Alderdiek "irtenbide osoa" eskatu dute arma zurien erabilerarentzat, ez arlo polizialera mugatzea
EAJk, EH Bilduk, PSE-EEk eta Elkarrekin Podemos-IUk arma zurien erabilerari aurre egiteko "irtenbide osoa" eskatu dute, ez soilik arlo polizialera mugatzea. Horren aurrean, PP+Cs-ek esan du EAJk "ardura politikoa" duela, eta Espainiako Poliziarekin eta Guardia Zibilarekin lankidetza indartu behar dela.
Radio Euskadiko 'Parlamento en las Ondas' mahai-inguruan elkartu dira euskal legebiltzarkideak, eta, besteak beste, gaueko aisialdiari lotuta arma zurien erabilera handitu dela eta horren kontrako zigorrak gogortuko direla izan dute hizpide.
Jose Antonio Suso EAJren legebiltzarkideak aitortu du "alarma sozial handia" sortzen duen kontu bat dela, eta egoerari "errotik" egin behar zaiola aurre.
Dena den, ohartarazi du adituak ez daudela ados arma zurien erabileraren gorakadaren atzean dagoen arrazoiaren inguruan. Horregatik, egoera aztertuko duen ikerketa bat egitearen alde agertu da.
EH Bildutik, Mikel Oterok aitortu du "agerikoa" dela arma zuriekin egindako erasoak ugaritu egin direla, eta bat egin du "kezka sozialarekin".
Begi onez jo du Gorka Urtaran Gasteizko alkateak ikerketa sozial bat egiteko hartu duen erabakia; Juan Maria Aburto Bilboko alkatearen bidearen aurkakoa baita, hark "Azkunaren doktrinari jarraitu" eta horren aurkako "gerra" iragarri duelako.
Bestalde, Ekain Rico PSE-EEko legebiltzarkidea gaueko aisialdiaz gozatzera ateratzen direnak babesteko neurri eraginkorrak hartzea eskatu du.
Segurtasuna bermatzearen ardura lokalen jabeena dela adierazi du, eta haiekin hitz egitearen alde agertu da, "kriminalizatu" gabe, "irtenbidearen parte" izan behar diren heinean.
Elkarrekin Podemos-IUko David Sotok "lasaitasuna" eskatu du, "askotarikoa" delako gaia. "Alde batetik prebentzioa dago, eta bestetik, zigorra. Bigarrena aukeratu ohi da azkarragoa delako", azaldu du, "denbora gehiago eskatzen duten egiturazko elementuak" daudela gaineratu aurretik.
Azkenik, Carmelo Barrio PP+Cs-en bozeramaileak "delinkuentziari aurre egiteko" sistema hobetu behar dela esan du, eta "polizia eredua indartu, presentzia handiagoarekin eta kontrol gehiagorekin". "Baliabide gehiago bideratu behar dira, gaueko aisialdiari lotuta segurtasun eza zabaltzen ari delako", adierazi du. Horregatik, Ertzaintza Udaltzaingoarekin, Espainiako Poliziarekin eta Guardia Zibilarekin lankidetzan aritzea defendatu du.
Albiste gehiago politika
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosen hitzetan, Cerdan eta Garciaren “ustelkeria dinamika” Nafarroatik zetorren, eta “erabili” egin dute
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok Ministerioan jarri zuten, eta, ondoren, "presioa" egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak, eta uda honetan bertan hasiko da lanean.
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".