Espainiako Gobernuak errefusatu egin du erantzukizunik aitortzea: "Bonbardaketa ez zuen Estatuak egin"
Felix Bolaños Espainiako Gobernuko Presidentzia ministroak errefusatu egin du Exekutiboak erantzukizunik aitortzea Gernikako bonbardaketaren inguruan. Izan ere, horren esanetan, sarraskia "naziek" egin zuten, eta "kolpistek" eman zioten babesa. "Bonbardaketa ez zuen Espainiako Estatuak egin, ezta gobernu zilegi batek ere", nabarmendu du.
Gaur, bonbardaketa egin zutela 85 urte bete direnean, Espainiako Gobernuak lehen aldiz gaitzetsi du sarraskia, eta aurrenekoz parte hartu du omenaldi ekitaldietan.
Arraltsaldean, Senatuan, baina, Estefania Beltran de Heredia EAJko senatariak Estatuaren izenean "erantzukizunak" aitortzeko eskatu dio Espainiako Gobernuari.
"Memoria demokratikoak behar du gobernuak bere gain hartzea iraganeko gertakizunak, horren erantzukizun zuzena eta gobernu eredua edozein direla ere", adierazi du Beltran de Herediak.
Are gehiago, horren ustez, "Estatu-jarraipenaren printzipioa" kontuan hartuta, Espainiako Exekutiboak aitortu egin behar du gerora Gobernu frankista izan zenak bonbardaketan izan zuen parte-hartzea.
Horrenbestez, aitorpen hori egitea "bidezkoa" dela iritzi dio senatari jeltzaleak, eta gogora ekarri du 1997an Alemaniako Gobernuak barkamena eskatu ziola Gernikako herriari.
EAJko senatariak balioetsi du Exekutiboak egindako "urratsa", baina deitoratu du Estatuak erasoan duen "erantzukizun historikoa saihestu izana".
Testuinguru horretan, Bolaños ministroak goratu egin nahi izan du Pedro Sanchezen Gobernuak goizean onartutako gaitzespen adierazpena, eta ohartarazi du ez dagoela ados EAJren argudioekin.
"Basakeria hura ez zuen egin Espainiako Estatuak, ezta gobernu zilegi batek ere; kolpistek babestu eta ospatu zuten", gaineratu du.
Bestalde, ministroak Ukrainako gerra ere ekarri du gogora, eta Errusia "babes gabe dauden herritarren" aurkako bonbardaketak egiten ari dela.
Zure interesekoa izan daiteke
Ultraeskuinak tratu txarren zerbitzura dagoen diskurtsoa duela esan du PSE-EEko presidenteak
Cristina Gonzalez PSE-EEko presidenteak esan du ultraeskuinak "erantzukizuna" duela indarkeria matxistan, hori gauzatzen dutenen zerbitzura jartzen den "giro politikoa" sortzen duelako.
?fmt=webp-alpha&qlt=80)
Lau pertsona atxilotu dituzte urriaren 30ean Nafarroako Unibertsitatean izandako istiluengatik
Istiluak Nafarroako Unibertsitatearen inguruan jazo ziren, Vito Quiles eskuin muturreko ekintzaileak ekitaldi bat deitu ondoren. Azkenean, bertan behera utzi zuen deialdia.
Europak "Euskadi bezalako" Estaturik gabeko nazioak kontuan har ditzala eskatu du Pradalesek
Europako Alderdi Demokratak (PDE) urteroko kongresua egin du ostiral honetan BECen. Bertan, Europako alderdietako buruzagi politikoak, aktibistak eta intelektualak izan dira.
Espainiako Gobernuak garraio publikoko deskontuak luzatzeko asmoa duela egiaztatu du Jaurlaritzak
Garraio publikoan hobariak mantentzearen alde agertu da Lakua, eta, luzatzen ez badira, "horri buruzko bide-orri propioa" martxan jartzearen alde.
Bingen Zupiriaren ustez, atxilotuen jatorriaren berri emateak "gezurraren eta estigmatizazioaren aurka borrokatzeko" balio du
Bingen Zupiria Eusko Jaurlaritzako Segurtasun sailburuaren arabera, neurriak "gauzak informazio egokiarekin argitzen laguntzen du", baina "batzuk itxura eman nahi dute datuak ezkutatu nahian gabiltzala". EH Bilduk, berriz, eskuinaren diskurtsoa elikatzea eta kritikei entzungor egitea leporatu dio sailburuari.
Gasteizek erantzukizunak eskatu dizkio Estatuari 76ko martxoaren 3ko eta 78ko sanferminetako gertaerengatik
Beste hainbat elkarterekin batera Martxoak 3 eta Sanfermines 78 Gogoanek aurkeztutako mozioa onartu du Udalbatzak.
El Ventorroko jabeak adierazi du ez zituela Mazonen deiak entzun eta 18:30ak eta 19:00ak artean joan zela
Valentziako Generalitateak GOIDIAren inguruan egin zuen kudeaketa ikertzen ari den Catarrojako (Valentzia) epailearen aurrean deklaratu behar izan du ostalariak. Ez zuela Mazon telefonoz hitz egiten entzun esan du eta ez zitzaiola iruditu presidentea arduratuta zegoenik.
Sumarrek ez du Eusko Jaurlaritzarekin negoziatzen jarraituko eta osoko zuzenketa aurkeztuko die aurrekontuei
Halaxe iragarri die Jon Hernandez Sumarreko legebiltzarkideak komunikabideei. Hernandezek salatu du Jaurlaritzak erakutsi duela ez duela Sumarrekin negoziatu nahi datorren urteko kontuei taldeak balizko babesa ematea.
Abiadura Handiko Trenaren konexioan "inplikatzeko" eskatu dio Pradalesek Macroni gutun bidez
Javier de Andres EAEko PPko presidenteak Legebiltzarrean egindako galdera bati erantzunez, lehendakariak esan du atzerapenak "oztopo" direla Euskadiren garapenarentzat. Horregatik, gutun bana bidali die Emmanuel Madron Frantziako presidenteari eta Sebastien Lecornu Frantziako lehen ministroari, Hendaia-Dax-Bordele konexioan "inplikatzeko" eskatuz.
Pradalesek diktaduran egindako bidegabekeria konpontzeko eta aitortzeko keinu bat egitea eskatu du
Imanol Pradales lehendakariak Espainiako Estatuak diktaduran egindako bidegabekeria konpontzeko eta aitortzeko eskatu du. Lehendakariaren hitzetan, "Estatuak oraindik zor handia du Euskadik iraganean jasandako bidegabekerien aitorpenean".