Espainiako Gobernuak astelehenean onartuko du Trans Legea
Espainiako Gobernuak Trans eta LGTBI pertsonen Eskubideen Legea onartuko du datorren astelehenean, Ministroen Kontseiluan, Berdintasun Ministerioko iturriek baieztatu dutenez. Honenbestez, testua Kongresuaren esku geratuko da.
Ganberara iritsi zitekeen testurik onena dela azaldu dute iturri berdinek; izan ere, hasierakoa hobetzen du, eta kolektiboari aitortutako oinarrizko eskubideak mantentzen dira.
Espainiako Gobernuak bigarren itzulian onartuko du testua, LGTBI Harrotasun Egunaren bezperan, lehen itzulian gauza bera egin eta urtebete beranduago.
Denbora guzti honetan, lege aurreproiektuak genero autodeterminazioaren inguruko eztabaidak sortu ditu, trans pertsonen kasuan batez ere, Espainiako koalizio Gobernua osatzen duten bi indar politikoen arteko desadostasunak eragin baititu. Gainera, feminismoaren sektore bat testuaren aurka agertu da, emakumeen eskubideen kontrakoa dela uste dutelako.
Konkretuki, testuak Erregistro Zibilean sexu aldaketa egiteko aukera ematen du, pertsonak txosten mediko edo psikologikoa aurkeztu beharrik gabe, orain arte bezala. Aldaketa idatziz eskatzearekin nahikoa izango da, probarik eta lekukorik gabe, eta hiru hilabeteko epearen barruan berretsi beharko da.
Carmen Calvo Espainiako Gobernuko presidenteorde ohia kritikoenetako bat izan da ekimenarekin. Oraindik karguan zegoela, neurriak "47 milioi espainiar arriskuan" jarriko dituela ohartarazi zuen.
Bestalde, Berdintasun Ministerioak Botere Judizialaren Kontseilu Nagusiaren jarrera kritikatu du; konkretuki, dagokion txostena igortzeko epeak bete ez zituelako.
Azkenean, organo judizialak autodeterminazioa modu positiboan baloratu zuen, baina ez 16 urtetik gora, arauak proposatu bezala, 18 urtetik gora baizik.
Albiste gehiago politika
ETAko preso, iheslari eta deportatuak etxeratzeko eskatu du Sarek Bilbon, "gatazkaren ondorioak" gainditzeko
Urtero bezala, ETAko preso, iheslari eta deportatuak etxeratzeko eskatu du Sare mugimenduak Bilboko Aste Nagusian, “badelako garaia sufrimendua gainditu eta elkarbizitzarako zubiak eraikitzeko, indarkeria guztietako biktimak gogoan izanda”.
Ezkaban fusilatutako anarkista gazte baten gorpuzkiak familiari eman dizkiote
Nafarroako Gobernuko bigarren presidenteorde eta Memoria eta Bizikidetzako, Kanpo Ekintzako eta Euskarako kontseilari Ana Ollo izan du buru Ignacio Francisco Canedaren gorpuzkiak senitartekoei emateko ekitaldiak. AEBn jaiotako anarkista gazte hori Gerra Zibilean San Kristobal gotorlekutik ihes egiten saiatu ondoren fusilatu zuten. 1936ko ekainetik zegoen bertan preso, bere aktibismo politikoagatik.
Txiki eta Otaegiren oroimenezko muralari eraso egin diote Durangon
Haien aurpegiak eta muraleko leloa zirriborraturik agertu dira eta etarras idatzi dute erasotzaileek. Ernaik salatu duenez, "eraso faxistek eta espainolistek ez dute tokirik", eta murala auzolanean berregiteko deia egin dute.
Pernando Barrena: “Maliko etorkin guztiak gerratik ihesi datoz. Zein alde dago Malikoa eta Ukrainakoa izatearen artean?”
Erantzunean “oso jarrera arrazistak” ikusten ditu EH Bilduren europarlamentariak, eta, horiek desagerrarazi ezea, Europak asilo eskubidearen zentzua zaborrera botata izango duela salatu du Euskadi Irratian.
Ernaik independentziaren aldeko manifestazioa deitu du Donostian, irailaren 14an
'Ekin eta bultza' lelopean, Euskal Herriaren independentzia aldarrikatu nahi dute. Txiki eta Otaegiren fusilamenduaren 50. urteurrena ere oroituko dute.
:eitb-banner?$eitb-banner$&fmt=webp-alpha&qlt=80)
ETAko presoen aldeko 135 ekintza dokumentatu ditu Covitek udako jaietan
"Horrelako mezuek espetxetik ateratzea helburu legitimoa dela eta hilketengatik zein bestelako krimen batzuengatik ezarritako zigorrak bidegabeak izan ziren ideia sustatzen dute", deitoratu du Consuelo Ordoñezek.
Peinado epaileak Begoña Gomez inputatu gisa deklaratzera deitu du, diru publikoa bidegabe erabiltzea egotzita
Irailaren 11n deklaratu beharko du Sanchezen emazteak Madrilgo Auzitegian. Cristina Alvarez, haren aholkulariak berriz, bezperan, irailaren 10ean.
Udaltzain bat txosnetatik kanporatu dutela salatu du Ondarroako Udalak
Udalaren ustez, gertatutakoa "oso larria" da, eta neurriak hartuko dituela jakinarazi du.
Sarek "salbuespeneko espetxe-politikak" amaitzeko eskatu du Donostian
Urtero legez, Sarek manifestazioa egin du Donostiako Aste Nagusian, "euskal preso, iheslari eta deportatuak etxeratzea" eskatzeko. Azken urtean lortu diren aurrerapausoak azpimarratu dituzte bertan, baina oraindik bide luzea dagoela egiteko gaineratu dute. Sarek espetxe-legeak eta -politikak aldatzeko eskatu du "benetako bizikidetza" lortze aldera.
Eusko Jaurlaritzak babes ofizialeko 225 etxebizitza lizitatu ditu Gasteizko Larrein auzoan
Visesak lehiaketara atera ditu alokairuko etxebizitza babestuaren sustapen honen obrak, 38,5 milioi euroko aurrekontuarekin eta 24 hilabeteko egikaritze-epearekin. Kontratua, eranskinak eta urbanizazioa barne, irailaren 26ra arte aurkeztu ahal izango da.