Osakidetzaren "zailtasunak eta arazoak" bideratzea izango da Jaurlaritzaren 2023ko lehentasunetako bat
Eusko Jaurlaritzak 2023rako mahai gainean dituen bost erronka nagusiak aipatu ditu Iñigo Urkullu lehendakariak urte amaierako mezuan, eta horien artean, aipamen berezia egin dio "osasunari eta bizi kalitateari", horretarako Osakidetzaren egoeraren inguruko gogoeta eginez. Covid-19aren pandemiak "munduko osasun-sistema guztiak, baita gurea ere, tenkatu" dituela esan ondoren, EAEko osasun sistema publikoak "azaroak eta zailtasunak" dituela onartu eta horiek konpontzeko "gogotik ahaleginduko" direla hitz eman du. "Gure altxorra da eta", esan du.
Urtero bezala, Ajuria Eneatik igorri duen mezuan, lehendakariak adierazi du "lehentasuna" emango diotela "lehen mailako arreta zerbitzuak hobetzeari", "betiere, bakarra den Osakidetzaren zerbitzu publiko batean". "Argi esango dut: Osakidetzako plantilla profesionala indartzen jarraituko dugu", adierazi du.
Ia zazpi minutuko hitzaldian aipatu dituen beste erronkak ekonomia indartzea eta kalitatezko enplegua sortzea, trantsizio energetikoa, berrikuntza eta gazteen aldeko apustua daude. Alor horietan guztietan "hobetzeko guneak" egon badirela onartu du, eta horiek bideratzeko, "hurbiltasunetik eta auzolanean" akordioen alde lanean jarraituko dutela azaldu du, "bereziki behar handiena duenari arreta eskainiz".
Alor ekonomikoari dagokionez, enplegu gehiago eta kalitate handiagokoa sortzearen alde egin du, eta Euskadik horretarako aukerak badituela nabarmendu. "Euskadi lan egiteko toki erakargarria dela erakusten jarraitu behar dugu".
Halaber, trantsizio energetikoaren bidean "anbizio handiagoa" izatea premiazko jo du, "energia-iturri berrien edo ekonomia zirkularraren aldeko apustua" eginez.
Bestalde, etorkizunaren giltzarria "berrikuntza eta ikerketa" direla ere esan du, eta beherakada demografikoari aurre egiteko, gazteen emantzipazioaren aldeko apustua jarri du erdigunean.
Alabaina, "ziurgabetasuna eta segurtasunik eza" nagusi diren agertokian, "begirada lasaia, positiboa eta globala" eskatu ditu lehendakariak, "amore emateko arriskua" alde batera utzita. Horretako, "gure aurrekoen ahaleginaren gaineko gogoeta" egiteko deia ere egin dio gizarteari, "haien ikuspegiari esker, zailtasunak gainditu ahal izateko".
Amaitzeko, erronka horiek guztiak "aurrera eramatea" gizarte osoaren ardura dela adierazi du, eta gakoa "auzolana" dela.
Albiste gehiago politika
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Aukera berriak aprobetxatzeko AEBrekin harremanak estutzearen alde agertu da lehendakaria Boisen
Imanol Pradalesek esan du beharrezkoa dela zarata gainditzea eta AEBren eta EAEren arteko lankidetza "zubiak eraikitzen jarraitzea", enpresa aukera berriak aprobetxatzeko. "Ez gara hutsetik hasi. Bilera honekin jarraipena ematen diogu Estatu Batuen eta Euskadiren arteko harreman transatlantikoak sendotzeko helburuari", gaineratu du.
Cerdanen koinatu batek igeltsero gisa lan egin zuen Servinabar enpresan, eta 61.000 euro baino gehiago kobratu zituen
Antonio Muñoz Canok, zehazki, 3.363,36 euro jaso zituen 2019an, 16.255 euro 2020an, 21.233 euro 2021ean eta 20.818 euro 2022an. Igeltseroak bi alditan lan egin zuen eraikuntza konpainian, eta 61.669 euro jaso zituen guztira.
Ramiro González: "Talgoren egoitza sozialaren itzulera oso albiste ona da, sinbolismoz betea"
Ramiro Gonzalez Arabako ahaldun nagusiak Talgo enpresaren egoitza soziala Arabara itzultzea goraipatu du. Radio Euskadiko Boulevard saioan egindako elkarrizketan, Talgo erosteko operazioaren azken berriak izan ditu hizpide. Zalantzarik gabe esan du "oso albiste ona dela euskal industriarentzat eta bereziki Arabako industriarentzat", eta nabarmendu du Talgo aktibo garrantzitsua dela lurraldeko jarduera industriala berreskuratzeko.