Zupiria: "Umiliazioa bakarrik senti genezake Barrionuevoren hitzekin"
El País egunkariari atzo eskainitako elkarrizketa batean, Jose Barrionuevok, GALek Segundo Marey bahitzeagatik 10 urtera zigortua izan zenak, Espainiako Gobernuak gerra zikina egin zuela onartu zuen bera Barne ministro zenean, eta legez kanpoko atxiloketak agindu zituela. Hitzon aurrean, "umiliazioa bakarrik" senti genezakela esan du Bingen Zupiria Eusko Jaurlaritzako eledunak eta Kultura eta Hizkuntza Politikako sailburuak. Bere hitzetan, "GALen eta Estatuaren biktimen azalean jarriz gero, eta Barne ministroa izandakoa halakoak esaten entzunda, umiliazioa bakarrik senti genezake". "Indarkeriaz hitz egiten dugunean, biktimak izan behar ditugu gogoan momentu oro. Barrionuevok esan dituen gauzak eta erabili duen tonua oso mingarria dira biktimentzat", gaineratu du.
Radio Euskadiko "Boulevard" saioan egindako elkarrizketan, Gasteizko Exekutiboko bozeramaileak esan du Barrionuevoren adierazpenak entzun zituenean, "ETAren indarkeria justifikatu izan duten herritarrak" etorri zitzaizkiola burura. Nabarmendu duenez, "gure belaunaldiak ez du inongo gerrarik ezagutu", baizik eta "min handia eragin duen ETAren indarkeria bidegabea" eta "gauzak are gehiago okertu zituen Estatuaren indarkeria".
Halaber, halako adierazpenak salatzea eta isilik ez geratzea ezinbestekotzat jo du, eta zentzu horretan, Rafaela Romero PSE-EEko kideak egindako adierazpenak txalotu ditu, "argi eta zorrotz" gaitzetsi dituelako Barne ministro izandakoaren hitzak. "Bereziki garrantzitsua iruditu zait ETAren biktima izan direnek azaldu duten kritika eta kontrako jarrera, baita Rafaela Romero Gipuzkoako diputatu sozialistak egin dituen adierazpenak ere", zehaztu du.
Zupiriaren arabera, Barrionuevoren hitzak "onartezinak" dira, baina "are onartezinagoa" da aitortzea "Espainiako Gobernuak erabaki zuela indarkeria horri aurre egitea, Frantziako Gobernuak estutu zuenean".
Bere aldetik, Eusko Jaurlaritzak biktima guztientzako "egia eta justizia" aldarrikatzen jarraituko duela ziurtatu du, eta bide horretan, uste du iraganarekin "bakea egitea asko kostatzen ari zaigula". "Era askotako indarkeria ezagutu dugu, eta bistakoa da memoriarekin zorretan gaudela eta bizikidetza sustatzeko kontu hauek kitatu egin behar genituzkeela", amaitu du.
Zure interesekoa izan daiteke
PPk eta Voxek akordioa lortu dute Guardiola Extremadurako presidente izendatzeko
Asmoa da inbestidura saioa datorren asteartean, hilaren 21ean, eta asteazkenean, hilaren 22an, egitea, eta Maria Guardiola Extremadurako presidente izendatzea berriro apirilaren 24an. Akordioak 61 puntu eta 74 neurri ditu, eta bi aldeek jarrerak hurbildu dituzte, "egon daitezkeen ezberdintasun ideologikoetatik harago".
Aenak ziurtatu du aireportuen kudeaketa partekatua bateraezina dela indarrean dagoen lege-esparruarekin
Aenako presidente eta kontseilari delegatu Maurici Lucenak Akziodunen Batzarrean defendatu duenez, interes orokorreko Espainiako aireportuak 18/2014 Legean jasotako araubide juridiko espezifiko baten mende daude. Lege hori Konstituzioak babesten du; Estatuak azpiegitura horien gainean duen eskumen esklusiboa deklaratzen du, eta jabetza pribatua eta enpresa-askatasuna babesten ditu. Hala ere, positibotzat jo du autonomia-erkidegoekiko lankidetza eta koordinazioa, betiere Konstituzioaren mugak errespetatzen badira eta Aenaren kudeaketa-autonomia eta sare-egitura aldatzen ez badira.
