Pilar Garrido: "Jaurlaritza Osakidetza desegiten ari da, eta herritarrek pairatzen dute hori"
Pilar Garrido Podemos Euskadiko koordinatzaile nagusi eta Kongresuko diputatuaren ustez, Eusko Jaurlaritza Osakidetza "desegiten" eta "osasun publikoaren pribatizazio prozesu bat" egiten ari da, "EAJren eredua", alegia. Haren esanetan, "Eusko Jaurlaritzak zerbait egin beharko du, ezin du esan gauzak ondo egiten dituenik herritarrak gure haragietan pairatzen ari garenean artatzen ez zaituen mediku batengana joateko segurtasun eza, edo hitzordurik ez dagoenean". Sindikatuek deitutako mobilizazioekin bat egiteko deia egin die herritarrei.
Gainera, Eusko Jaurlaritzak proposatzen duen erreforma fiskalaz "mesfidati" dagoela esan du, "ez baitu planteatuko gehien dutenek gehiago ordaintzea, eta langileen gain egongo da".
Maiatzeko udal eta foru hauteskundeei dagokienez, espero du EQUOk laster bat egitea Podemos Euskadi-Ezker Anitza eta Alianza Verde alderdien arteko koalizioarekin, eta "irabaztera" aterako direla ziurtatu du, nahiz eta Eusko Jaurlaritzaren Soziometroak boto asmoari buruz dituen itxaropen ezkorrak izan.
"Bai bakarrik da bai" delako lege erreformari buruz ere aritu da: PSOErekin akordio batera iristea espero du, gobernu osoaren proposamen bateratu bat aurkezteko, baina zuhur agertu da horren ondorioei dagokienez; izan ere, "epaileentzat interpretazio tarte bat geratzen da beti", esan du, eta, beraz, baliteke sexu erasotzaileei zigorrak murrizten zaizkien kasu guztiak ez saihestea. "Arrakala hori txikitzen saiatuko gara", adierazi du, baina epaileen genero prestakuntzan gero eta inbertsio handiagoa egitearen alde ere egin du.
Halaber, Andoni Ortuzar EAJren EBBko presidenteak egindako adierazpenei erantzun die Garridok. Bertan, Podemos "politikaren okerrena" dela esan du, "Ciudadanos eta VOX alderdiekin batera". "Oso zoritxarreko" hitzak dira, eta gaineratu du "Osakidetzaren uneko egoera" dela "politikaren gauzarik txarrena".
Zure interesekoa izan daiteke
27ek Makroeskualde Atlantikoa osatzeko estrategia eskatu diote Europako Batzordeari
Urteko azken goi-bileran bildutako estatuburu eta gobernuburuek 2027ko ekainerako estrategia hori garatzea eskatu dute. Imanol Pradalesek "urtetako lanaren, aliantzen eta lidergoaren emaitza" dela azpimarratu du.
Makroeskualde Atlantikoaren sorrerarako urratsak ematea eskatuko dute 27ek
Lehendakaritzan "baikor" daude baina "zuhurrak" izan nahi dute, "Euskadirentzat garrantzi handia duen" albiste hau baieztatu arte. Izan ere, Europar Batasuneko estatuburuak eta gobernuburuak Bruselan bilduta daude, urteko azken goi-bileran, gai nagusia Ukrainaren finantziazioa dutela. Hala ere, ondorioen zirriborroak beste puntu bat ere jasotzen du: Europako Batzordeari Makroeskualde Atlantikoa sortzea eskatuko diote.
Ernaik kartelez bete du "El Correo" egunkariaren Bilboko egoitzako atea
Sare sozialetan bideo batean hartu dute astelehen gaueko ekintza bere gain.
Onartu dira Nafarroako 2026ko aurrekontuak, bazkideen babesarekin eta UPN, PPN eta Voxen kontrako botoekin
2026rako aurrekontuak 6.471 milioi eurokoak dira, iazkoak baino % 4,8 gehiago, eta Nafarroan inoizko aurrkontu altuenak. Azken asteotan 19,1 milioi euroko balioa duten 368 zuzenketa gehitu zaizkio Gobernuaren proposamenari, guztiak ere Gobernu-bazkideen alderdiek (PSN, Geroa Bai eta Contigo-Zurekin) eta EH Bilduk proposatutakoak.
Gogorak Txomin Letamendi EAJko militantea omendu du
Ondarroan eta Bilbon egingo dituzte omenaldiak, abenduaren 19an eta 22an, haren ohorea eta duintasunaren alde.
Eztabaida sutsua piztu da EH Bildu eta PPren artean ararteko berria aukeratzeko unean
"Jakin ezazue lehenago edo beranduago indar politiko gisa akabatuko zaituztela", ohartarazi dio De Andresek (PP) koalizio subiranistari. Otxandianok aurreratu du "neurri politikoak eta legalak" aztertuko dituztela haren aurka.
Mancisidor ararteko berria, euskaraz: "Guztion arartekoa izan nahi dut"
Mikel Mancisidor legelaria ararteko izendatu du Eusko Legebiltzarrak, EAJren, PSE-EEren eta PPren botoekin. Izendapenaren aurretik, PPk eta EH Bilduk akusazioak bota dizkiete elkarri, eta koalizioak kritikatu du Mancisidorrek ez duela "euskara maila egokia", eta zalantzan jarri du PPk hautagaitza babestu izana.
Melgosak egiturazko plan bat eskatu dio Sanchezi, populismoaren aurrean migrazioaren erronkari heltzeko
Ongizate sailburuak ohartarazi du diskurtso populistak arriskutsuak direla, are gehiago integrazioan oinarritutako estrategia komun, ordenatu bat bultzatzen ez bada.
Osakidetza hobetzeko proposamenei "oztoporik ez" jartzeko eskatu dio Pradalesek Osasun Ministerioari
Imanol Pradales lehendakariak Espainiako Gobernuko Osasun Ministerioari eskatu dio Eusko Jaurlaritza Osakidetzaren egoera hobetzeko egiten ari den proposamenak "entzuteko", eta, "gutxienez, oztoporik ez jartzeko". "Osasun Ministerioari exijitu nahi diot entzun dezala, eta egiten utz dezala", esan du.
Podemos prest dago Sumarrekin, IUrekin eta EH Bilduren aliantzak egiteko, Kongresuan hala erabakitzen badute
Gainera, Richar Vaquero Podemos Euskadiren koordinatzaile nagusiak adierazi duenez, "aurrera egingo dute" Gasteizko aurrekontuarekin, EAJrekin eta PSE-EErekin negoziatzen ari diren bitartean proposamen "interesgarriak" egiten bazaizkie.