu egin du Iruñeko alkatea gaitzestea, UPNren "desleialtasuna"ren aurrean
PSNk Enrique Maya Iruñeko alkatearen gaitzespena onartu du azkenean, Diputatuen Kongresuko lan erreformaren bozketan gertatutakoaren ondoren.
EH Bildu eta Geroa Bai taldeen adierazpen-proposamenak onartu dituzte ostegun honetan udalbatzan Maya gaitzesteko, bakarrik dauden adin txikikoei buruz egindako adierazpen "xenofoboak" direla eta.
Hasieran, PSNk UPNrekin hitzartu zuen alkatearen gaitzespena ez onartzea, alderdi erregionalistak behe-ganberan lan erreformaren alde bozkatzearen trukean. Zenbait ordu igarota iritsi da ezustekoa, UPNko bi diputatuek alderdiaren diziplina hautsi baitute, ezezko botoa emanez. Horrek PSNren haserrea eragin du.
EFE agentziari egindako adierazpenetan, Ramon Alzorriza PSNko Antolakuntza idazkariak UPNren "desleialtasuna eta ez betetzea" salatu ditu. Maite Esporrin Iruñeko Udaleko bozeramaile sozialistak, berriz, salatu du gertatutakoa "beste lezio bat" dela, "Navarra Sumaz eta, bereziki, UPNz fidatu ezin garela" egiaztatzeko.
"Biktimak izan gara, haiek izan dira traidoreak", azpimarratu du Esporrinek, eta nabarmendu du sozialistek hartutako erabakia "ezohikoa" dela, Kongresutik eskatutakoa.
Bestalde, UPNko presidenteorde ere baden Mayak jakinarazi du bi diputatuen botoak "ondorioak" izango dituela.
"Oso ondo ulertzen dut haien haserrea, eta ni ere haserre nago. Alderdiko zuzendaritzaren konpromiso politikoa lan erreforma hori babestea zen", adierazi dio PSNko bozeramaileari.
Mayaren gaitzespena
PSN eta UPN arteko polemikaren erdian, Enrique Maya alkatea gaitzesi du udalbatzak, bakarrik dauden adin txikikoak delinkuentziarekin lotu baitzituen.
Eztabaidan, Joseba Asiron EH Bilduko bozeramaileak nabarmendu du beste herrialdeetako egoerak pertsona asko behartzen dituela "euren etxeak utzi eta sarritan gaizki amaitzen den abentura arriskutsua abiatzera", eta pertsona horietako asko "haurrak dira, adin txikikoak".
"Zuek 'mena' deitzen dituzuen horiek geure seme-alaben berdinak dira", baietsi du Asironek, eta eskatu du inoiz ez elikatzeko "diskurtso xenofoboak edo beldurra, mesfidantza zein gorrotoa ekar ditzaketenak".
Geroa Bai alderdiko Patxi Leuzak deitoratu du alkateak "xenofobia eta arrazakeria kanpainan" parte hartu izana, eta uste du Mayak esandakoa zuzendu behar lukeela, zuhurtziaz. Izan ere, "dianaren erdigunean ipini ditu adingabeak, eta 'mena' hitza erabilita, gainera".
Enrique Maya alkateak adierazi duenez, "nik esandakoa asmatu duzue", eta gogora ekarri du Udaltzaingoaren datuen arabera 2021ko bigarren seihilekoan indarkeriazko eta larderiazko lapurreta delituak % 33 igo zirela, 2019ko datuen aldean.
Delitu horietan, esan duenez, 57 pertsonak hartu zuten parte, horietako 17 adingabeak zirelarik. "Inplikatuen artean, 10 Espainian jaioak ziren, eta 47, atzerrikoak". Gaineratu duenez, "17 adingabeen artean, 5 bakarrik zeuden adingabeak ziren".
Maite Esporrin PSNko bozeramaileak esan du gertatutakoa "sinestezina" dela. Izan ere, "esfortzu handia" eskatu zaie aurrekontu-aldaketak babesteko, zuzenketak kenduz, eta gaitzespen proposamena ez aurkezteko, "zuek lan erreformaren alde bozkatuko baitzenuten".
Hala ere, "ez duzue hitza bete", esan du zinegotzi sozialistak, UPNko bi diputatuek ezetz bozkatu dutelako.
