Tapiak Sanchezi egindako kritikak ulergaitzak dira Anduezaren arabera, Jaurlaritzak neurririk hartu ez duelako
Espainiako Gobernuak Ukrainako gerrak eragindako krisi ekonomiari aurre egiteko neurri sorta onartuko duen egunean, Eneko Andueza PSE-EEren idazkari nagusiak Arantxa Tapia sailburuari aurpegiratu dio Pedro Sanchez kritikatu izana, hain zuzen ere, "hemen neurririk hartu ez dela kontuan izanda". Euskadi Irratiko "Faktoria" saioan egin dioten elkarrizketan adierazi duenez, "oso erraza izaten da askotan bestea begiratzea eta kritikatzea norberak hartu beharreko neurriak hartzen ez dituenean".
"Erantzukizunez jokatu behar dugu eta, logikoki, ditugun tresna guztiak hartuta", gehitu du. PSE-EEko idazkari nagusiaren arabera, batasunaren momentua da: "Ez dugu egoera hau aprobetxatu behar kritika egiteko eta etekin politikoa ateratzeko".
Eusko Jaurlaritzaren neurriak berandu ote datozen galdetuta, erantzun du erraza dela kritikatzea norberak neurririk hartu ez duenean.
Bestalde, Eneko Anduezak "oso beharrezkoa" dela uste du lehendakariak alderdi guztiekin egin asmo duen bilera erronda. Anduezak ez du zehaztu noiz elkartuko den Urkullurekin, baina datorren astean izango omen da.
Urkullurekin harremanak "egokiak" eta "zintzoak" direla azpimarratu du, eta desadostasunak eta tirabirak elkarrizketaren bidez konpontzen dituztela. Halaber, aurrerantzean ere beti esango dio zintzoki pentsatzen duena.
Hezkuntza itunaren inguruko akordioaren harira, Alderdi Sozialistaren lana goraipatu du: "Zintzoki diot PSE-EEk gai hau bideratu egin zuela". Hezkuntza batzordeko presidenteak aurkeztutako ondorioetan "ez genituen ikusten gure ikuspuntuak, gai potolo asko eta asko ez zeuden sartuta eta gure interbentzioaren ostean horiek sartu dira". Akordioaren aurreko orduetan zalantza asko sortu ziren, askoren arabera, euskararen zentraltasunak sortuta. Anduezak, ordea, hori ukatu du: "Guk ez genuen inongo momentuan nahi euskararen inguruan eztabaida artifizialik sortzea, euskara politikoki erabiltzea, hori euskararentzat kaltegarria zelako".
Sahararen inguruan Espainiako Gobernuak hartutako azken erabakia ere hizpide izan du. Anduezaren hitzetan, Espainiako Gobernuaren jarrera ez da aldatu. Gaineratu duenez, Sahararen inguruko gai garrantzitsuetan Espainiako Gobernuaren jarrera ez da batere aldatu, "beste gauza bat da alderdi batzuek hori erabiltzea etekin politikoa lortzeko". "Maroko beti gure bazkide izan da gai askotan eta harremanak bideratzea komenigarria zen eta hori gertatu da", gehitu du.
Albiste gehiago politika
Anduezak Pradalesi esan dio "aukera ona" duela "Goiari esateko iraina ez dela bidea"
Radio Popularri eskainitako elkarrizketa batean, Donostiako alkateak astelehen honetan berari zuzendutako kritiken inguruan hitz egin du Eneko Anduezak. PSEko buruak EAJri koalizioa "arriskuan" jartzeaz ohartarazi zion igandean, "EH Bildurekin identitate-akordioak bilatzen jarraitzen" bazuen; horri buruz Euskadi Irratian galdetuta, Andueza "ahobero" bat zela iritzi zion Goiak astelehenean.
Pisu turistikoei buruzko Lege Proposamena onartzeko beharrezko babesa lortzea espero du EH Bilduk
Arratsaldean, Kongresuak, EH Bilduren Lege Proposamena eztabaidatuko du, plataformei legez kanpoko edo lizentziarik gabeko pisu turistikoak kontratatzea eta iragartzea debekatzeko. Eginez gero, milioi bat euro arteko isunak ezartzea jasotzen du proposamenak.
Estebanek erakundeen egonkortasuna zalantzan jartzea eta "beharrezkoa ez den" mesfidantza sortzea egotzi dio Anduezari
Anduezak egin berri dituen adierazpenak "lekuz kanpo" daudela adierazi du Estebanek, eta gehitu du tentsioa eta mesfidantza sortzen dutela. Horren aurrean, zehaztu du Eusko Jaurlaritza "ondo" ari dela lanean, eta euskararen arloan, lan-eskaintza publikoetan euskara eskatzeari dagokionez, PSE-EErekin "akordio handi bat" lortzeko aukera dagoela sinetsita dago Esteban.
Pradalesek eta Chivitek lankidetza protokoloa sinatuko dute ostiralean, Osasun, Industria Eraldaketa, Kultura eta Euskara arloetan
Gobernu Kontseiluaren osteko prentsaurrekoan, Maria Ubarretxena Eusko Jaurlaritzaren bozeramaileak azaldu du onartu egin dutela Eusko Jaurlaritzaren eta Nafarroako Gobernuaren arteko lankidetzarako protokolo orokor bat.
Epaileak Abalos eta Koldo Garcia deitu ditu berriro
Leopoldo Puente Auzitegi Goreneko magistratuak Jose Luis Abalos ministro ohia eta haren aholkulari ohi Koldo Garcia berriro deklaratzera deitu ditu, urriaren 15ean eta 16an, hurrenez hurren.
Eneko Goia: "Eneko Andueza ahobero hutsa da"
Donostiako alkateak Eneko Andueza sozialisten idazkari nagusiak atzo esandakoa gezurtatu egin du. Alegia, jeltzaleek EAJ eta PSEren arteko koalizioa arriskuan jarriko dutela, EH Bildurekin politika identitarioak ezartzeko akordioak bultzatzen jarraitzen badute. Eneko Goia baikor agertu da, Gobernu Programa arazorik gabe betetzen ari delako.
Begoña Gomez ez da epailearen aurrean aurkeztuko, bigarrenez
Irailaren amaieran gertatu bezala, Pedro Sanchezen emazteak uko egin dio epailearen aurrean agertzeari, eta abokatua joango da haren ordez. Helburua da Gomez herri-epaitegi batek Gomez epaitzea, diru publikoa bidegabe erabiltzea egotzita.
Otxandianok dio PSE-EE "funtsezkoa" dela, eta estatusari eta euskarari buruzko akordioen parte izan behar duela
EH Bilduk Eusko Legebiltzarrean duen bozeramailearen ustez, EAJk eta PSE-EEk duten itun instituzionalak "ez du oinarririk; funtsezko eztabaidetan arrakalak dira nagusi".
Gasteiz jendez gainezka, Gobernu Irekirako Aliantzaren IX. Goi-bilera Globala dela eta
Nazioarteko hitzorduaren bederatzigarren edizioan 200 aditu, lider politiko eta aktibista izango dira ostiralera arte Arabako hiriburuan.
Bayrouren kide eskuinzaleek jarraituko dute Frantziako Gobernu berrian
Sebastien Lecornu lehen ministroak iragarri du hainbat ordezkari mantenduko dituela Gobernuan; alegia, François Bayrouren kabinetean zeudenak. Erabakiak oposizioaren erreakzioa ekarri du.