Prezioen igoerak gehien kaltetutako sektoreei zergak izoztearen eta funtsak aktibatzearen alde egin du Voxek
Amaia Martinez Voxek Eusko Legebiltzarrean duen bozeramaileak gaurko osoko bilkura monografikoa "gerra bidegabe honetan" ukrainar herriari "babesik zintzoena" emanez hasi du hitzaldia eta hasieratik nabarmendu nahi izan du, testuinguru sozio-ekonomiko eta energetiko berriari aurre egiteko arazoen konponbideak eta sistema behar ditun aldaketen inguruko erabakiak "hemendik kanpo" hartu behar direla, "baita Espainiatik kanpo ere", eta azpimarratu du "dena Euskal Herria munduaren erdigunea balitz bezala kudeatzen tematuta" jarraitzen dela.
Martinezek Eusko Jaurlaritzak pandemia garaian aurreztutako "dirutza harrigarrian" oinarritu du bere hitzaldia, "egungo testuinguruan erabat ulertezina den soberakin milioiduna".
Salatu duenez, "pandemiaren 24 hilabete gogorren ondoren, ia era guztietako enpresak galbidera, langabeziara, pobreziara eta penuria orokorretara kondenatuak izan ondoren, jakin dugu Urkulluren Gobernuak 1800 milioi euroko soberakina duela. Martinezen arabera, "pandemian zehar euskal ostalaritza zulotik ateratzeko Jaurlaritzak eman dituen laguntzak baino handiagoa da".
Egungo krisiari aurre egiteko bere alderdiaren proposamenak zerrendatu ditu gero, lehenengo eta behin, "energiaren prezioen igoerak kaltetutako sektoreei eta pertsonei egoera hori konpontzeko ia berehalakoak izango diren funtsak aktibatzea". Nekazaritza, arrantza eta garraio sektoreak aipatu ditu, "Ukrainatik iritsitako pertsonak modu solidarioan eta altruistan etxean hartzen dituzten pertsonak ahaztu gabe".
Era berean, Voxek proposatu du "sektore horien jarduerari kalte egiten dioten" zuzeneko eta zeharkako zergak izoztea, eta "autonomoentzako eta aldi baterako lan-erregulazioko egoeran dauden langileentzako arreta berezia" eskaintzea, baita elektrizitatearen gaineko zerga berezia ezabatzea ere.
Horrez gain, konfiantzazko karguen gehiegizko gastua ezabatzeko beharra azpimarratu du, "gastu garestia eta erabat baztergarria", baita "goi-kargudunak izan zirenak eta jada ez direnak mantentzeko biziarteko gastua" ere.
Bere hitzaldiaren amaieran, Martinezek salatu du "demokrazia, elkarrizketarako eta akordiorako jarrera, ideien errespetua eta berdintasunezko tratuaren inguruan lezioak ematen aritzen direla" zenbait Legebiltzarrean, "egunerokoan kontrakoa egiten dutenean gauzak proposatzen eta planteatzen dituena VOX denean".
Zure interesekoa izan daiteke
Manifestazioa Itsasun, Iparretarrak taldeko kide baten omenezko murala ezabatzeko aginduaren kontra
Frantziako Gobernuko ordezkariak Iparretarrak talde armatuko kide ohi baten murala ezabatzeko agindua eman ostean, gaur Itsasun, Lapurdin, ehunka lagun kalera atera dira erabaki hori gogor kritikatzeko. Ez dago argi Udalak noiz ezabatuko duen Txomin Olhagaray Iparretarrak taldeko kidea irudikatzen duen margoa. Manifestariek adierazi dute artelan bat baino ez dela eta noizbait liburuak ere erreko ote dituzten galdetu dute.
Irene Monterok primario ireki batzuetara aurkeztuko du bere burua Podemosen hautagaia izateko hauteskunde orokorretan
Ministro ohiak ezker alternatiboa gidatu nahi du, Sumar, IU, Mas Madrid eta Comunsek osatutako koalizioak oraindik hautagairik ez duen testuinguruan.
Javier de Andres Euskadiko PPko presidenteak Eusko Jaurlaritzaren espetxe politika kritikatu du
Euskadiko PPko presidente Javier de Andresek Alderdi Popularreko Belaunaldi Berriek antolatutako jardunaldi baten amaieran parte hartu du larunbat honetan, Bilbon. Bertan, Eusko Jaurlaritzaren espetxe politika kritikatu du, eta Henri Parot ETAko buruzagi ohiari hirugarren gradua eman izana aurpegiratu dio.
Eneko Andueza, PSE-EE: "Goazen lehentasun sozialetara"
Euskadiko sozialisten burua Abantoko Burdin Jaian egon da, eta adierazpenak egin ditu bertan bildutako kazetarien aurrean. Lehentasun identitarioen gainetik, bere alderdiak lehentasun sozialak lehenetsiko dituela azaldu du.
Tropa frankistek Errenteria okupatu zutela 90 urte bete direla eta, ekitaldia egin du Udalak
1936ko irailaren 13an sartu ziren indarrez Beorlegi koronelaren tropak. Gertakariok eta ondoren jazotako sarraskia gogoan, lore eskaintza eta minutu bateko isilunea egin dute gaur, Udalak antolatuta.
Richar Vaquero: "Ezkerraren batasunaren alde lan egiten jarraituko dugu"
Richar Vaquero Podemos Euskadiko koordinatzaile nagusiak larunbat honetan abiatu du alderdiaren Herritarren Kontseilu Autonomikoaren urte politiko berria. Lehenengo bileran adierazi duenez, Podemosek "euskal errealitatea batu, ilusioa piztu eta eraldatzeko gai izango den blokea eraiki" nahi du.
Donostiako EAJk etxebizitza eskaintza areagotzea eta turismo eredu "ordenatu eta jasangarria" sustatzea jarri du jomugan
Martxotik uztailera bitartean, elkarrizketa eta gogoeta saioa egin dute jeltzaleek 500 gizarte eragilerekin, eta 200 ekarpenetik gora jaso dituzte, 11 erronka sektorialetan bilduta. Jon Insausti alkateak ekimenaren garrantzia azpimarratu du: "Entzutea ez da jendeak zer pentsatzen duen galdetzea. Entzutea da prest egotea beste begirada batzuk onartzeko".
EH Bilduk Konferentzia Politikoa bilduko du datorren larunbatean Gasteizen
Egoera politikoaren azterketa eta urte politiko berrirako Ekintza Plana landuko dituzte, besteak beste.
Istiluak izan dira Bartzelonan independentziaren aldekoen eta eskuin muturreko jarraitzaileen artean
Istiluak izan dira, gaur arratsaldean, Diada egunean Bartzelonan egin den manifestazioan, independentziaren aldeko manifestarien eta eskuin muturreko talde ezberdinen artean. Esquadra Mossoek dispositibo zabala ezarri dute, eta hainbat unetan kargak ere izan dira.
Milaka pertsonak hartu dute parte Bartzelonan, Gironan eta Ampostan Diada egunean egin diren manifestazioetan
Independentziaren aldeko sugarra bizirik eta indartsu dagoela aldarrikatu dute ostiral arratsaldean Bartzelonan, Gironan eta Ampostan (Tarragona) Diada egunean egin diren manifestazioetan. Bartzelonako ekitaldian, ANCk iragarri du independentziaren aldeko elkarteen goi-bilera deituko duela, datorren urterako "mobilizazio handi bat" antolatzeko. 2027an 10 urte beteko dira independentziaren aldeko erreferenduma egin zutenetik, eta bide horretan beste mugarri bat ezarri nahi dute.