Iturgaiz: "Aparta izatetik negargarria izatera igaro da Osakidetzaren kudeaketa"
PPk Euskal Autonomia Erkidegoan duen presidente Carlos Iturgaiz Radio Euskadiko "Boulevard" saioan izan da astearte honetan, non, besteak beste, Osakidetzaren afera hartu duen hizpide. Itxaron zerrenden arazoari aurre egiteko zer egingo lukeen galdetuta, adierazi du "mantal zuria daramatenei" kasu gehiago egin behar zaiela. "Jaurlaritzak sumendi bat du zabalik Osakidetzarekin. Berriro ere gauza bera gertatu da, eta asko dira jada dimisioa eman duten sailburuak. Kudeaketa arazo bat dago guzti horren atzean, aparta izatetik, Urkulluren hitzetan, negargarria izatera igaro baita gestioa", esan du.
Ildo horretan, iritzi dio Gotzone Sagardui Osasun sailburuak ospitale ezberdinen artean piztutako "gerra" gelditu behar duela: "Ez diote zezenari adarretatik heldu".
EH Bilduri ere kritika egin dio kritika Iturgaizek. Legebiltzarkide guztiekin topa egingo lukeen galdetuta, ezezko biribila eman du. "Gertaera oso larrien aurrean, beste alde batera begiratu dute askok; are gehiago, gertaera horiek justifikatu dituzte zenbaitzuk. Pertsona horiek defizit demokratikoa dute. Legalak dira zenbait epailek hala erabaki dutelako, baina ez demokratikoak direlako. Horiekin ez daukat topa egiteko asmorik", adierazi du.
Mahai gainean jarritako gaien artean, PPren hautagaitzei buruz ere jardun du, nahiz eta ez duen ezer aurreratu nahi izan. Euskal Autonomia Erkidegoko hiriburuetako hautagaiak urtarrilean aurkeztuko dituzte, haren esanetan.
Azkenik, eta Auzitegi Konstituzionala berritzeko aukera galdu ostean Espainiako Gobernuak aktibatuko duen "B plana"ren harira, zera nabarmendu du: "Gertatu den guztia Espainiako Gobernuaren erruz jazo da. Denbora asko pasatu da Alberto Nuñez Feijook Sanchezi Justizia berritzeko proposamena egin zionetik. Horretarako, funtsezko planteamendu bat egin zion: epaileak eurak izatea epaileak aukeratzen dituztenak. Sanchezek, baina, zakarrontzira bota zuen ideia hura", erantsi du.
Gainera, salatu du sozialisten asmo bakarra dela Espainian botereak ez banantzea. "Justizia nahieran erabili nahi dute, proposatzen dituzten lege denak aurrera atera daitezen. Horretan EAJ da Sanchezen arnasgailu artifiziala, babesa ematen baitio. Hori da gaur egun bizitzen ari garena", bukatu du.
Albiste gehiago politika
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak eta uda honetan bertan hasiko da lanean.
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.