Kongresuko batzordeak sexu askatasunaren legea onartu du; arauak ez ditu prostituzio-etxeen jabeak zigortuko
Kongresuko Berdintasun Batzordeak sexu askatasunaren legeko txostena onartu du, baina azkenean arauak ez ditu prostituzio-etxeen jabeak edo haien alokairuarekin aberasten diren pertsonak zigortuko.
Burdelen jabeei hiru urte arteko espetxe-zigorrak ezartzea eta lokalak ixtea mahai gainean zegoen, baina neurria ez zen ERC, EH Bildu, CUP, Junts, Ciudadanos edo EAJren gustukoa, prostituzioaren inguruan duten jarreragatik edo gaia arau berezi batean jorratzea egokiagoa dela uste dutelako.
Horregatik, EAJk bultzatutako eta Berdintasun Ministerioarekin negoziatutako zuzenketa babestu dute indar politikoek, bi artikulu horiek legetik ateratzeko. Zuzenketak alderdi sinatzaileen eta PSOEren babesa jaso du.
Txosten osoa talde politiko guztiek onartu dute, PPk eta Voxek salbu. Horrela, araua aurrera atera da, nahiz eta egunaren hasieran arriskuan izan, PSOEk, PPren laguntzarekin, prostituzioari zigorrak gogortzeko zuzenketa onartzeko asmoa zuelako; nahiz eta Gobernuaren bazkideek ez babestu.
Horrela, neurria protagonista nagusia izan da Batzordearen eztabaidan. Horregatik, legearen testuak ekimena jasotzen baldin bazuen, bozeramaile askok araua babesteko zalantzak agertu dituzte.
Alderdiak "gai horren inguruan jarrera azaltzera behartzeko, batzuek lege hau erabiltzea", kritikatu du Joseba Agirretxea EAJko bozeramaileak. Prostituzioaren inguruko eztabaida "bakarrik zigor-zuzenketa" batekin konpondu nahi izatea salatu du jeltzaleak.
"Lege honen helburua zein den ahaztu dute batzuek, zergatik galdu dugu bistatik xedea?", galdetu du EAJko diputatuak.
Azkenik, Bel Pozueta EH Bilduko bozeramaileak sozialistei "intrantsigentzia" aurpegiratu die, "PPrekin adostera iritsi direlako, nahiz eta legea arriskuan jarri".
"Indarkeria matxistaren existentzia zalantzan jarri eta, beste interes batzuei lehentasuna emateko, erkidegoetan Voxekin itunak ixten dituen talde batekin adostu duzue", deitoratu du.
Albiste gehiago politika
ETAko preso, iheslari eta deportatuak etxeratzeko eskatu du Sarek Bilbon, "gatazkaren ondorioak" gainditzeko
Urtero bezala, ETAko preso, iheslari eta deportatuak etxeratzeko eskatu du Sare mugimenduak Bilboko Aste Nagusian, “badelako garaia sufrimendua gainditu eta elkarbizitzarako zubiak eraikitzeko, indarkeria guztietako biktimak gogoan izanda”.
Ezkaban fusilatutako anarkista gazte baten gorpuzkiak familiari eman dizkiote
Nafarroako Gobernuko bigarren presidenteorde eta Memoria eta Bizikidetzako, Kanpo Ekintzako eta Euskarako kontseilari Ana Ollo izan du buru Ignacio Francisco Canedaren gorpuzkiak senitartekoei emateko ekitaldiak. AEBn jaiotako anarkista gazte hori Gerra Zibilean San Kristobal gotorlekutik ihes egiten saiatu ondoren fusilatu zuten. 1936ko ekainetik zegoen bertan preso, bere aktibismo politikoagatik.
Txiki eta Otaegiren oroimenezko muralari eraso egin diote Durangon
Haien aurpegiak eta muraleko leloa zirriborraturik agertu dira eta etarras idatzi dute erasotzaileek. Ernaik salatu duenez, "eraso faxistek eta espainolistek ez dute tokirik", eta murala auzolanean berregiteko deia egin dute.
Pernando Barrena: “Maliko etorkin guztiak gerratik ihesi datoz. Zein alde dago Malikoa eta Ukrainakoa izatearen artean?”
Erantzunean “oso jarrera arrazistak” ikusten ditu EH Bilduren europarlamentariak, eta, horiek desagerrarazi ezea, Europak asilo eskubidearen zentzua zaborrera botata izango duela salatu du Euskadi Irratian.
Ernaik independentziaren aldeko manifestazioa deitu du Donostian, irailaren 14an
'Ekin eta bultza' lelopean, Euskal Herriaren independentzia aldarrikatu nahi dute. Txiki eta Otaegiren fusilamenduaren 50. urteurrena ere oroituko dute.
:eitb-banner?$eitb-banner$&fmt=webp-alpha&qlt=80)
ETAko presoen aldeko 135 ekintza dokumentatu ditu Covitek udako jaietan
"Horrelako mezuek espetxetik ateratzea helburu legitimoa dela eta hilketengatik zein bestelako krimen batzuengatik ezarritako zigorrak bidegabeak izan ziren ideia sustatzen dute", deitoratu du Consuelo Ordoñezek.
Peinado epaileak Begoña Gomez inputatu gisa deklaratzera deitu du, diru publikoa bidegabe erabiltzea egotzita
Irailaren 11n deklaratu beharko du Sanchezen emazteak Madrilgo Auzitegian. Cristina Alvarez, haren aholkulariak berriz, bezperan, irailaren 10ean.
Udaltzain bat txosnetatik kanporatu dutela salatu du Ondarroako Udalak
Udalaren ustez, gertatutakoa "oso larria" da, eta neurriak hartuko dituela jakinarazi du.
Sarek "salbuespeneko espetxe-politikak" amaitzeko eskatu du Donostian
Urtero legez, Sarek manifestazioa egin du Donostiako Aste Nagusian, "euskal preso, iheslari eta deportatuak etxeratzea" eskatzeko. Azken urtean lortu diren aurrerapausoak azpimarratu dituzte bertan, baina oraindik bide luzea dagoela egiteko gaineratu dute. Sarek espetxe-legeak eta -politikak aldatzeko eskatu du "benetako bizikidetza" lortze aldera.
Eusko Jaurlaritzak babes ofizialeko 225 etxebizitza lizitatu ditu Gasteizko Larrein auzoan
Visesak lehiaketara atera ditu alokairuko etxebizitza babestuaren sustapen honen obrak, 38,5 milioi euroko aurrekontuarekin eta 24 hilabeteko egikaritze-epearekin. Kontratua, eranskinak eta urbanizazioa barne, irailaren 26ra arte aurkeztu ahal izango da.