Aragonesek erreferenduma adosteko "argitasun akordio" bat negoziatzea proposatu dio Espainiako Gobernuari
Pere Aragones Generalitateko presidenteak "argitasun akordio" bat adostu nahi du Espainiako Gobernuarekin, gizartearen aniztasuna aintzat hartuta, autodeterminazio erreferendum bat egiteko oinarriak ezartzeko.
Hala, Kanadak Quebecen independentziari buruzko erreferendumerako onartu zuen argitasun legearen antzeko mekanismoa proposatu du, eta iragarri du, horretarako, Katalunian aliantzak batzen saiatuko dela eragile politiko, sozial, ekonomiko eta sindikalekin.
Presidente kataluniarrak Parlamentean abiatu den politika orokorreko eztabaidan egin ditu adierazpenok, "gatazka politikoa konpontzeko" plana xehatu duenean. Horren hitzetan, proposamena "herrialde osoari zuzenduta dago, eta herritarren gehiengo zabala aintzat hartzen" du.
Proposamena bi fasetan gauzatuko litzateke, Aragonesen esanetan: lehena, berehala, ekimen horren inguruan Katalunian ahalik eta adostasun handiena lortzeko, eta bigarrena, Espainiako Gobernuarekin negoziatzera eramateko.
Aragonesek uste du proposamena bideragarria dela Kataluniako herritarrek beren etorkizuna bozka dezaten, eta uste du "inklusiboa" dela herritar guztiak inplikatuta senti daitezen. Hori dela eta, alde guztiek, bai independentzia babesten dutenek, baita babesten ez dutenek ere, tresna hori erabil dezaten nahi du.
Eztabaida ireki du Aragonesek, beraz, bere hitzaldiarekin, eta taldeek arratsaldean erantzungo diote, handienetik txikienerako ordenean, JxCren eta ERCren txandak amaierarako utzita.
Espainiako Gobernuak, baina, erantzun dio proposamenari, eta baztertu egin du. Ministroen Kontseiluaren osteko prentsaurrekoan Isabel Rodriguez Espainiako Gobernu bozeramaileak esan duenez, krisi testuinguru honetan erreferenduma ez da ez lehentasuna, ezta garrantzitsuena ere.
Horren arabera, hori da, hain justu, "gobernu honek egiten duena", egungo egoeraren aurrean "herritarrei erantzuna ematen" saiatu, eta gaineratu du horretan guztian Kataluniak berebiziko garrantzia duela.
Zure interesekoa izan daiteke
Madrilgo Ramon y Cajal Ospitalean itxaron-zerrendak manipulatu dituztela salatu dute
'El País' egunkariak argitaratu duenez, ebakuntzen itxaron-zerrendan zeuden herritarren lehentasuna aldatzea agindu zuten ospitaleko bi arduradunek, zirujaurekin hitz egin gabe.
Puigdemonten amnistia eskariari ezezkoa eman dio berriz Llarena epaileak, eta Konstituzionalaren erabakiaren zain geratu da
Goreneko epailearen ustez, Europar Batasuneko Justizia Auzitegi Nagusiak eman zuen epaiak ez du aldatzen politikari katalana Amnistia Legetik kanpo uzteko Llarenak berak finkatutako lehenengo arrazoiaren oinarria.
Egian migratzaile bati egindako erasoa gaitzetsi du Insaustik eta "motibazio arrazista" dagoen ikertzen ari direla esan du
Jon Insausti Donostiako alkateak gaur azpimarratu duenez, larria da pasa den astean Egia auzoan migratzaile bati egin zioten erasoa, eta gorrotoak hirian lekurik ez duela berretsi du. Biktima gizarte zerbitzuen sistemaren baitan zegoen, eta gaueko zerbitzuen eta "Otorduak" programaren erabiltzailea da.
Aburtok akordioak defendatu ditu eta "politika onaren alde" egin du
Juan Mari Aburto Bilboko alkateak elkarrizketan, akordioetan, zerbitzu publikoan eta bizikidetzan oinarritutako politika aldarrikatu du, Udalaren Egoerari buruzko azken osoko bilkuran.
Ubarretxenak azpimarratu du ez dela aldebiko batzordea elkartuko akordio garrantzitsurik lortu ezean
Maria Ubarretxena Eusko Jaurlaritzako bozeramaileak gobernu bileraren osteko prentsaurrekoan nabarmendu duenez, Jaurlaritzak "ez du amore emango", baina akordioak lortu ahal izateko "beste aldeak borondate politikoa erakutsi behar du".
Chivitek hauteskunde kutsua ikusi dio Geroa Bairi, Belateko lanen bileratik "sartu baino kezkatuago" atera zela esan ostean
Ezustean eta harriduraz hartu ditu Nafarroako presidenteak Geroa Baik atzoko bileraren ostean egindako adierazpenak. Izan ere, Gobernuko bazkideek Belateko tunelen egoera aztertzeko bart egindako bileraren ostean, Pablo Azcona bozeramaileak "sartu baino kezkatuago" atera zela esan zuen. Azpiegituraren etorkizunari buruz esan du "oraindik ez dagoela ezer itxita".
Anduezak "seriotasuna" eta "diskrezioa" eskatu ditu Estatutu berriaren negoziazioan, "pazientziak muga bat duelako"
Eneko Andueza PSE-EEko idazkari nagusiak pazientzia galtzeko arriskua dagoela ohartarazi die EAJ eta EH Bilduri. Ildo horretan, lehia eta ika-mikak alde batera uzteko eskatu die biei.
Aburtok Bilbon egindako ibilbidea aldarrikatu du, eta akordioetan oinarritutako politika defendatu: "Denak ez du balio"
Alkateak hiru agintaldien balantzea egin du, eta elkarrizketan, elkarbizitzan eta herritarren zerbitzura jardutean oinarritutako politika aldarrikatu du. "Pertsona ona izan nintzela gogoan izatea gustatuko litzaidake», esan du.
Albiste izango dira: lehendakariaren bilera Confebaskekin, Adimen Artifizialaren moteltzea eta Zinemaldia ate joka
Gaurkoan Orain-en albiste izango direnen laburpena, bi hitzetan.
Ertzaintzak ikerketa abiatu du gazte batzuek Felipe VI .a erregearen irudi bati burua moztu ziotela eta
Gertakariak igandean jazo ziren, Ernaik faxismoaren kontra deitutako martxan. Donostiako alkateak eta Espainiako Gobernuak EAEn duen ordezkariak ekintzok gaitzetsi dituzte.