PPren barne egoera "larria" dela esan du Ayusok: "Txarrera goaz, desegiten ari gara"
Isabel Diaz Ayuso Madrilgo Erkidegoaren Gobernuko presidenteak ohartarazi du Alderdi Popularraren barne egoera "larria" dela, eta ezin dela "alde batera utzi" erkidegoak eta bere familiak jasandako "kaltea".
Madrilgo presidenteak ez du zuzenean argitu bere alderdian dimisioak eskatzen dituen: "Hurrengo egunetan ikusi beharko da". Hala ere, azpimarratu du barne krisia "oso larria" dela. "Norbaitek esan beharko du zer gertatu den, eta erantzukizunak hartu beharko ditu", esan du.
Diaz Ayusoren arabera, ez dago bere eta PPko presidente Pablo Casadoren arteko gerra bat: "Inoiz ez dut ordezkatu nahi izan, nire lekua Madril da". Hala ere, "eraso politiko krudel" baten biktima izan dela esan du, eta bere "errugabetasun-presuntzioa ukatu" zaiola. "Ustelkerian eta praktika txarretan ni nahasten saiatu dira", salatu du.
Zentzu horretan, presidenteak aurreratu du Fiskaltzari "kontratuari buruzko dokumentazio guztia" igorriko diola. Diaz Ayusok bere anaiak kobratutako kontratua defendatu du berriro. "Materialik ez zegoenean eta merkatuetan hornidura falta zegoenean,m materiala ekarri zuen", adierazi du.
Presidenteak aurreko egunetan herritar askok emandako babesa eskertu du, eta bere familia jazarri dela salatu du.
Albiste gehiago politika
Irailaren 14an independentziaren aldeko manifestazio bat deitu du Ernaik Donostian
"Ekin eta bultza" lelopean, Euskal Herriko independentzia aldarrikatu nahi dute. Txiki eta Otaegiren fusilamenduaren 50. urteurrena ere oroituko dute.
:eitb-banner?$eitb-banner$&fmt=webp-alpha&qlt=80)
ETAko presoen aldeko 135 ekintza dokumentatu ditu Covitek udako jaietan
"Horrelako mezuek espetxetik ateratzea helburu legitimoa dela eta hilketengatik zein bestelako krimen batzuengatik ezarritako zigorrak bidegabeak izan ziren ideia sustatzen dute", deitoratu du Consuelo Ordoñezek.
Peinado epaileak Begoña Gomez inputatu gisa deklaratzera deitu du, diru publikoa bidegabe erabiltzea egotzita
Irailaren 11n deklaratu beharko du Sanchezen emazteak Madrilgo Auzitegian. Cristina Alvarez, haren aholkulariak berriz, bezperan, irailaren 10ean.
Udaltzain bat txosnetatik kanporatu dutela salatu du Ondarroako Udalak
Udalaren ustez, gertatutakoa "oso larria" da, eta neurriak hartuko dituela jakinarazi du.
Sarek "salbuespeneko espetxe-politikak" amaitzeko eskatu du Donostian
Urtero legez, Sarek manifestazioa egin du Donostiako Aste Nagusian, "euskal preso, iheslari eta deportatuak etxeratzea" eskatzeko. Azken urtean lortu diren aurrerapausoak azpimarratu dituzte bertan, baina oraindik bide luzea dagoela egiteko gaineratu dute. Sarek espetxe-legeak eta -politikak aldatzeko eskatu du "benetako bizikidetza" lortze aldera.
Eusko Jaurlaritzak babes ofizialeko 225 etxebizitza lizitatu ditu Gasteizko Larrein auzoan
Visesak lehiaketara atera ditu alokairuko etxebizitza babestuaren sustapen honen obrak, 38,5 milioi euroko aurrekontuarekin eta 24 hilabeteko egikaritze-epearekin. Kontratua, eranskinak eta urbanizazioa barne, irailaren 26ra arte aurkeztu ahal izango da.
Sarek eta Bilboko Konpartsek 'Bizkaiko Etxera Eguna' deitu dute abuztuaren 22rako Bilbon
Aste Nagusiarekin batera, ETAko preso, iheslari eta deportatuen itzulera eskatzeko manifestazioak, bazkari herrikoiak eta kontzertuak izango dira. Antolatzaileek gogorarazi dute gizarteak "gatazkaren zauri mardulenak gainditu" dituela eta "badela garaia 'Etxera' aldarria erreibindikazio izatetik lorpen izatera pasatzeko".
Luberrik Bilboko Konpartsek berriz "baztertu" dutela salatu du, "irizpideak bete arren"
Gazte Koordinadora Sozialistarekin (GKS) lotutako konpartsak jarduerak egingo ditu Aste Nagusian, "normaltasunez parte hartu" ezin duela agerian uzteko eta "bere espazioa" eskatzeko.
Covitek jaietan ETAko presoen aldeko pankartak agertu izana salatu du
Bilboren kasuan, Txoribarrote konpartsak "pankarta handi bat" zabaldu izana kritikatu du Covitek, "Euskal preso eta iheslariak etxera" aldarria idatzita duena. Donostiako Udalak kendu egin ditu hiriko ikastetxe publiko bateko fatxadan zeuden pankartak
Goia kexu agertu da Espainiako Gobernuarekin, Malitik etorritako migratzaileekin duen ardurari ez baitio behar bezala heltzen
Donostian bizi diren migratzaile maliarren egoeraz galdetuta, Eneko Goia alkateak Euskadi Irratiko Faktoria saioan adierazi du behin-behineko irtenbidea aurkitu dutela Arantzazun, eta adierazi du Espainiako Gobernuak Malitik etorritako migratzaileekin duen ardurari ez diola behar bezala heltzen.