Krisiaren aurkako dekretuaren kontra bozkatzeagatik "iparra galdu izana" egotzi dio Bolañosek PPri
"Herritarrak kaltetzea" leporatu dio Felix Bolaños Espainiako Gobernuko Presidentetzarako, Gorteen Harremanetarako eta Memoria Demokratikorako ministroak PPri, gerraren ondorio ekonomikoei aurre egiteko dekretuari Alderdi Popularrak kontrako boza eman ostean. Dekretua onartu zuten azkenean EH Bilduren babesari esker.
Clara Campoamor abokatu, politikari, idazle eta ekintzaile feministaren heriotzaren 50. urteurrena ospatzeko omenaldi-ekitaldia izan da larunbat honetan Madrilgo Ateneon, eta han bertan egin ditu adierazpen horiek Bolañosek.
PPk "iparra galdu du", jarraitu du, "Pablo Casadorekin gertatu zitzaion, eta galduta dauka oraindik ere Alberto Nuñez Feijoo egungo buruzagiarekin". "Ulertezina da, bost axola zaie, dekretuaren aurka bozkatuta, herritarrak kaltetzea", deitoratu du. "Alderdi bat lanean dabil egunero herritarren bizitza hobetzeko, ez kaltetzeko, PP saiatu den bezala", kritikatu du ministroak.
Alderdi politiko anitzen babesarekin krisiaren aurkako dekretua aurrera atera izana txalotu du Bolañosek. "Legegintzaldi osoan ez dugu bozketa bakar bat ere galdu", zoriondu du.
'Pegasus'
Bestalde, ERC alderdiarekiko harremana ere aipatu du, izan ere, Esquerra Republicanak dekretuaren aurka bozkatu zuen, 'Pegasus' programarekin politikari independentistei ustez egindako espioitzaren auzian Gobernuak erantzukizunak hartzeari uko egin diolako. "Gobernuak ez du ezer ezkutatzen, jazoerak argituko ditugu dagoeneko iragarri ditugun ekimenen bitartez", zehaztu du Bolañosek.
Zure interesekoa izan daiteke
Fiskaltzak artxibatu egin du EH Bilduk Guardiako EAJko alkatearen aurka jarritako salaketa
"Presio-estrategia politiko" kanpaina bat egitea leporatu dio alkateak koalizioari.
Bengoetxea, EHUko errektorea: "Ikasle-mugimenduari eskatu diogu ez erortzeko probokazioetan"
Joxerramon Bengoetxea EHUko errektoreak zentzuz jokatzeko eta probokazioetan ez erortzeko deia egin du. Ikasle-antolakundeekin harremanetan jarri dela adierazi du, eta Voxen jokoari ez jarraitzeko eskatu die, baina, horren ustez, "libre dira nola jokatu nahi duten erabakitzeko".
Santurtziko Udalak Fiskaltzari helarazi dio Udaltzaingoaren azterketen ustezko filtrazioaren kasua
Segurtasun arloko zinegotzi ohi Sonia Lopezen mezu elektronikoak aztertu ondoren, gertakariak Bizkaiko Fiskaltzaren aurrean aurkezteko izapideak hasteko erabakia hartu du gobernu-taldeak.
Aitor Esteban estatus berriaren itunaz: "Duela pare bat aste itxaropentsu nengoen, orain zalantzak ditut"
"Egun on" saioan Aitor Esteban EAJren EBBko presidenteak esan duenez, "duela pare bat aste itxaropentsu" zegoen estatus berria adosteko aukeraren aurrean, EAJ, EH Bildu eta PSE-EEren arteko hiruko elkarrizketak ikusita, baina "orain zalantzak" ditu. "Ateak irekita daudela dirudienean, ustekaberen bat gertatzen da", adierazi du.
ETAko preso batzuek jasotako espetxe baimen eta gradu aldaketaren inguruko eztabaida izan da gaur Legebiltzarrean
ETAko presoei mesede-tratua ematea leporatu diete Javier De Andres Euskadiko PPko buruak eta Amaia Martinez Voxeko legebiltzarkideak Imanol Pradales lehendakariari eta Maria Jesus San Jose Justizia sailburuari.
Gazteria Legea aldatzeko proposamena erregistratu dute EAJk eta PSE-EEk, adin txikikoen udalekuak zorrotzago kontrolatzeko
Presazko prozeduraren bitartez erregistratu dute, eta bi hilabeteko epean aldaketak indarrean egotea aurreikusten du Nerea Melgosa Ongizate, Gazteria eta Erronka Demografikoko sailburuak.
Zupiriak “zentzuz” jokatzeko eskatu du, Voxek Gasteizen deitutako ekitaldiaren aurrean
Eusko Jaurlaritzaren esanetan, “alderdi autoritario baten ekitaldia” izango da, “15 lagunek deituta”.
Aldakako ebakuntza egingo diote berriro Aburtori, martxoaren 9an
Hilabete eta erdi inguru beharko du osatzeko, eta Amaia Arregi egungo alkateordeak beteko ditu alkate lanak aldi horretan.
Jon Enparantza eta Arantza Zulueta Martuteneko espetxean sartu dira
Otsailaren 3an espetxeratzeko agindua eman zuen Auzitegi Nazionalak 2022an ezarritako zigorra bete ahal izateko eta euren kabuz joan dira espetxera.
Iraungitako txertoen kasuari lotutako batzorde independente bat eratzeko eta erantzukizunak eskatzeko proposamenak atzera bota dituzte EAJk eta PSEk
Jeltzaleek eta sozialistek iragarritako neurriak arintzeko eskatu diote Osasun Sailari, "akatsen arriskua gutxitzeko".