Konstituzionalaren erabakiaren larriaz ohartarazi dute Gorteek eta Espainiako Gobernuak, beteko duten arren
Auzitegi Konstituzionalak bart hartutako aurrekaririk gabeko erabakiak berehala ekarri du erreakzio soka luzea, berandu izanda ere (Konstituzionalaren ebazpena 22:30 bueltan ezagutarazi zuten). Hala, Espainiako Gorteetako (Senatua eta Kongresua) presidenteek eta Espainiako Gobernuko Presidentetza ministroak adierazpen instituzional bana egin dute erabakiaren larriaz ohartarazteko. Hori bai, denek ebazpena bete beteko duela azpimarratu dute.
Botere Judizialaren Kontseilu Nagusiak (BJKN) izendatzen dituen Auzitegi Konstituzionalerako bi hautagaiak aukeratzeko sistema aldatzeko bi zuzenketak bertan behera uztea agindu du Auzitegi Konstituzionalaren osoko bilkurak —aldeko sei boto eta kontrako bostekin—, PPk egindako eskaerari men eginda. Lehen aldia da, 40 urte baino gehiagoko historian, Konstituzionalak Espainiako Gorteetako eztabaida parlamentarioa eteten duena.
Meritxel Batet Kongresuko presidenteak azpimarratu duenez, behe ganberak bete egingo du Konstituzionalak agindutakoa, baina botere legegilearen autonomia defendatuko du "aurrekaririk gabeko" ebazpenaren aurrean. "Albait arinen, Parlamentuaren autonomia defendatzeko gure argudioak entzungo dituztela espero dugu", erantsi du.
"Gaurko (bart gaueko) erabakiarekin, ezein diputatuk babes helegitea aurkeztuta, posible izango da aginte legegilearen jarduna etetea. Jarduteko moduan egindako aldaketa horrek kezka larria eragiten digu, botere legegileak ondo funtziona dezan eta bere ahalmen konstituzionalak egikari ditzan", nabarmendu du.
Ildo beretik, Ander Gil Senatuko presidenteak ere agindua beteko duela hitzeman du, baina ondorioez ohartarazi. Horren iritzian, sistema demokratikoari "kalte larria" egin dio ebazpenak, eta "gure demokrazian, aurrekaririk gabeko Estatuko krisi instituzional baten atarian utzi gaitu denok".
Gilek estu hartu du PP (alderdi horrek jo zuen babes bila Auzitegi Konstituzionalera) eta auzitegia "modu arduragabean erabiltzea" egotzi dio. "Gaur gertatu denak biharko demokrazian ondorioak edukiko ditu", ohartarazi du. Dena dela, gaineratu du demokrazia "indartsua" dela, eta "krisi larri" hori ere gainditzeko moduan izango dela.
Ebazpena beteko duela berretsi ondotik, "autonomia parlamentarioa zaintzeko" bideak topatuko dituztela nabarmendu du.
Senatuak gaur erabakiko du erreformarekin zelan jardun
Hain justu, Senatuko Mahaiak bilera du goizean Zigor Kodearen erreformari eusten dion erabakitzeko. Izan ere, Konstituzionala berritzeko beharrezko gehiengoaren aldaketaz gain (hori da Auzitegiak geldiarazi duena) sedizio delitua kentzeko eta diru publikoa bidegabe erabiltzearen delitua aldatzeko erreformak ere badaude mahai gainean.
Batzarra 08:30ean zen hastekoa, baina Konstituzionalaren jakinarazpena ofizialki jaso zain behar du erakundeak.
Mahaiaren osaera ikusita (hiruna ordezkari dituzte PSOEk eta PPk), EAJk izango du giltza (kide bat du).
Espainiako Gobernua: "Erabakia ezin larriagoa da"
Felix Bolaños Espainiako Gobernuko Presidentetza ministroak ere agerraldi instituzionala egin du Konstituzionalaren erabakiari buruzko exekutiboaren iritzia emateko. Gogora ekarri duenez, "gure inguruko Europako herrialdeetan" inoiz ikusitako erabakia da, eta botere banaketari eragiten dio bete betean.
"Erabakia ezin larriagoa da. Espainiako Gobernuak ez du partekatzen aurrekaririk gabeko erabaki eta prozedura hori", azpimarratu du.
Bolaños, agerraldian.
"Legeak ez dio Konstituzionalari Gorteen jarduna geldiarazteko aukera ematen. Are gehiago, eskumen hori bazegokion, baina 1985ean indargabetu zuten, hain justu halako egoerak saihesteko. Saihestu nahi zen hori da gaur gertatu dena", deitoratu du.
Halaber, Konstituzionalak bere burua berritzeko aukerari muzin egin diola kritikatu du.
Unidas Podemosen izenean, Ione Belarra Eskubide sozialen ministroak esan du "politikaren, hedabideen eta justiziaren eskuinak demokraziari kolpea" eman diola.
Ifrentzuan, Alberto Nuñez Feijoo PPko burua pozik agertu da, eta "demokraziak irabazi" egin duela azpimarratu du. "Zuzenbide Estatuan, botere guztiak daude legearen menpe. Zarata eta presioen aurrean, Espainia eta erakundeak defendatzen jarraituko dugu, beldurrik gabe eta amore eman gabe, moderazioarekin eta arrazoiarekin", gaineratu du. Voxek eta Ciudadanosek ere erabakia txalotu dute.
Espainiako Gobernuaren inbestidura bazkideek (ERCk eta EAJk, besteak beste), bestalde, erabakia kritikatu dute, eta Más Paísek Auzitegi Konstituzionalaren Lege Organikoa erreformatzeko ez legezko proposamena erregistratu du.
Zure interesekoa izan daiteke
GKSk milaka gazte mobilizatu ditu Bilbon eta Iruñean, "faxismoaren aurka"
"Faxismoaren eta estatuen autoritarismoaren aurka" lelopean manifestazio jendetsuak egin dira bi hiriburuetan. Dozenaka bandera gorri eraman dituzte bertaratuek eta faxismoaren zein inperialismoaren kontrako oihuak bota dituzte.
EAJk liskarretik at dagoen euskal politika defendatu du, Anduezak Pasaiako Portuari buruz egindako adierazpenen ostean
Datozen hauteskundeen atarian PSE-EE urduri egon daitekeela uste du Joseba Diez Antxustegik, EAJk Eusko Legebiltzarrean duen bozeramaileak, eta azpimarratu du jeltzaleek ez dutela liskar politikotik sustatuko euskal politikan.
EAJk eta EH Bilduk ikuspuntu kontrajarriak dituzte iraungitako txertoen inguruan
Zer gertatu den eta zer egin behar den argitu ostean kaltetuekin hitz egin dutela esan du Joseba Diez Antxustegik, Eusko Legebiltzarreko EAJren bozeramaileak. EH Bilduk horren berri jakitera eman izan ez balu, paziente horiek berriro txertatuko ote lituzketen galdetu du Arkaitz Rodriguez EH Bilduko legebiltzarkideak.
Zaldibar Argitu plataformak auziaren mamia ikertzeko eskatu eta hortik "desbideratzeko ahaleginak" salatu ditu
Arantza Baigorri EH Bilduren Zaldibarko alkate ohia ikerketapean dagoela jakin ostean, oharra atera du herritarren plataformak. Horren ustez, alkate izandakoak edo horren alderdiak azalpenak eman beharko dituzte, baina lehentasuna da luizia eta bi langileren heriotza eragin zuten faktoreak ikertzea.
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.