Eusko Jaurlaritzako Larrialdi eta Meteorologia zerbitzuko zuzendariak dimisioa eman du
Fernando Izagirre Eusko Jaurlaritzako Larrialdiei Aurre Egiteko eta Meteorologiako zuzendariak dimisioa eman du, Bizkaiko DYAko presidente izan zen garaian ustez egindako irregulartasunengatik.
Eusko Jaurlaritzako iturriek EITB Mediari baieztatu diotenez, asteburuan eman zuen dimisioa, eta atzoko gobernu bilerak onartu egin zuen bi aldeak adostasuna lortu ondoren.
Aipaturiko iturrien arabera, kargugabetzeak ez du zerikusirik Eusko Jaurlaritzan izan duen zereginarekin. Dena dela, Fernando Izagirreri leporatzen dizkioten delituak azkar argitzea espero du Jaurlaritzak.
DYAko egungo zuzendaritzak apirilean salaketa jarri zuen Fiskaltzaren aurrean, 2016 eta 2021 bitartean Fernando Izagirre erakunde horretako presidente zela kudeaketa ekonomiko irregularra egin zuelakoan.
DYAko iturriek Euskadi Irratiari adierazi diotenez, duela urtebete zuzendaritza berriak kargua hartu berritan agindutako barne auditoriak irregulartasunak azaleratu zituen. Emer Plus enpresarekin lotutako "mugimendu arraroak" eta justifikatuko gabeko mugimendu ekonomikoak aipatu dituzte.
Horrela, apirilaren 4an DYAk dagokion salaketa aurkeztu zuen epaitegietan. Antza denez, Izagirre ez ezik, DYAko zuzendaritzako beste hainbat kide ere zipriztindu ditu auziak, 10 pertsona guztira.
Javier Liz DYAko gerenteak Radio Euskadin azaldu duenez, ez dute gaiari buruzko iritzirik eman nahi, harik eta inplikatutako pertsonek azalpenak ematen dituzten arte.
Testuinguru horretan, Fernando Izagirrek uko egin dio DYAko zuzendaritzari, eta Galdakaoko EAJren udal taldearen bozeramaile kargua ere utzi du. Azken udal hauteskundeetan Galdakaoko alkatetzarako EAJren hautagaia izan zen, baina azkenean EH Bilduk eskuratu zuen alkatetza. Halaber, alderdiko karneta ere entregatu du.
Erreakzioak
Fernando Izagirre Larrialdiei Aurre Egiteko zuzendari izendatzeko orduan Eusko Jaurlaritzak "ardura gutxi" izan zuela salatu du Euskadiko PPk. Laura Garrido Euskadiko PPren idazkari nagusi eta Eusko Legebiltzarreko PP+Cs alderdiko legebiltzarkidearen ustez, EAJren karneta nagusitu da postu hori betetzeko egokitasunaren aurrean. Hori dela eta, PP+Cs taldeak azalpenak eskatuko dizkio Segurtasun sailburuari maiatzaren 6an Eusko Legebiltzarrean egitekoa den osoko bilkuran.
Zure interesekoa izan daiteke
Soledad Iparragirre ETAko buruzagi ohiari erdi-askatasuna eman diote, eta espetxetik atera ahalko da astelehenetik ostiralera
Espetxe-araudiaren 100.2 artikulua aplikatu zaio, eta hala, lanegunetan Martuteneko kartzelatik atera ahalko da, lo egitera itzuli beharko bada ere.
Udal hauteskundeen bigarren itzulia dute bihar Ipar Euskal Herriko 11 herritan, eta lehia estua espero da batzuetan
Baionan eta Biarritzen aliantzak lortu dituzte aste honetan bigarren itzulirako txartela lortu duten zerrendetako batzuek. Kanbon, Donibane Lohizunen, Hendaian, Urruñan, Maulen, Bokalen, Beskoitzen eta Azkainen, ordea, ez dute adostasunik lortu, eta hautagaitza bakoitzak bere bidea egingo du.
Lehendakariaren dekalogoa energia krisiari aurre egiteko neurrien artean jaso izana ondo hartu du Eusko Jaurlaritzak
Familiek eta euskal industriak faktura elektrikoa murrizteko lagungarria izango dela uste du Jaurlaritzak, baina faltan botatzen du azken urte honetan shock bikoitza (muga-zergek eta erregaien garestitzeak eragindakoa) jasan duten industria-enpresentzat neurriak hartzea.
EAJ "pozik" dago krisiaren aurkako neurriekin, baina "ez da nahikoa", EH Bilduren ustez
Jeltzaleen arabera, neurri horiek "elektrizitatearen eta erregaien azken prezioa familientzat eta autonomoentzat eskuragarriagoa izaten lagunduko dute". Koalizio abertzaleak positibotzat jo du Sanchezi helarazitako hiru proposamen jaso izana, baina neurriek energia eta petrolio enpresa handien irabaziak handituko dituztela kritikatu du. Bestalde, PPk ez du bere babesa ziurtatu, eta Podemosek esan du krisiaren aurkako plana ez dela eraginkorra.
Espainiako Gobernuak elektrizitatearen, gasaren, gasolinaren eta gasolioaren BEZa % 10era jaitsi du
Ezohiko Ministroen Kontseiluak Ekialde Hurbileko gerraren ondorioak arintzeko lehen neurri sorta bat onartu du gaur. Neurri horiek 5.000 milioi euro mobilizatuko dituzte. Sanchezen arabera, "ez du eragotziko legez kanpoko gerra honen ondorioak Espainiara iristea, baina bai eramangarriagoak izatea".
Apirileko itzalaldi elektrikoa "hainbat faktorek" eragin zuten, Europako adituen arabera
Txostenak ondorioztatu du "oso azkar hedatu" zela Espainiako hegoaldean izandako "arazo lokal bat". Horrek gaintentsioagatiko deskonexio orokorrak eragin zituen, eta, azkenik, sistema iberikoa Europako gainerako lurraldeetatik bereizi zen.
PSOEk eta Sumarrek bi dekretu adostu dituzte, krisiari aurre egiteko neurriak eta etxebizitzaren ingurukoak jasotzeko
Irango gerraren ondorioak leuntzeko lege dekretua onartzeko Ministroen Kontseilua bi ordu pasako atzerapenarekin hasi da, Sumarreko kideek uko egin baitiote bileran sartzeari alokairuko kontratuen luzapena eta enpresen marjinak kontrolatzeko neurriak kanpoan uzten ziren bitartean. Azkenik, gobernukideak akordio batera iritsi dira.
Euskadik, Gaztela-Mantxak eta Kanariek bitartekotza independentea proposatu diote Osasun ministroari, greba medikoa desblokeatzeko
Euskadiko, Gaztela-Mantxako eta Kanarietako osasun-arduradunek gutun bat bidali diote Monica Garcia Osasun ministroari. Bertan, Pazienteen Erakundeen Plataformaren bitartekaritza independentea proposatu dute, greba-batzordearen eta Ministerioaren arteko elkarrizketa errazteko eta greba desblokeatzeko.
Ministroen Kontseiluak neurri ekonomikoak adostuko ditu gaur, Ekialde Hurbileko gerraren eragina arintzeko
Lege-dekretua datorren ostegunean onartu beharko dute Kongresuan. Lau arlotan egituratutako plan zehatza jarriko dute mahai gainean: egiturazko neurriak, zerga-paketea, sektore kaltetuentzako berariazko laguntzak eta pertsona zaurgarrientzako laguntzak biltzen dituena.
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.