Aragones ixtear da ERCrena bakarrik izango den Gobernua, asteartean biltzeko asmoz
Pere Aragones Kataluniako generalitatearen presidentea ERCrena bakarrik izango den Gobernuaren osaketa eta egitura ixtear da, Juntsek uztea erabaki ostean, eta litekeena da asteartean lehenengo gobernu-bilera egitea, Europa Press agentziak Presidentziako iturriak aipatuta jakinarazi duenez.
Larunbat honetan Generalitatearen Jauregian elkartuta egon dira Aragones bera eta bere lantaldea Gobernu berriari buruzko erabakiak hartzeko, eta ERCren Exekutibak ere batzarra egin du, presidentea bertan zela.
Astelehen honetarako Gobernu berria itxita edukitzea da asmoa, asteartean, ohikoa den legez, Gobernu-bilera egiteko.
Orain arte, Gobernuak 14 sail izan ditu, eta erdiak Juntseko kideen esku zeuden: Ekonomia eta Ogasuna, Kanpo Ekintza eta Gobernu Irekia, Lurralde eta Politika Digitalak, Osasuna, Ikerketa eta Unibertsitateak, Justizia, eta Eskubide Sozialak.
Laura Vilagra Presidentzia kontseilariak atzo azaldu zuenez, Aragonesek eta bere taldeak "oso aurreratuta" dute Gobernu berriaren egitura, JxCateko kontseilaririk izango ez duena eta "arloetako adituak" barne hartuko dituena.
JxCatek Gobernua uzteko hartu zuen erabakiaren ostean, Aragones eta bere gertukoak Generalitatearen Jauregian elkartu dira Gobernu berria diseinatzeko asmoz, eta handik egindako adierazpenetan, Vilagrak esan zuen ez daudela "itxita izen guztiak", baina prozesua "oso aurreratuta" dagoela eta amaituta egon beharko litzatekeela datorren "aste hasierarako".
Helburua "Gobernu indartsua, batua, leiala, eta erronka ekonomiko eta sozialei aurre egingo diena" osatzea omen da, Kataluniari "ahal den egonkortasun eta segurtasun handiena" emateko, eta horretarako independentisten eta komunen babesa bilatzea lehenetsiko dute, nahiz eta gainerako erakundeei ere ireki deia.
Vilagrak esan du Aragonesek eta bere taldeak ez dutela En Comu Podemoko kontseilariak sartzeko asmorik, baina bai "arloetako adituak", tartean "sektore publikoan esperientzia dutenak".
Aurrekontuak
Bestalde, Jaume Giro Ekonomia kontseilari zenak landutako Generalitatearen hurrengo aurrekontuen harira, Vilagrak berretsi zuen Gobernu berriak "negoziatu" egingo duela talde parlamentarioekin onartzeko asmoz.
Baina ez dio atea itxi aurrekontuak aurreratzeko aukerari negoziazioek huts eginez gero, "gaur egungoak (aurrekontuak) onak baitira" eta "ezkutu soziala garatzea" ahalbidetzen duelako.
Gainera, Oriol Junqueras ERCren buruzagiak baztertu egin du 2023ko aurrekontuak PSCrekin adostea, eta luzatzearen aukera berretsi du Juntsen babesik ez badute.
Junquerasek atzo esan zuen negoziazioetarako marra gorria "errepresioaren amaiera" eta erreferenduma babesten ez duten alderdiekin duela ERCk, eta hor kokatu zuen PSC.
Miquel Iceta Espainiako Kultura ministro eta PSCren agintariak, ERCk bere alderdiarekin ez negoziatzeko hartu duen erabakiaren aurrean, erantzun du "beharra duenak" bilatu behar duela babesa.
Icetak esan du, gauzak horrela, "agian" ez dela "beharrezkoa" babesa ematea, eta hauxe gaineratu du: "65 diputaturen babesa zuen gobernu batek arazoak bazituan, orain zaila izango dute eustea 33rekin".
Turull: konfiantza-galdea ala hauteskundeak
JxCati dagokionez, Jordi Turull idazkari nagusiak bi irtenbide proposatu dizkio Pere Aragonesi: konfiantza-galdea egitea, babes nahikorik ba ote duen ikusteko, edo hauteskundeak aurreratzea.
Turullen arabera, Aragonesek "gogoeta egin behar du", urte eta erdian inbestiduran babesa eman zioten JxCateko eta CUPeko 41 diputatuen "konfiantza galdu" duelako akordioak "ez betetzeagatik".
Buruzagi kataluniarra batasun independentista berreraikitzearen alde dago, partekatutako "ibilbide orri bat" osatze aldera, hitzetatik "ekintzetara igarotzeko unea" delakoan.
Horren harira, Jordi Sanchez JxCaten idazkari nagusiak azpimarratu du "'proces'a behin betiko itxita" geratu dela.
En Comu Podemek eskua luzatu dio
Jessica Albiach En Comu Podemen buruak "eskua luzatu" dio Generalitateko presidenteari aurrerantzean Gobernuari eutsiko dion "gehiengo aurrerakoia" osatzeko, baina "txeke zuririk gabe".
Jessica Albiachek "ikuspegi zabala" edukitzeko eta gaur egun "oso egoera ahulean" dagoela onartzeko eskatu dio Aragonesi, "bakarrik" geratu delako, "Parlamentuko 135 diputatuetatik 33ren babesarekin".
