Iritzi ezberdinak batuko dituen "zerbait berria asmatzeko prest" agertu da Macron
Ezustekorik ez da izan, eta Emmanuel Macron Frantziako presidenteak eta Errepublika Martxan alderdiko hautagaiak bigarren itzulira pasatzea lortu du gaur, Frantziako hauteskundeen lehendabiziko bueltan, botoen % 28 eskuratuta. Aurrez aurre, Marine Le Pen ultraeskuindarra izango du, % 23ko babesa eskuratuta.
Emaitzak jakin berritan egin duen agerraldian, Macronek jarraitzaileei esan die ezer ez dagoela erabakita, eta apirilaren 24an jokatuko den bigarren itzulira begira, iritzi eta pentsamolde ezberdinak bilduko dituen "zerbait berria asmatzeko prest" agertu da.
"Ez dago ezer erabakita, eta datozen hamabost egunetan izango dugun eztabaida erabakigarria da gure herrialdearentzat eta Europarentzat", adierazi du.
Halaber, Macronek adierazi du bere proiektua dela "langileriaren arazoei erantzungo diena", eta azken urteotan herritarrek galdutako erosahalmena berreskuratzeko neurriak hartuko dituela esan du. Haren hitzetan, herrialdearen egungo desafioei "erantzun sendoena" emateko gai den alderdia Errepublika Martxan da. "Frantziaren alde lan egin nahi duten guztiei laguntzeko prest nago", esan du.
Hitzaldian, ez du irabazle modura hitz egin Macronek, eta zuhurtzia nagusitu da bere hitzetan. Bigarren itzulira begira, dagoeneko, babesa agertu dietenei eskerrak eman, eta esan die jakin badakiela babes horrek ez duela esan nahi bere programarekin bat datozenik. "Eskuin muturrari aurre egiteko botoa izango da zuetako askorena. Badakit ez dela nire proiektuaren aldeko botoa, eta errespetatzen dut", zehaztu du.
Behin betiko datuen faltan, hauteskundeen lehen itzuliko parte-hartzea % 72,7 ingurukoa izan da, 2002ko lehen itzulitik (% 71,6) izan den txikiena.
Kontserbadoreak, sozialistak eta ekologistak, Macronen alde
Bigarren itzulira begira, kontserbadoreek, sozialistek eta ekologistek Macronentzako babesa eskatu dute. Gaurko bozetan hirugarren geratu den Jean-Luc Melenchon (Frantzia Intsumisoa) ezkertiarrak, aldiz, ez du zuzenean Macronen aldeko botoa eskatu, baina oso argi esan du "Le Peni boto bakar bat ere ez" zaiola eman behar.
Bestalde, Le Penek, jada, jaso du Eric Zemmour ultraeskuineko beste hautagaiaren babesa. "Marine Le Penentzako botoa eskatzen diet jarraitzaileei", esan du emaitzak jakin berritan.
Zure interesekoa izan daiteke
Belarrak "15M aurreko" giroa sumatzen du eta adierazi du "bide horri jarraitu" behar zaiola
Ione Belarra Podemosen idazkari nagusiak baztertu egin du bere alderdiak Pedro Sanchez Espainiako Gobernuko presidentearen aurkako zentsura-mozioa babestea.
Feijooren zentsura mozio proposamenak ez duela biderik egingo dio Pradales lehendakariak
Imanol Pradalesen arabera, PPren proposamenak Vox ekuazioan sartzea dakar, eta horrek ezinezko egiten du EAJk babesa ematea.
PPk Voxekin itxi du akordia Gaztela eta Leonen
Hiru hilabete eman dituzte negoziatzen, eta gaur, Alderdi Popularrak eta Voxek, eguerdiko hamabietan sinatuko dute gobernu-ituna, Gaztela eta Leonen. Santiago Abascalen alderdiak "lehentasun nazionala" bermatzea lortu du, eta zehazteke dago Extremadurako edo Aragoiko erroldatze eredua aplikatuko den.
Albiste izango dira: Pradales lehendakariari elkarrizketa TV3en, "12 minutos" saioa Nadia Calviñorekin eta 74. Zinemaldiaren kartelaren aurkezpena
Gaurkoan Orain-en albiste izango direnen laburpena, bi hitzetan.
Pradales, Espainiako politikaren egungo egoerari buruz: "Guri dagokigunez, alarma guztiak Vox agertzen denean pizten dira"
Kataluniako Generalitateko eta Galiziako Xuntaren presidenteekin batera, mahai-inguru batean hartu du parte gaur lehendakariak, Bartzelonan. Ohartarazi du Voxek autonomien estatua desagerrarazi egin nahi duela.
Arrigorriagako Udalak zinegotzi baten aurkako eraso transfoboa salatu du
EH Bilduk ere salatu du erasoa, eta elkartasuna adierazi dio biktimari. Joan den larunbatean izan zen eraso transfoboa.
EAJk erantzukizun politikoak eskatu dizkio Errenteriako alkateari eta Xenpelar auzia Arartekoaren eta Fiskaltzaren esku utzi du
Alderdi jeltzaleak adingabeak babesteko legezko betebehar guztiak bete ziren ala ez argitzea eskatu du.
Pradales, Espainiako politikaren egungo egoerari buruz: "Guri dagokigunez, alarma guztiak Vox agertzen denean pizten dira"
Imanol Pradales lehendakariak Cercle d'Economia foroak antolatu duen jardunaldi batean hartu du parte, Salvador Illa eta Alfonso Rueda Kataluniako eta Galiziako presidenteekin batera. Erkidegoen finantzazio ereduez ez ezik, Espainiako egoera politikoaz eta hauteskunde aurrerapenaz ere hitz egin dute. Zuhurtzia eskatu du Gasteizko Gobernuaren buruak, baina nabarmendu du aldaketa politikoaren aukerarekin ez dela tematu behar.
Feijook dio ez dabilela Moncloara iristeko "bidezidor" bila: "Ez nator mesedeak eskatzera, ezta ezer oparitzera ere"
"Egoera den bezain delikatua izanik, ezin gara hausnarketa arinekin jardun", adierazi du Feijook. Jasotako "aholku guztiak" eskertu ostean, "arduraz eta bere uste sendoen arabera" jokatzen jarraituko duela esan du.
Uxue Barkos, Belateko tunelen auziko batzordeaz: "Nafarroan lan serioa eta zorrotza egin da; Senatuko batzordeak ispilu ona zuen hor bere buruari begiratzeko"
Geroa Bairen senatariak Nafarroako Parlamentuko ikerketa batzordeak Koldo auziaren eta Belateko tunelen inguruan egindako lana goraipatu du, eta, era berean, Senatuko batzorde paraleloak egindakoa deitoratu, PPk titularrak behar zituen heinean kolpeka" funtzionatu baitu, haren ustez.