Aragonesek kargutik kendu du Jordi Puignero presidenteordea (JxCat)
Urak harro datoz Kataluniako Gobernuan. Pere Aragones Gobernuko presidenteak (ERC) bart iragarri duenez, Jordi Puignero (Junts per Catalunya, JxCat) presidenteordea kargutik kanpo uztea erabaki du, berarengan "konfiantza galdu" duela argudiatuta.
Generalitateko jauregiaren galeria gotikoan agerraldia egin du Aragonesek, ia gauerdian. Aurretik bilera sorta izan du Generalitateko presidenteak. Lehenik, Gobernua bilduta egon da bi orduz, urgentziazko batzar batean, eta, ondoren, beste hiru orduz batzartu da Jordi Turull JxCateko idazkari nagusiarekin.
Agerraldia egin baino lehen, Puignerorekin hitzordua izan du Aragonesek —Generalitateko bere bulegoan— eta han jakinarazi dio kargugabetzea.
Erabakiaren metxa herenegun piztu zen, Politika Orokorreko eztabaidan. Albert Batet JxCat alderdiak Parlamentuan duen bozeramaileak gobernu ituna betetzeko bermeak eskatu zizkion Aragonesi, eta hori egin ezean, konfiantza mozioa aurkeztearekin egin zion mehatxu. Aldez aurretik iragarpen horren berri ez edukitzeagatik minduta azaldu da presidentea, eta horrek ekarri omen du kargugabetzea.
"Juntsek Gobernuan jarraitzea nahi dut", adierazi du Aragonesek. Dena dela, ikuskizun dago kargugabetzeak JxCaten kontseilari guztien dimisioa ekarriko duen ala ez.
Turull: "Gobernutik nahiko baztertuak sentitzen gara"
Ohar batean, JxCatek "akats historikoa" dela esan du, eta Pere Aragones Gobernuko presidenteari gobernu akordioa hautsi izana egotzi dio.
Iragarri duenez, goizean (10:00etan) alderdiaren zuzendaritza bilduko dute "egoera politikoa aztertzeko eta dagozkion erabakiak hartzeko, betiere kataluniarren aurrerabidea eta ongizatea bermatuta, eta independentzia helburu edukita".
Turullek bilera atarian RAC1 irrati kateari esan dionez, JxCateko kontseilari guztiek alderdiaren esku utzi dute kargua. "Nahikoa baztertuak sentitzen gara", argudiatu du.
"Generalitateko presidentearen erabakia akats historikoa da. Proiektu independentistaren jarraipena arriskuan jartzen du", nabarmendu du alderdiak egoera jasanezina dela iradokiz. Dena dela, oharrean ez du zehaztu Generalitatean jarraituko duen ala ez.
Orain arte eztabaida sutsua izan da JxCat alderdian erabakitzeko Kataluniako Gobernuan jarraitu behar duen ala ez. Kontseilari gehienak koalizioaren barruan jarraitzearen alde daude, baina alderdiaren beste sektore batek —Laura Borrasen ingurukoak, baina baita Puigdemont bera ere, Juntseko iturrien arabera— oposiziora igarotzeko beharra defendatzen du.
Jordi Turull alderdiko idazkari nagusiak Gobernuan jarraitzearen alde egin du udara arte. Azken hilabetean iritzia zehazten joan da: Gobernuan jarraitu bai, baina ez edozelan. Hori horrela, ERCri gobernu itunean jasotako hiru puntu betetzeko deia egin dio: Kataluniako prozesuaren Estatu Nagusia martxan jartzea, Madrilen batuta agertzea eta Espainiako Gobernuarekin osatuta dagoen elkarrizketa mahaian amnistia eta autodeterminazioa negoziatzea.
Zure interesekoa izan daiteke
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.