Damutzea eta barkamena eskatzea ETAko preso bati kartzela-baimena emateko baldintza ez dela esan du ANk
Auzitegi Nazionalak ebatzi duenez, barkamena ez da ETAko preso bati kartzela-baimena emateko "baldintza legala, inola ere", "espetxe bilakaera on" baten "adierazgarri" baizik.
Horrela, ekainaren 3ko ebazpenean, Gorka Loran ETAko kide ohiari kartzela-baimena eman dio. Presoa Arabako Espetxean betetzen ari da zigorra. Auzitegiaren esanetan, presoak "balorazio positiboa" du, egunez egun egindako jarraipenaren arabera.
Jose Ricardo De Prada magistratua izan da txostengilea. Espetxeratuen Zaintzako Epaitegiak hartutako erabakiaren aurka helegitea aurkeztu zuen presoak, kartzela-baimena atzera bota baitzion, nahiz eta 2021eko irailean Kartzelako Zigor Batzordeak onartu. Ebazpenean, presoaren errekurtsoa onartu du orain Auzitegi Nazionalak.
Magistratuek adierazi dutenez, idatzi batean "damua agertzea eta biktimei barkamena eskatzea ez da baldintza legala, inondik ere", kartzela-baimen bat lortzeko.
Loranen kasuan, auzitegiak azpimarratu duenez, "ez dira biktimak zehatzak agertzen"; izan ere, "ez zuten heriotzengatik edo zauriengatik zigortu, zartarazi ez zuen lehergailu bat jartzeagatik baizik, hilketa saiakera batengatik, alegia".
Epaiaren arabera, Loranek idatzi bat aurkeztu zuen bere helegitean. "Urte hauetan gogoeta egin dut, heldu naiz, eta normala den moduan, ez dut pentsatzen delituak egin nituen garaian bezala", onartu zuen presoak.
Testuan, ETAko kide ohiak esan zuen erakundeak "pertsona askori eragindako sufrimendu handiaren" jakitun zela. "Atsekabea eta sufrimendua deitoratzen dut", erantsi zuen.
"Adierazpen eta ekitaldi batzuekin minduta eta umiliatuta sentitzen direla esan dute ETAren biktima batzuek. Umiliazio hori ez dut nik lagunduko, atsekabearekin enpatikoa naizelako; eta konpontzeko eta arintzeko eginahalak egin nahi ditut", gaineratu zuen.
Horrela gauzak, Auzitegiak nabarmendu duenez, Loranen idatzia ezin da modu "negatiboan edo mespretxuz" hartu, "inola ere". Kontrakoa, "kritika positiboa egin behar da, birgizarteratzearen bila jarrera argia azaldu duelako".
Albiste gehiago politika
ETAko preso, iheslari eta deportatuak etxeratzeko eskatu du Sarek Bilbon, "gatazkaren ondorioak" gainditzeko
Urtero bezala, ETAko preso, iheslari eta deportatuak etxeratzeko eskatu du Sare mugimenduak Bilboko Aste Nagusian, “badelako garaia sufrimendua gainditu eta elkarbizitzarako zubiak eraikitzeko, indarkeria guztietako biktimak gogoan izanda”.
Ezkaban fusilatutako anarkista gazte baten gorpuzkiak familiari eman dizkiote
Nafarroako Gobernuko bigarren presidenteorde eta Memoria eta Bizikidetzako, Kanpo Ekintzako eta Euskarako kontseilari Ana Ollo izan du buru Ignacio Francisco Canedaren gorpuzkiak senitartekoei emateko ekitaldiak. AEBn jaiotako anarkista gazte hori Gerra Zibilean San Kristobal gotorlekutik ihes egiten saiatu ondoren fusilatu zuten. 1936ko ekainetik zegoen bertan preso, bere aktibismo politikoagatik.
Txiki eta Otaegiren oroimenezko muralari eraso egin diote Durangon
Haien aurpegiak eta muraleko leloa zirriborraturik agertu dira eta etarras idatzi dute erasotzaileek. Ernaik salatu duenez, "eraso faxistek eta espainolistek ez dute tokirik", eta murala auzolanean berregiteko deia egin dute.
Pernando Barrena: “Maliko etorkin guztiak gerratik ihesi datoz. Zein alde dago Malikoa eta Ukrainakoa izatearen artean?”
Erantzunean “oso jarrera arrazistak” ikusten ditu EH Bilduren europarlamentariak, eta, horiek desagerrarazi ezea, Europak asilo eskubidearen zentzua zaborrera botata izango duela salatu du Euskadi Irratian.
Ernaik independentziaren aldeko manifestazioa deitu du Donostian, irailaren 14an
'Ekin eta bultza' lelopean, Euskal Herriaren independentzia aldarrikatu nahi dute. Txiki eta Otaegiren fusilamenduaren 50. urteurrena ere oroituko dute.
:eitb-banner?$eitb-banner$&fmt=webp-alpha&qlt=80)
ETAko presoen aldeko 135 ekintza dokumentatu ditu Covitek udako jaietan
"Horrelako mezuek espetxetik ateratzea helburu legitimoa dela eta hilketengatik zein bestelako krimen batzuengatik ezarritako zigorrak bidegabeak izan ziren ideia sustatzen dute", deitoratu du Consuelo Ordoñezek.
Peinado epaileak Begoña Gomez inputatu gisa deklaratzera deitu du, diru publikoa bidegabe erabiltzea egotzita
Irailaren 11n deklaratu beharko du Sanchezen emazteak Madrilgo Auzitegian. Cristina Alvarez, haren aholkulariak berriz, bezperan, irailaren 10ean.
Udaltzain bat txosnetatik kanporatu dutela salatu du Ondarroako Udalak
Udalaren ustez, gertatutakoa "oso larria" da, eta neurriak hartuko dituela jakinarazi du.
Sarek "salbuespeneko espetxe-politikak" amaitzeko eskatu du Donostian
Urtero legez, Sarek manifestazioa egin du Donostiako Aste Nagusian, "euskal preso, iheslari eta deportatuak etxeratzea" eskatzeko. Azken urtean lortu diren aurrerapausoak azpimarratu dituzte bertan, baina oraindik bide luzea dagoela egiteko gaineratu dute. Sarek espetxe-legeak eta -politikak aldatzeko eskatu du "benetako bizikidetza" lortze aldera.
Eusko Jaurlaritzak babes ofizialeko 225 etxebizitza lizitatu ditu Gasteizko Larrein auzoan
Visesak lehiaketara atera ditu alokairuko etxebizitza babestuaren sustapen honen obrak, 38,5 milioi euroko aurrekontuarekin eta 24 hilabeteko egikaritze-epearekin. Kontratua, eranskinak eta urbanizazioa barne, irailaren 26ra arte aurkeztu ahal izango da.