Herritarren laguntza eskatu dute Gerra Zibilean erbesteratu ziren haur gipuzkoarrak identifikatzeko
Intxorta 1937 Kultur Elkarteak eta Gipuzkoako Foru Aldundiak herritarren laguntza eskatu dute Gerra Zibilean erbesteratu ziren haurrak identifikatzeko eta euren memoria berreskuratzeko ikerketa baten datuak eta testigantzak osatzeko.
Hainbat artxibotan egindako bilaketei esker, 6819 kasu identifikatu dituzte lurraldean, baina bi erakundeetako ordezkariek prentsaurrekoan azaldu dutenez, orain kasu bakoitzeko testigantzak eta datu osagarriak bildu nahi dituzte, eta horretarako "ezinbestekoa da gipuzkoarren laguntza, erbesteratu haien memoria bizirik mantendu duten ondorengoen eta herritarren laguntza, alegia".
Adingabe horietako gehienak Frantzian (3.139), Katalunian (1.796), Belgikan (334), SESBen (466) eta Erresuma Batuan (180) hartu zituzten. Argentina, Danimarka, Dominikar Errepublika, Herbehereak, Madril, Mexiko, Suitza, Txile, Uruguai, Valentzia, Kuba, Argentina eta Venezuelan ere aurkitu zuten babesa, besteak beste.
Ion Gambra Giza Eskubideetako eta Kultura Demokratikoko foru zuzendariak, Julia Monge eta Josu Chueca Intxorta 1937 Kultur Elkarteko kideekin batera, azaldu duenez, "gudan parte hartu ez bazuten ere, hark eragindako sufrimendua jasan zuten, haurrak zirela jasan ere".
"Beldurra, bonbardaketak, senitartekoengandik aldentzea eta, azkenik, gurasoen babesik gabe erbestera joan beharra. Haietako asko ez ziren gehiago Euskal Herrira itzuli", gogorarazi du, eta gerrako haurrak "gure herriaren eta lurraldearen memoria historikoa eraikitzeko garaian pieza garrantzitsua" direla gaineratu du.
Ikerketaren helburua Gipuzkoan jaiotako Gerra Zibileko haurrak identifikatzea da, haien izen-abizenekin, eta baita bakoitzaren bizitzaren argazki bat eta historia labur bat lortzea ere. Oraindik bizirik daudenen artean, gainera, elkarrizketa sakonak egiten ari dira. Orain arte 45 pertsona elkarrizketatu dituzte.
Herritarren laguntza
Azken hilabeteetan arreta-bulegoak jarri dituzte Irunen, Eibarren, Soraluzen eta Tolosan, eta ekainean Andoainen irekiko da, Oroituz taldearen laguntzarekin, herritarren laguntza jasotzeko beste bat. Bulego ibiltari hori Gipuzkoako Foru Aldundian ere egongo da ekainaren 27an eta 29an, eta uztailaren 11n eta 12an, 10: 00etatik 14: 00etara, Gunean.
Ikerketaz gain, Foru Aldundiak haur horien memoria aitortzeko eta aldarrikatzeko ekitaldi bat antolatzeko asmoa du.
Zure interesekoa izan daiteke
Loiun gertatutakoaren kronologia, Zupiriaren arabera
Bingen Zupiria Eusko Jaurlaritzako Segurtasun sailburuak adierazi duenez, Ertzaintzak Loiuko aireportuan egindako esku-hartzea agenteen aurkako "aldez aurreko eraso" eta "probokazio" bati emandako erantzuna izan zen, baina dispositiboaren kudeaketa "beste modu batera" egin behar zela onartu du. Zupiriak ordena publikoko arazo bat izan zela defendatu du, eta barne ikerketa batek indarraren erabilera proportzionala izan ote zen zehaztuko duela baieztatu du.
Oposizioak salatu duenez, "neurriz kanpoko jokaera basati batek Ertzaintzaren irudia kaltetu du"
Bingen Zupiria Segurtasun sailburuaren agerraldiaren ostean, EH Bilduk esan du "polizia ereduaren arazo bat" dagoela. Sumarrek sailburuari leporatu dio bere azalpenak "poliziaren jarduera justifikatzera bideratuta" egon direla. Bestalde, PPk jazotakoa ikertzeko eskatu dio, indarkeriaren erabilera proportzionala izan ote zen jakiteko.
