EAEko energiaren multinazionalekin prezioen ituna lortzea eskatu dio Elkarrekin Podemos-IUk Jaurlaritzari
Eusko Legebiltzarrean saio monografikoa egiten ari dira ostiral honetan, Ukrainako gerrak eragin duen egoera aztertzeko eta neurriak proposatzeko. Testuinguru horretan, Miren Gorrotxategi Elkarrekin Podemos-IUko bozeramaileak Eusko Jaurlaritzari eskatu dio Euskal Autonomia Erkidegoan egoitza soziala duten energiaren multinazionalekin prezioen inguruko ituna adosteko. Halaber, "txoke neurriak" onartzea eta "ezkutu soziala" sortzea galdegin dio, "gure enpresak eta familiak prezioen gorakadatik babesteko".
Elkarrekin Podemos-IUko bozeramaileak ahalegin bat eskatu die euskal energia enpresa horiei prezioak mugatzeko. Gorrotxategiren iritziz, Euskadin benetan errotuta badaude, "pauso bat eman eta lagundu egin beharko lukete".
Koalizio moreak "krisiaren benetako arrazoiei aurre egingo dien" herri akordioa lortzeko borondatea erakutsi du. "Ukrainako gerraren aurretik ere krisian geunden Euskadin", azpimarratu du erregaien eta prezioen igoerari aipamena egin aurretik.
Ildo horretan, epe motzeko eta luzerako neurriak jarri ditu mahai gainean. Epe motzean, hiru itun proposatu ditu ekonomia aktibatzeko eta familiak babesteko: errentarena, prezioena eta soziala. Epe luzera, ostera, elikadura, energia eta zerga eredua goitik behera aldatzea galdegin du.
Gainera, egungo eredu energetikoarekin hautsi behar dela uste du, eta, esate baterako, energia berriztagarrien enpresa publiko bat sortzeko beharraz hitz egin du.
Gorrotxategiren ustez, "ez da nahikoa arazoak arintzeko txoke neurriak hartzea", eta beharrezkoa da etorkizun urrunera begiratzea eta aurretik dauden krisiei erantzutea.
Fiskalitateari lotuta, zerga erreforma aipatu du, "gehien irabazten dutenek gehiago ordaindu dezaten". "Beharrezkoa da erreforma bat egitea, aberats handiek eta krisiari etekin gehien atera dioten enpresek ekarpen handiagoa egin dezaten", gehitu du.
Zure interesekoa izan daiteke
Sanchezek eskatu du EB-Israel akordioa bertan behera uzteko, eta Netanyahuk Espainia kanporatu du Gazarako koordinazio zentrotik
Espainiako Gobernuko presidenteak ohartarazi du Israel nazioarteko zuzenbidea "nabarmen" urratzen ari dela Palestinan eta Libanon. Israelgo lehen ministroak, bestalde, Israelgo Armadako soldaduak difamatzea leporatu dio Espainiari.
Fiskaltzak ETAko buruzagi ohi Marisol Iparragirreri emandako erdi-askatasuneko erregimenaren aurka egin du
Fiskaltzak Espetxe Araudiaren 100.2 artikuluaren aplikazioa berrikusteko eskatu du; txostenak, baina, ez du Eusko Jaurlaritzaren erabakia eten.
Chivitek asteazkenean sinatuko du Hithiumen inbertsioa Nafarroan gauzatzeko akordioa, Pekinen
Horren helburua 400 milioi euroko inbertsioa eta 1.000 lanposturaino beharko dituen bateria enpresa ezartzeko urratsak aurreratzea da.
Fiskaltzak helegitea jarri du Konstituzionalean, Garcia Ortiz fiskal nagusi ohiaren aurkako epaiaren kontra
Ministerio Publikoaren arabera, Garcia Ortizen errugabetasun printzipioa urratu da prozesuan zehar eta ez dago froga nahikorik Alberto Gonzalez Amadorren abokatuak bidalitako mezu elektronikoa Fiskaltzak bidali zuela esateko.
Aitor Estebanek euskal selekzioen ofizialtasuna aldarrikatu du, “nazioarte mailan ikusgarritasuna izateko”
EAJren EBBko presidentea Mendozan izan da, Munduko Pilota Txapelketa antolatu duen hirian. Pilotako euskal selekzioaren ofizialtasuna lortu izanak duen “garrantzia” nabarmendu du bertan.
Euskal Hirigune Elkargoak larunbatean hautatuko du lehendakaria, eta gutxienez lau hautagai izango dira
09:00etan bilera hasi arteko epea duten arren, lau dira, momentuz, Elkargoa gidatzeko nahia adierazi dutenak: Jean Rene Etchegaray, Baionako auzapeza eta Elkargoko lehendakaria orain arteko bi agintaldietan; Alain Iriart, Hiriburuko ezker abertzaleko auzapeza; Peio Etxeleku, Kanboko auzapez jeltzalea, eta Pascal Lesellier, Baionako eskuin muturreko hautetsia.
Rufianek eta Monterok ezkerra batzea eskatu dute, Voxi aurre egiteko: "Bestela, banan-banan hilko gaituzte"
Gabriel Rufian ERCk Kongresuan duen bozeramaileak eta Irene Montero Podemoseko bigarrenak PSOEren ezkerretara dauden alderdien batasuna aldarrikatu dute, eta biek defendatu dute ezkerreko balizko fronte horien gidaritza euren alderdiek hartzea Estatuan eta Katalunian. "Betela, banan-banan hilko gaituzte", esan dute, Bartzelonan egin duten ekitaldia.
Carmen Panok Aldamaren aginduz Ferrazen 90.000 euro entregatu zituela berretsi du Gorenean
Enpresariak esan du 45.000 euroko bi ordainketa eraman zituela PSOEren egoitzara, eta Abalosek hidrokarburoen lizentzian egindako kudeaketengatik “etxe bat" nahi zuela adierazi du.
Otxandianok "haren kapital politikoa jartzeko" eskatu dio Pradalesi, "estatus politiko berriaren eztabaida erdigunean kokatzeko"
EH Bilduren Legebiltzarreko bozeramaileak gehiengo kualifikatuak eta giro politiko "nahiko aldekoa" direla aprobetxatzearen alde egin du, "herri akordioak, akordio nazionalak eta estatu ikuspegia duten itunak lortzeko" EAEn, bere ustez, eta egungo testuinguru historikoan, hori baita "herri honen interesak babesteko alternatiba zentzuzko bakarra".
Josu Urrutikoetxearen aurkako epaiketa abiatu da Parisen, Frantzian bere kontra irekitako azken prozeduraren barruan
Epaiketa pasa den urrian egitekoa zen, baina Josu Urrutikoetxearen osasun arrazoiengatik apirilera atzeratu zen. Parisko Dei Auzitegian epaituko dute 2002tik eta 2005era ETAko kide izan zelakoan.