Langile publikoen finkotasuna bizkortzeko arau aldaketak eskatu ditu Jaurlaritzak Madrilen
Bitartekotasun-tasa murrizteko neurriak hartzea komeni dela adierazi du Euskadik, Maria Ubarretxena Jaurlaritzako bozeramaileak eta Oscar Lopez ministroak izandako lan-bileran. Egonkortze-prozesuen ondoren, % 50 inguruko mailatik % 14 ingurura igaro da, eta legegintzaldiaren amaieran % 8ra hurbiltzea da asmoa.
Eusko Legebiltzarrak eskatu du Lan Agintaritzak enplegua erregulatzeko espedienteak baimentzeko eskumena berreskura dezala
EAJk, PSE-EEk, EH Bilduk eta Sumarrek babestu egin dute Espainiako Gobernuari eskatzea kaleratze kolektiboen baliozkotze administratiboa berriro derrigorrezkoa izan dadila; PPk eta Voxek, berriz, aurka bozkatu dute.
Melgosak Espainiako Gobernuari ohartarazi dio erregularizazio prozesuaren ondorioak bere gain har ditzala
Radio Euskadin egindako elkarrizketa batean, Nerea Melgosa sailburuak Sanchezen Gobernua kritikatu du, ez dituelako aintzat hartu Eusko Jaurlaritzak erregularizazio-prozesuari egindako alegazioak; besteak beste, euskara ikasten duten migratzaileen ahalegina aitortzea.
Sidenorren inguruko erabakiak ez du Otegi harritu, baina Israelekiko harremana mahai gainean jartzearen alde agertu da
Auzitegi Nazionalak Jose Antoni Jainaga eta Sidenorren zuzendaritzako beste bi kide genozidiogatik ez ikertzeko hartutako erabakiak ez du Arnaldo Otegi EH Bilduren idazkari nagusia harritu. Dena den, haren ustez, fokua Ameriketako Estatu Batuekiko eta Israelekiko harremanetan jarri behar da.
81 biktima politiko gehiago aitortu ditu Nafarroak
Foru Gobernuak biktimei errekonozimendua eta erreparazioa emateko hirugarren ekitaldia egin du, eta, guztira, 122 biktima aitortu ditu. Ana Ollok "giza eskubideen errespetuaren eta defentsaren" alde egin du, "zoru etikoa" hor dagoela aldarrikatuz.
Pardo de Verak deklaratu du Aldama Garraio Ministerioan noiznahi ikusten zuela atzera eta aurrera
Auzitegi Gorenean egin duen deklarazioan, Adifeko presidente ohiak ukatu egin du inolako presiorik jasan izana musukoak erosteko edo inor entxufatzeko.
Asironek esan du Aranzadiko etxegabetuei Udalak "behin behineko" irtenbidea eman ahal diela
Joseba Asiron Iruñeko alkateak Aranzadiko eraikina hustea beharrezkoa zela defendatu du, arrazoi humanitarioak eta segurtasun arrazoiak direla eta. Ziurtatu du aterperik gabe geratu diren 98 lagunen kasuak banan-banan aztertzen ari direla, behin-behineko irtenbidea emateko. Udalak behin betiko irtenbiderik ezin duela eskaini esan du, ez duelako horretarako eskumenik. "Irtenbidea erregularizazioa da".
Marlaskak esan du espazio publikoetan arma zurien erabilerari aurre egiteko neurriak "ahalik eta lasterren" hartuko dituela
Pasa den martxoaren 27an aldebiko batzordean arma zuriak eramateari buruzko zigor araubidea zorroztea eta indartzea adostu zuten Espainiako Gobernuak eta Eusko Jaurlaritzak. Ildo horretan, arazoari "modu egoki eta koordinatuan" heltzeko lege erreformak egitearen eta gizartea sentsibilizatzearen beharra azpimarratu du Fernando Grande-Marlaska Barne ministroak.