Gerra Zibileko 42 desagerturen gorpuzkiak topatu dituzte Begoñan, gehienak gudari eta milizianoak
Orain arte Euskadin aurkitutako hobirik handienean, Begoñako hilerrian (Bilbo), 46 pertsonaren gorpuzkiak topatu dituzte, horietatik 42 desagertuak ziren, gehienak gudariak eta milizianoak.
Gogora Memoria Institutua hobitik atera dituzten gorpuzkiak identifikatzeko lanean ari da jadanik. Horregatik, senidea Bilboko defentsan hil zutenaren susmoak dituzten familiei Institutuarekin harremanetan jartzeko eskatu diete.
Gerra Zibilaren testuinguruan hildako pertsonen gorpuzkiak Begoñan zirela bazekiten, baina azken asteetan Aranzadi Zientzia Elkarteko arkeologoek garaiko hobi komun handi bat topatu dute, eta haren berririk ez zegoen; izan ere, dokumentaziorik ez zegoen. Honenbestez, hilerrian gerrarekin lotutako lurperatzeak egin zirela bazekiten, gehienak hilobi indibidualetan ehortziak, baina desagertu horien inguruko agiririk ez zegoen.
Aranzadi Zientzia Elkarteak lanak aurrera eraman ditu Bilboko Udalaren Begoñako Argia proiektuaren baitan.
Beatriz Artolazabal Eusko Jaurlaritzako Berdintasun, Justizia eta Gizarte Politiketarako sailburuak agerraldia egin du asteazken honetan, Juan Mari Aburto Bilboko alkatearekin eta Juantxo Agirre Aranzadi Zientzia Elkarteko idazkari nagusiarekin batera, desobiratzeen berri emateko.
"Guztira, hobi komun handian 42 biktimaren gorpuzkiak agertu dira; ez zeuden erregistraturik, beraz, orain arte desagerturik zeuden", azpimarratu du Beatriz Artolazabal sailburuak.
Gauza ugari aurkitu dituzte
Indusketa lanetan gauza ugari berreskuratu dituzte arkeologoek: monetak, objektu pertsonalak, botak, belarriak eta bost identifikazio txapa.
Hipotesi nagusiaren arabera, Bilboren defentsan hil zituzten 1937ko ekainaren 15etik 18ra, litekeena da Artxandako batailan. Gudariak eta milizianoak Begoñan lurperatu zituzten, inolako erregistrorik egin gabe, hiria frankisten eskuetan erortzeko zorian baitzegoen.
Hobian topatutako identifikazio txapen lehen garbiketa egin ondoren, hildakoen batailoiak zehazteko lehen pausoak eman dituzte. Artolazabalek aurreratu duenez, San Andres Batailoiko (Eusko Gudarosteko unitatea; STV sindikatu abertzaleari lotua) gudariak izan daitezke, baita Jean Jaures Batailoiko milizianoak (UGTri atxikia) eta miliziano anarkistak ere.
Hobiak lau zati ditu
Hobi komun handia lau zatitan banatuta dago: horietako batean bi indibiduo aurkitu dituzte, bigarren zati batean beste bi pertsona, hirugarrenean 17 eta laugarrenean 25.
Gorpuzkiak hobitik ateratzeko lanak ez dira amaitu, eta oraindik zazpi gudari eta miliziano errepublikar lurpetik atera behar dituzte Santa Teresako eremuan eta bi soldadu frankista Santa Luziako zonaldean. Datozen astean helduko diete lanei.
Agertutako gorpuzki guztiei DNA probak egingo dizkiete Gogora Institutuaren bidez, gerrako biktimen senideen DNArekin gurutzatzeko.
Zure interesekoa izan daiteke
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.
Pradalesek euskararen ofizialtasuna Europan defendatuko du, Frantziako Senatuan euskaraz egingo duen hitzaldian
Lehenengo aldiz izango da lehendakari bat Frantziako goi-ganberan, eta agertoki sinboliko hori baliatuko du, euskararen ofialtasunaren defentsan babes instituzional zabalagoa eskatzeko.