Zure interesekoa izan daiteke
Itziar Carrocera (EAJ) izendatu dute Santurtziko alkate, PSE-EEren bost boto zuriekin
Alkatetza "ilusioz" hartu du jeltzaleak, eta zailtasunez jakitun: "Dena emango dut herriaren alde lanean".
Lehendakariak urgentziaz deitu du Industria Defendatzeko Taldea, Irango gerragatik
Bilera datorren asteko asteazkenean izango da, lehendakariak aurreratu duenez, eta honako helburu hauek ditu: "etengabeko monitorizazio-mekanismoak aktibatzea, enpresa eta kluster guztiekiko koordinazioa indartzea eta kontingentzia neurrien pakete bat prestatzea, Ekialde Ertaineko gatazka hilabeteetan luzatuko balitz prest egoteko".
Espainiako Gobernuak guztiz gezurtatu du AEBko Armadarekin lankidetza adostu izana
Karoline Leavitt Etxe Zuriko bozeramaileak arratsaldean adierazi duenez, Espainiako Gobernua prest dago AEBko Armadarekin lan egiteko.
Lehendakariak esan du Belgika Euskadirentzat hainbat alorretan "aliatu bat" dela
Bart De Wever Belgikako lehen ministroarekin bildu da gaur Imanol Pradales lehendakaria Bruselan, eta hainbat alorretan bi herrialdeen arteko lankidetza aukerak ikusten ditu. Besteak beste, industria, euskararen ofizialtasuna eta Makroeskualde Atlantikoa aipatu ditu.
Abalosen eta Koldoren aurkako musukoen auziko epaiketa apirilaren 7an hasiko da, Auzitegi Gorenean
Funtzionario-eroskeria, eragimen-trafikoa, baliabideak bidegabe eralgitzea, erakunde kriminala, lehen eskuko informazioaz baliatzea, faltsukeria eta prebarikazio delituengatik epaituko dituzte.
Estatuak 1976ko Gasteizko sarraskian izan zuen papera aitortzea baztertu du Senatuak, eztabaida gogor batean
Tentsioa areagotu egin da Josu Estarrona EH Bilduren senatariak, PPren aulkiari begira eta ukabila gora zuela, hau esan duenean: "Hil ezin izan zenituzten langileen bilobak gara!". Javier Arenasek (PP) Estarronaren esaldia kentzeko eskatu dio presidenteari, eta Javier Maroto Senatuaren presidenteordeak onartu egin du eskaera.
AEBren eta Iranen arteko gatazka baretzeko "batasunetik" lan egiteko eskatu dio Pradalesek EBri
Imanol Pradales lehendakariak AEBren eta Iranen arteko gatazka baretzeko "batasunetik eta ahots bakarrarekin" lan egiteko eskatu dio Europar Batasunari, eta aldez aurretik estatuek bat egin beharko dute, "Europan zatiketa ez delako positiboa".
Feijoo Aitor Estebanekin bildu da: "Niri Gernikako Estatutua bere horretan gustatzen zait"
PPren presidenteak adierazi du kezkaturik dagoela “Bilduk sinatuko” omen duen erreforma dela eta. EAJko iturriek, bestalde, bi buruek bilera izan dutela baieztatu diote EITBri. "Alderdi demokratiko guztiekin" egin ohi dituela bilerak adierazi dute, eta ez dute edukiari buruzko zehaztasunik eman.
Sanchezen agerraldia, bost titularretan
Pedro Sanchezek 2003an Iraken inbasioarekin ezagun egin zen "gerrari ez" leloa berreskuratu du Ekialde Hurbileko gatazkaren aurrean, eta ohartarazi du Espainia ez dela izango munduarentzat txarra den zerbaiten konplize, bakarren baten errepresalien beldur, Donald Trumpi erreferentzia eginez.
Sanchezek "gerrari ez" leloa defendatu du, eta adierazi du ez dela Trumpen "errepresalien beldur"
AEBk eta Israelek Irani egindako erasoaren harira egindako adierazpen instituzional batean, Pedro Sanchez Espainiako Gobernuko presidenteak azpimarratu du Espainiaren jarrera argia dela: nazioarteko zuzenbidea ez errespetatzea arbuiatzea eta iraganeko akatsetan erortzea saihestea. Ohartarazi duenez, Espainia "ez da munduarentzat txarra den zerbaiten konplize izango, baten baten errepresalien beldurragatik soilik".