Zure interesekoa izan daiteke
Amaia Aguirre Getxoko alkatea ez da hurrengo udal-hauteskundeetara aurkeztuko
Oraingoz, Bizkai Buru Batzarrak ez du jakinarazi nor izango den Getxoko hautagaitza jeltzalearen burua. Erabakia udalerriko hiru batzokiek hartuko dute.
Migratzaileen erregularizazioari buruzko gida bat argitaratuko du Eusko Jaurlaritzak, "denbora errekorrean"
Nerea Melgosa Ongizate, Gazteria eta Erronka Demografikoaren sailburuak iragarri duenez, egoera irregularrean dauden migratzaileak erregularizatzeko Espainiako Gobernuak onartuko duen "behin betiko" testua izan bezain laster, Eusko Jaurlaritzak gida bat egin eta argitaratuko du, "denbora errekorrean". Horretan, izapideak egiteko baldintzak eta urratsak azalduko dira.
Koldoren emazte ohiak esan du Ferraz “oso zorrotza” zela gastuen itzulketekin, eta eskatu egiten zituela tiketak
Patricia Urizek Abalos, Koldo Garcia eta Aldamaren aurkako epaiketan deklaratu du, eta ukatu egin du dirua aipatzeko hizkera kodetua erabiltzen zuela; beste lekuko batzuek, berriz, eskudiruz egindako ordainketak eta maskaren auziarekin lotutako operazioak azaldu dituzte.
Kitchen auziko polizia-ikerketaren buruak esan du Barne Ministerioak Barcenasi kontrol "sakona" egin ziola, espetxean zela
Ministerio Fiskalak egindako galderei erantzunez, ikerketa polizialaren arduradunak azaldu du ikerketak argi utzi zuela Villarejok bi pertsonari ematen ziela auziari buruzko aurrerapausoen eta albisteen berri: Eugenio Pino zuzendari laguntzaile operatiboari eta "batez ere" Estatu idazkari ohi Francisco Martinezi.
Aitor Esteban: "Gauetik goizera Iparraldea ez da abertzale bihurtu; dinamikak oso ezberdinak dira, eta, askotan, pertsonalak"
Aitor Esteban EAJren EBBko presidenteak, de Andres popularrari erantzun dio esanez "PPk herri honetan zer gertatzen den jakin gabe" jarraitzen duela. Jeltzaleen buruak uste du "irakurketa erabat okerra" egitea dela "goizetik gauera Iparraldea abertzale" bihurtu dela pentsatzea. "Ez da hori kontua. Dinamika oso ezberdinak dira Iparraldean, eta askotan pertsonalak dira", ohartarazi du. Eta adierazi duenez, ezin zioten Jean-Rene Etchegarayri irabazten utzi, azken urteetako bere politikak "egokiak ez" zirela esan ostean eta Peio Etxalekurekin izandako "tentsioen" ondoren.
"Ezker erradikalari lekukoa ematea" egotzi dio Euskadiko PPk EAJri, eta horren adibide jarri du jeltzaleek Iriarti Iparraldean emandako babesa
Gasteizen egin duen prentsaurreko batean, Javier de Andres EAEko PPren presidenteak salatu du "ulertezina" dela EAJ "zentralitatean egotea eta haren botoak beti Bildun amaitzea", Alain Iriart (EH Bai) Euskal Hirigune Elkargoaren buru izateko EAJk emandako babesari aipamena eginda.
Begoña Gomez epaitzea proposatu du Peinado epaileak, lau delitu egotzita
Juan Carlos Peinado magistratuak auziaren instrukzioa itxitzat eman du, eta Pedro Sanchezen emaztea epaitzea proposatu du, lau delitu egotzita: eraginen trafikoa, ustelkeria negozioetan, ondasun publikoak bidegabe erabiltzea eta bidegabeko jabetzea. Halaber, bost eguneko epea eman die aldeei ondorioak aurkez ditzaten.
Otxandianoren arabera, Iparraldeko dinamika politikoak inspiragarriak izan beharko lirateke Hegoaldean
Pello Otxandiano EH Bilduren Eusko Legebiltzarreko bozeramailearen arabera, "herri honek behar du EAJ eta EH BIlduren arteko esparru bat, adostua".
EAJk lehen indarra izaten jarraitzen du Euskadin, EH Bildurekiko eserleku bateko koska duela
Araban, jeltzaleek eta EH Bilduk zortzina eserleku eskuratuko lituzkete, berdindurik, baina EAJ lehen indarra izango litzateke hamarren batengatik, Sumarri eserleku bat irabazita.
Iriartek kudeaketa berria aldarrikatu du, eskumen gehiago eta aurrekontu handiagoarekin
Elkarlanean aritzeko gogoz agertu da Alain Iriart, Euskal Hirigune Elkargoko presidente berria: oreka bilatu nahi du kostaldeko eta barnealdeko guneen artean. Iriartek kudeaketa berria aldarrikatu nahi du, eskumen gehiago eta aurrekontu handiagoarekin. Horrez gain, euskara sustatu nahi du, bat-bateko itzulpena bermatuz Euskal Hirigune Elkargoaren bileretan.