Denis Itxasok Euskadik botere judizial propio bat izatea baztertu du
Iñigo Urkullu lehendakariak Euskadirentzako botere judizial propioa aldarrikatu eta biharamunean, Denis Itxaso Espainiako Gobernuak EAEn duen ordezkariak errotik baztertu du euskal botere judizial propio baten beharra. Soberania maila esparru askotan sakabanatuta dagoela argudiatuta, ez dio zentzu handirik ikusten horri. Euskadi Irratiko "Faktoria" saioan egin dioten elkarrizketan egin ditu adierazpen horiek.
Gaur duela 43 urte onartu zuten Arabako, Bizkaiko eta Gipuzkoako herritarrek Gernikako Estatutua, eta oraindik bertan jasotako hainbat eskumen transferitu gabe daude. Irailean Eusko Legebiltzarrean egin zen Politika Orokorreko eztabaidan, Eusko Jaurlaritzaren eta Espainiako Gobernuaren arteko bitariko batzorde iraunkor bat osatzeko proposamena egin zion Urkullu lehendakariak Espainiako Gobernuari. Atzo, Iñigo Urkulluk publikoki bere kexa adierazi zuen oraindik ez duelako erantzunik jaso. Denis Itxasok ez du lantalde hori sortzeko beharrik ikusten; are gehiago, bi gobernuen artean elkarlanerako nahiko espazio badaudela azpimarratu du.
Aldiriko tren zerbitzuaren eskumen aldaketari buruz galdetuta, akordioa gertu egon daitekeela iradoki du Denis Itxasok. Lurralde Politikako Ministerioak bere proposamena igorri dio Eusko Jaurlaritzaren Gobernantza Publiko eta Autogobernu Sailari. "Nire ustea da proposamen hau oso gertu dagoela azkenean Transferentzien Bitariko Batzordera eramango den dokumentu horretatik", gaineratu du. Dena dela, esan du berak badakiela Eusko Jaurlaritzak ez diola proposamenari erantzun.
Urdaibain egin asmo den Guggenheim museoaren harira Espainiako Gobernua dirua jartzeko prest ote legokeen galdetuta, nabarmendu du euskal erakundeen arteko adostasuna ezinbestekoa dela Espainiako Gobernuko ministerio ezberdinek ere parte hartu dezaten.
Zure interesekoa izan daiteke
GKSk milaka gazte mobilizatu ditu Bilbon eta Iruñean, "faxismoaren aurka"
"Faxismoaren eta estatuen autoritarismoaren aurka" lelopean manifestazio jendetsuak egin dira bi hiriburuetan. Dozenaka bandera gorri eraman dituzte bertaratuek eta faxismoaren zein inperialismoaren kontrako oihuak bota dituzte.
EAJk liskarretik at dagoen euskal politika defendatu du, Anduezak Pasaiako Portuari buruz egindako adierazpenen ostean
Datozen hauteskundeen atarian PSE-EE urduri egon daitekeela uste du Joseba Diez Antxustegik, EAJk Eusko Legebiltzarrean duen bozeramaileak, eta azpimarratu du jeltzaleek ez dutela liskar politikotik sustatuko euskal politikan.
EAJk eta EH Bilduk ikuspuntu kontrajarriak dituzte iraungitako txertoen inguruan
Zer gertatu den eta zer egin behar den argitu ostean kaltetuekin hitz egin dutela esan du Joseba Diez Antxustegik, Eusko Legebiltzarreko EAJren bozeramaileak. EH Bilduk horren berri jakitera eman izan ez balu, paziente horiek berriro txertatuko ote lituzketen galdetu du Arkaitz Rodriguez EH Bilduko legebiltzarkideak.
Zaldibar Argitu plataformak auziaren mamia ikertzeko eskatu eta hortik "desbideratzeko ahaleginak" salatu ditu
Arantza Baigorri EH Bilduren Zaldibarko alkate ohia ikerketapean dagoela jakin ostean, oharra atera du herritarren plataformak. Horren ustez, alkate izandakoak edo horren alderdiak azalpenak eman beharko dituzte, baina lehentasuna da luizia eta bi langileren heriotza eragin zuten faktoreak ikertzea.
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.