PSE-EErekin eta Elkarrekin Podemosekin akordioak ixtea ez du baztertu Iriartek, betiere "edukia" lehenetsita
Ate-joka diren udal eta foru hauteskundeen ondoren PSE-EErekin eta Elkarrekin Podemosekin akordioak ixtea ez du baztertu Maddalen Iriarte EH Bilduk Eusko Legebiltzarrean duen eledun eta Gipuzkoako Aldundirako zerrendaburuak. Horren hitzetan, beste hainbat erakundetan ere erdietsi dituzte itunak azken urteotan, bai sozialistekin eta baita talde moreko ordezkariekin ere, beti, hori bai, "edukia" lehenetsita. Hala, akordioen mamian eta horien norabidean jarri du azpimarra: "ezkerreko politiken bidez, herri honen burujabetzan sakontzea" bilatuko dutela agindu du. "Ez dugu akordiorik itxiko, aulkiak lortze hutsagatik", esan du.
Radio Euskadiko "Boulevard" saioan egindako elkarrizketan, Osakidetzaren egungo egoeraz ere aritu da Iriarte. Ez du argitu EH Bilduk bat egingo duen sindikatuek otsailaren 25erako deitu duten manifestazioarekin, baina protesta hori koalizioaren aldarrikapenetatik "oso gertu" dagoela esan du. Zentzu horretan, Osakidetzak "goitik beherako egiturazko aldaketa bat" behar duela adierazi du, eta, besteak beste, "gobernatzeko modua" aldatzeko eskatu du. "Osasun langileek eurek esaten dute: gobernantza kooperatiboa behar da, ez bertikala", zehaztu du.
Bestalde, gaur abiatu den 2023-2024 ikasturterako matrikulazioari buruz galdetuta, EH Bilduko ordezkariak uste du ezarriko diren "irizpideak bide onetik" doazela, segregazioari aurre egiteko. Horren harian, Eusko Legebiltzarreko gehiengo zabalak adostutako hezkuntza legea ekarri du gogora, eta horren helburuetako bat ikasle zaurgarrienak babestea dela azpimarratu du. "EH Bilduk akordio horren edukiak zaintzen jarraituko du", gaineratu du.
Azkenik, "bai bakarrik da bai" legeari buruz berretsi du "lege garrantzitsua eta ona" dela. "Trapu zikinak atzean utzita", akordio batera iristeko eskatu die PSOEri eta Unidas Podemosi, inbestidurako alderdiek bata edo bestea erabaki beharrik izan ez dezaten.
Albiste gehiago politika
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.