De Miguelek sozietate publiko batean ardura postua duen argitzeko eskatu dio oposizioak Jaurlaritzari
Alfredo de Miguel Arabako EAJko buruzagi ohiak HAZI sozietate publikoan ardura funtzioak dituen argitzea eskatu dio oposizioak Eusko Jaurlaritzari.
2019ko abenduan, De Migueli 13 urte eta 3 hilabeteko espetxe zigorra ezarri zion Arabako Lurralde Auzitegiak, ustelkeria delituak egotzita. Une honetan, baina, epaia ez da irmoa, Auzitegi Gorenak helegiteak ebatzi behar dituelako.
2010etik, De Miguelek interino plaza du HAZI sozietate publikoan, eta eldiario.eus hedabideak gaur publikatu duenez, azkenaldian "Euskadi ordezkatu du" zenbait bidaia ofizialetan, "gerentea" delako. Ekonomiaren Garapenareko Sailetik ziurtatu dutenez, buruzagi jeltzale ohiak "koordinatzaile" lanak egin ditu, baina ez da gerentea, postu hori ez delako existitzen.
Testuinguru horretan, EH Bilduk adierazi du Jaurlaritzak "babesa" ematen diola De Migueli, eta horrek erakusten duela "borondate eza" dagoela "adiskidekeriarekin bukatzeko".
Elkarrekin Podemos-IUk ere uste du adiskidekeriak "espazioa" duela erakundeetan, "ustelkeriagatik kondenatutakoekin barne".
Carlos Iturgaiz EAEko PPko presidentearen ustez, "eskandalua" da EAJk "ate birakariak" eskaintzea De Migueli.
Bestalde, Eusko Jaurlaritzatik azaldu dute De Miguel langile publikoa dela eta interino plaza duela HAZIn 2010etik, eta horregatik, ezin diotela plaza kendu epaia irmoa izan arte. Gainera, ukatu egin du Gobernua ordezkatu izana.
EAJren eta PSEren adierazpenak
Gasteizko Gobernua osatzen duten alderdiek ere adierazpenak egin dituzte. Horren ildotik, PSEk eskatu du De Miguelek ordezkaritza lanarik ez egiteko, eta gogorarazi du Jaurlaritzan etika batzordea dagoela halako kontuak aztertzeko.
Azkenik, EAJk esan du Jaurlaritzak "legea bete" behar duela. "De Miguelek funtzionario plaza du; horrek eskubideak eta betebeharrak ematen dizkio, eta indarrean daude epaia irmoa izan arte", gaineratu du.
Zure interesekoa izan daiteke
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.
Pedrazek Guardia Zibilaren zuzendari nagusi Mercedes Gonzalez eta DAOa inputatu ditu Leire auziagatik
Epaileak biak deklaratzera deitu ditu datorren uztailaren 16rako, prebarikazio eta justizia oztopatze delituen ustezko egile gisa.
Aguirre lehendakariaren izena erabiltzeko aldarrikapenak hautsak harrotu ditu
EAJ eta EH Bildu tirabiran dira, Aguirre lehendakariaren legatua nork hartuko. Pello Otxandianok Bilboko aireportuari lehendakariaren izena ipintzea proposatu ondotik, gaur Aitor Esteban sartu da eztabaidara.
EAJk irabaziko lituzke foru hauteskundeak Bizkaian, batzarkide bat gehiago lortuta, eta EH Bilduk bat edo bi irabaziko lituzke
Sozialistek eta popularrek ahaldun bat galduko lukete, eta Elkarrekin Podemos eta Voxek, bat ere ez edo bat izango lukete. Sumarrek ez luke ordezkaritzarik lortuko.