Legebiltzarrak atzera bota du EH Bilduk Osakidetzaren kontratazio eredua aldatzeko egin duen proposamena
Eusko Legebiltzarrak atzera bota du EH Bilduk Osakidetzaren kontratazio eredua aldatzeko aurkeztutako proposamena. Koalizioak proposatu du egoiliarrei, formakuntza epea bukatutakoan, kontratu egonkorrak eskaintzea, gainerako langileen antzeko baldintzekin, eta agenda bakar batekin aritu ahal izatea.
Horrela, Legebiltzarrak zuzenketa transakzionala onartu du, EAJ, PSE-EE eta PP-Ciudadanosen babesarekin, eta eztabaidarako aurkeztu zen jatorrizko ekimena errefusatu. EH Bilduk "egoiliarrak EAEko osasun-sistema publikoari atxikitzeko kalitatezko lan-kontratu egonkor eta erakargarriak eskaintzeari buruz" aurkeztu zuen Legez Besteko Proposamena.
Ekimenaren aurkezpenean Rebeka Ubera kritiko agertu da Jaurlaritzak azken urtetan egindako politikekin, "ez dute behar bezala gizartearen beharrak bermatu". Uberak onartu du "arduraren 100 % ez duela Jaurlaritzak izango, baina ardura onartu beharko du".
"Zer egin dezake? Kontratazio eredua aldatu, Jaurlaritzak kontratazio eredua alda dezake. Kontratazio ereduak behin-behinekotasuna orokortu du, plantilla ahuldu. Ez du lortu Lehen Arreta erakargarri egiten", azaldu du.
Hala, EH Bilduren proposamena da formakuntza amaitu duten egoiliarrei "kontratu egonkorra eskaintzea, gainerako langileen antzeko baldintzekin, eta agenda bakar batekin aritu ahal izatea, euren pazienteak ezagutu ahal izan ditzaten".
Ildo beretik agertu da Elkarrekin Podemos. Jon Hernandezen esanetan, "beharrezkoa da osasun eremuko politikak errotik aldatzea". "Gure ustean, Osakidetza ez da behar beste erakargarria osasun langileentzat, eurek esaten dute".
"Dena ez dira soldatak, idealenak ez badira ere, baita ere garrantzitsuak dira lan kargak, eta euren ibilbide profesionala garatzeko aukera izatea", gaineratu du.
Ekain Ricok (PSE-EE), aldiz, nabarmendu duenaren arabera, "egoiliarren fidelizatze tasa % 80koa da", hau da, "egoiliarren % 80 Euskadin geratzen dira".
Estibaliz Larrauri EAJren legebiltzarkideak defendatu egin duenez, Osakidetzan egiten diren kontratuak "bat datoz araudiarekin, Osakidetzak sindikatuekin adostutako araudiarekin".
"Hein handi batean epe muga luzekoak dira, eta soldatak, Nafarrokoekin batera, Estatuko altuenetakoak dira; batez beste 3.000 euroko soldata, 14 ordainsari, eta gehien bat goizeko txandan", esan du Larraurik.
Horren ildotik, Larrauriren hitzetan, "hala ere, ez da lortzen plaza batzuk betetzea, espezialitate batzuetan ez dago nahikoa mediku, ez da Osakidetzaren berezko arazoa, autonomia erkidego guztietan gertatzen da, duela urte batzuk datorren gorabehera pilorengatik".
"Barne Mediku Egoiliarren formakuntza bukatzen dutenek behin behineko kontratuak dituzte, behin betikotasuna LEParekin bakarrik lor daiteke, Osakidetza saiatzen da kontratu horiek ahalik eta luzeen izatea", ziurtatu du.
Albiste gehiago politika
ETAko preso, iheslari eta deportatuak etxeratzeko eskatu du Sarek Bilbon, "gatazkaren ondorioak" gainditzeko
Urtero bezala, ETAko preso, iheslari eta deportatuak etxeratzeko eskatu du Sare mugimenduak Bilboko Aste Nagusian, “badelako garaia sufrimendua gainditu eta elkarbizitzarako zubiak eraikitzeko, indarkeria guztietako biktimak gogoan izanda”.
