Anduezak Barrionuevoren hitzak "onartezintzat" jo ditu biktimak "mespretxatu" dituelakoan
Eneko Andueza PSE-EEren idazkari nagusiarentzat, "onartezinak" dira Jose Barrionuevo Barne ministro ohiaren adierazpenak; izan ere, gerra zikina onartu zuen igande honetan.
Nahiz eta PSOEko inork ez duen oraindik adierazpenik egin, Ferrazeko iturriek EITB Mediari baieztatu diotenez, Anduezaren adierazpenak "erabat babesten" dituzte.
Komunikabideei helarazitako ohar batean, buru sozialistak adierazi du Barrionuevoren adierazpenek "oso gertakari larriak, nazkagarriak", justifikatu nahi dituztela, demokraziaren eta Zuzenbide Estatuaren aurka egiten dutenak.
"Gaitzesteko moduko hitzak dira, biktimei min ematen dietelako; bidegabekoak dira haiekin, ez dituztelako kontuan hartzen, mespretxatzen dituzte", esan du Anduezak. "Eta, gainera, esan gabekoa pairatu duen gizarte baten aurka doaz, terrorismoaren adierazpen ororen aurka behin eta berriro atera den gizartearen aurka". Anduezak gaineratu du Justiziak zehaztuko duela hitzon gaineko ardurarik hartu beharko den.
"Gaur egun terrorismoa adierazpen orotan gaitzesten ez dutenen" edo "beste alde batera begira epel azaldu zirenen" GALen jarduera gaitzesteko asmoari buruz, Anduezak azaldu du jarduera terroristek "beti" izango dutela "Euskadiko Alderdi Sozialistaren gaitzespen borobila eta, hortaz, ez dute zentzurik".
Bukatzeko, gogorarazi du PSE-EEren jardun instituzionala terrorismoari zilegitasuna kentzera egon dela bideratuta, eta biktimek merezi dituzten egian, justizian eta konponketan aurrerapausoak ematera.
Era berean, gaineratu du sozialistak, "terrorismoaren ondorioak oso ondo ezagutzen" dituzten aldetik, "hitzaren bitartez" defendatu izan direla beti "mehatxuaren eta horren ondorio latzen aurrean", "giza eskubideekiko, bizitzeko eskubidearekiko eta ideien aniztasunarekiko militantzia eta konpromiso irmoarekin". "Hala izan da, eta hala izango da etorkizunean ere", amaitu du.
Zure interesekoa izan daiteke
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.