Aragonesek CDC, PSC, Podem eta ERC alderdietatik datozen zazpi kontseilariak izendatu ditu
CDC, PSC, Podem eta ERC alderdietatik datozen zazpi kontseilari sartu ditu Pere Aragones Generalitateko presidenteak Kataluniako Gobernu berrian. Kataluniako exekutiboko iturriek nabarmendu dute "Katalunia osoa ordezkatzeko asmoz, espazio politiko ezberdinetatik datozen kontseilari independenteak" direla. Jxcateko kontseilariek utzitako hutsunea beteko dute zazpiek, alderdiak Kataluniako Gobernua uzteko erabakia hartu ostetik.
Honako hauek dira: Carles Campuzano (CDC alderdikoa izandakoa), Giza Eskubideko kontseilaria; Joaquim Nadal (PSCko kide ohia), Ikerketa eta Unibertsitateetako kontseilaria; Gemma Ubasart (Podemeko buruzagi izandakoa), Justizia, Eskubideak eta Memoriarako kontseilaria; Manel Balcells Osasun kontseilaria, Natalia Mas Ekonomia eta Ogasun kontseilaria; Meritxell Serret, Kanpo Ekintzetarako kontseilaria eta Juli Fernandez Lurralde kontseilaria.
Asteartean jabetuko dira karguaz (09:00etan, Generalitateko Jauregian). Ondoren, bilera egingo dute ERCko kontseilariek eta presidenteak.
Presidentetzako iturrien esanetan, zazpi kontseilarien ia erdia independenteak dira. Hori da Joaquim Nadalen kasua, esaterako: PSCren kontseilaria izan zen hiruko gobernuetan eta Gironako alkate 23 urtean; Carles Campuzano, bestalde, CDCren diputatua izan zen 1996tik 2019ra, eta Gemma Ubasart, Kataluniako Podemeko idazkari nagusi ohia, Podemoseko estatuko buruzagitzako kide ere izan zen.
Errepublikanoek lau Kontseilaritza hartuko dituzte euren gain. Serret (Kanpo Ekintza) ERCren kontseilari izan zen Puigdemonten gobernuan, eta U-1eko auziagatik, epaiketaren zain dago. Masek (Ekonomia eta Ogasuna) ardura postuak izan ditu ERCk gidatu dituen Ekonomia eta Enpresa departamentuetan. Balcellsek (Osasuna) hainbat kargu izan zituen Osasun Kontseilaritzaren hiruko lehen gobernuan, eta 2006an, hainbat astez, Unibertsitate, Ikerketa eta Informazioaren Gizarteko kontseilaria izan zen. Azkenik, Fernandez (Lurraldea) diputatua da Parlamentuan eta Sabadelleko alkate izandakoa.
Kataluniako Gobernuko iturrien esanetan, ez da Presidenteordetzarik izango Vilagrak Aragonesen "bigarrenaren" lana egiten duelako jada.
Halaber, aldarrikatu dute exekutibo parekidea izango dela —emakume eta gizon kopuru bera du— eta Katalunian lehen aldiz, emakume batek (Natalia Mas) gidatuko duela Ekonomia Kontseilaritza.
Zure interesekoa izan daiteke
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.