Epaileak ekainaren 17 eta 18ra atzeratu du Zapaterok Plus Ultra auzian ikertu gisa egin beharreko agerraldia
Plus Ultra auzia ikertzen ari den Jose Luis Calama epaileari ekainaren 2rako aurreikusita zegoen deklarazioa atzeratzea eskatu dio gaur goizean Espainiako Gobernuko presidente ohiaren abokatuak, kausa ongi aztertu ahal izateko, iturri juridikoek jakitera eman dutenez.
Zupiria: “Gure herrian, herritar batzuek ez dute Poliziarik nahi, ezta Euskal Polizia bada ere”
Bingen Zupiriak Ertzaintzaren jarduna defendatu du Loiuko aireportuan Global Sumud flotillako kideekin izandako istiluetan, eta adierazi du oraindik ere badirela poliziaren figura ukatzen duten herritarrak. Halaber, gogorarazi du Ertzaintzako kideek ETAren terrorismoa eta kale indarkeria jasan zituztela, eta "gaur egun ere iragan horren arrastoak" gizartearen zati batean mantentzen direla.
Peinado epaileak Begoña Gomez epaiketa aurreko entzunaldi batera deitu du, ekainaren 9an
Epaile instruktoreak ikertuei —Begoña Gomez, Cristina Alvarez eta Juan Carlos Barrabes—ohartarazi die epaitegira agertu beharko dutela eta saio horretan kautelazko neurriak hartu daitezkeela.
Zupiriak akatsak onartu ditu Ertzaintzak Loiun izandako jardunean, eta ukatu egin du motibazio politikorik egon zela
Ingelesez hasitako agerraldi batean, Segurtasun sailburuak onartu du Ertzaintzak Loiuko aireportuan izan zuen jokabidea "ez zela gertatu behar", eta barkamena eskatu du nazioartean eragina izan zuten gertakari batzuengatik. Halaber, Zupiriak esan du agenteak oldartu zirela "erasoak" jasan zituztelako.
Nazionalisten arteko "elkar hartzeaz" eta "euskal prozesuaren" arriskuaz ohartarazi du Anduezak
Eneko Andueza PSE-EEko idazkari nagusiaren esanetan, EAJk eta PSE-EEk hizkuntza eskakizunen inguruan landutako adostasunetik atera dira jeltzaleak eta hori dago azken asteetako tentsioaren atzean.
ZUZENEAN | Zupiriaren agerraldia Legebiltzarrean
Bingen Zupiria Segurtasun sailburuak agerraldia egingo du 12:00etan Eusko Legebiltzarreko Erakunde, Gobernantza Publiko eta Segurtasun Batzordean, larunbatean Global Sumud Flotillako sei kide iritsi zirenean Ertzaintzak Loiuko aireportuan izandako jokabideari buruzko azalpenak emateko.
Global Sumudeko kideen aurka Ertzaintzak izandako jokabidea salatu dute hainbat lagunek Legebiltzarraren atarian
Eusko Legebiltzarrean eguerdian Bingen Zupiria Segurtasun sailburuak Loiuko aireportuan ertzaintzak Global Sumudeko kideen aurka kargatu izanari buruzko azalpenak emango ditu. Hori baino lehen, goizeko 09:00etan hasita, Ertzaintzaren jokabidea gogor salatu Legebiltzar atarian 50 lagun inguruk. Ertzainez inguratuta ari dira egiten protesa Gasteizen; oso haserre daudela esan dute eta ertzaintza egin dute gertatu zen guztiaren errudun.
Gurutzetako batzokian Ertzaintzaren aurkako pintadak egin dituztela salatu du Bizkaiko EAJk
EAJk Gurutzeta auzoan, Barakaldon, duen egoitzan, pintadak agertu dira fatxadan, mezu iraingarriekin. Alderdiak gertatutakoa gaitzetsi du, eta egin dituztenak zein "beste aldera begiratzen dutenak" kritikatu ditu.