Ezkaban fusilatutako anarkista gazte baten gorpuzkiak familiari eman dizkiote
Nafarroako Gobernuko bigarren presidenteorde eta Memoria eta Bizikidetzako, Kanpo Ekintzako eta Euskarako kontseilari Ana Ollo izan du buru Ignacio Francisco Canedaren gorpuzkiak senitartekoei emateko ekitaldiak. AEBn jaiotako anarkista gazte hori Gerra Zibilean San Kristobal gotorlekutik ihes egiten saiatu ondoren fusilatu zuten. 1936ko ekainetik zegoen bertan preso, bere aktibismo politikoagatik.
Txiki eta Otaegiren oroimenezko muralari eraso egin diote Durangon
Haien aurpegiak eta muraleko leloa zirriborraturik agertu dira eta etarras idatzi dute erasotzaileek. Ernaik salatu duenez, "eraso faxistek eta espainolistek ez dute tokirik", eta murala auzolanean berregiteko deia egin dute.
Pernando Barrena: “Maliko etorkin guztiak gerratik ihesi datoz. Zein alde dago Malikoa eta Ukrainakoa izatearen artean?”
Erantzunean “oso jarrera arrazistak” ikusten ditu EH Bilduren europarlamentariak, eta, horiek desagerrarazi ezea, Europak asilo eskubidearen zentzua zaborrera botata izango duela salatu du Euskadi Irratian.
Ernaik independentziaren aldeko manifestazioa deitu du Donostian, irailaren 14an
'Ekin eta bultza' lelopean, Euskal Herriaren independentzia aldarrikatu nahi dute. Txiki eta Otaegiren fusilamenduaren 50. urteurrena ere oroituko dute.
:eitb-banner?$eitb-banner$&fmt=webp-alpha&qlt=80)
ETAko presoen aldeko 135 ekintza dokumentatu ditu Covitek udako jaietan
"Horrelako mezuek espetxetik ateratzea helburu legitimoa dela eta hilketengatik zein bestelako krimen batzuengatik ezarritako zigorrak bidegabeak izan ziren ideia sustatzen dute", deitoratu du Consuelo Ordoñezek.
Peinado epaileak Begoña Gomez inputatu gisa deklaratzera deitu du, diru publikoa bidegabe erabiltzea egotzita
Irailaren 11n deklaratu beharko du Sanchezen emazteak Madrilgo Auzitegian. Cristina Alvarez, haren aholkulariak berriz, bezperan, irailaren 10ean.
Udaltzain bat txosnetatik kanporatu dutela salatu du Ondarroako Udalak
Udalaren ustez, gertatutakoa "oso larria" da, eta neurriak hartuko dituela jakinarazi du.
Sarek "salbuespeneko espetxe-politikak" amaitzeko eskatu du Donostian
Urtero legez, Sarek manifestazioa egin du Donostiako Aste Nagusian, "euskal preso, iheslari eta deportatuak etxeratzea" eskatzeko. Azken urtean lortu diren aurrerapausoak azpimarratu dituzte bertan, baina oraindik bide luzea dagoela egiteko gaineratu dute. Sarek espetxe-legeak eta -politikak aldatzeko eskatu du "benetako bizikidetza" lortze aldera.
Eusko Jaurlaritzak babes ofizialeko 225 etxebizitza lizitatu ditu Gasteizko Larrein auzoan
Visesak lehiaketara atera ditu alokairuko etxebizitza babestuaren sustapen honen obrak, 38,5 milioi euroko aurrekontuarekin eta 24 hilabeteko egikaritze-epearekin. Kontratua, eranskinak eta urbanizazioa barne, irailaren 26ra arte aurkeztu ahal izango da.