Arabako Lurralde Auzitegiak jaso du jada De Miguel auziko epaia
De Miguel auziko zigorrak betearazteko protokoloa abian jartzeko azken urrats bat falta zen: Auzitegi Gorenak autoa Arabako Lurralde Auzitegiaren esku uztea. Gaur egin du hori, eta, beraz, orain zigortutakoen defentsei epaiaren nondik norakoak jakinaraziko zaizkie. Aldeek ere gaur jaso dute autoaren komunikazio ofiziala.
Urtarrilaren hasieran kaleratu zuen Gorenak De Miguel auziaren epai irmoa, eta Arabako auzitegiari dagokio bi urte baino gehiagoko kondena jaso dutenak kartzelatzeko agindua ematea. Egoera horretan daude ustelkeria sareko buruzagitzat jo zituzten EAJren ABBko hiru kide ohi —Alfredo de Miguel, Koldo Ochandiano eta Aitor Telleria—. Hurrenez hurren, eroskeria, dirua zuritzea eta prebarikazioa egotzita, honako zigorrak ezarri zizkieten hirurei: 12 urte eta 4 hilabetekoa, 7 urte eta 6 hilabetekoa eta 5 urte eta hilabete batekoa. Xabier Sanchez Robles Eusko Jaurlaritzaren Gazteria Saileko zuzendari izandakoak, bestalde, 7 urte eta hilabeteko zigorra bete beharko du.
Izapide horrek hasiera emango dio Eusko Jaurlaritzak De Miguel bera kaleratzeari. Gobernuaren iturrien arabera, Jaurlaritzak "dena prest" du kaleratzea gauzatzeko, autoa jaso ostean.
Auzitegi Gorenaren epaia irmoa da, eta, beraz, ezin da errekurtsorik jarri. Hala ere, zigortuen defentsek indultua eska lezakete oraindik, edo bezeroak kartzelan ez sartzea. Nolanahi ere, Arabako Auzitegiak epe laburrean ebatziko luke eskaera.
Albiste gehiago politika
Epaileak ez du Cerdan aske utziko, frogak suntsitzeko arriskua dagoela argudiatuta
Hala ere, aurreratu du "aurreikuspenen arabera" prebentziozko espetxealdia ez dela aurten baino gehiago luzatuko.
Diez Antxustegi: "PP galduta dago eta EH Bildu ezkutatuta"
Joseba Diez Antxustegi EAJren bozeramaileak EH Bilduren "anbiguotasuna" kritikatu du, eta "konpromiso zehatzik" ez duela hartzen aurpegiratu dio.
Pello Otxandianok estatus berri bat adosteko "erabateko eta mugarik gabeko konpromisoa" eskaini dio lehendakariari
EH Bilduko Legebiltzarreko bozeramaile Pello Otxandianok bat egin du lehendakariak “garai ilunen” mehatxuaren inguruan egindako diagnostikoarekin. Ildo horretan, azpimarratu du EH Bildu prest dagoela, “mugarik gabe”, Euskal Herriaren eta euskal gizartearen defentsan lankidetzan egiteko: “Lehendakariak eta gobernuak gure erabateko kolaborazioa izango du testuinguru historiko honi aurre egiteko”.
Andueza: "Ez diogu aterik irekiko independentziari bide emango liokeen Estatutuaren erreformari"
Eneko Andueza PSE-EEren bozeramailearen ustez, "Estatutu berri bat ahalbidetu behar dugu, 46 urte hauetan garatu ahal izan ditugun aurrerapen guztiak jaso eta beteko dituena", eta pilota EAJren eta EH Bilduren teilatuan dagoela azpimarratu du.
PPk Jaurlaritzari leporatu dio ezkerrera egin izana
Javier de Andres Euskadiko PPko presidenteak adierazi duenez, "Euskadik arazo larria du ezker erradikalarekin". "Pradales jauna, EAJrekiko oso urruti gaude, eta hori ez da autogobernuarekiko dugun interpretazioagatik, baizik eta EAJk ezkerrera egin duen bideagatik, Bilduren eta PSEren presioei men eginez".
Jon Hernandez (Sumar): "Estatutuaren inguruko eztabaida ezin da modu abstraktuan egin, eskumenak nola erabiltzen diren ikusi behar da”
Politika orokorreko osoko bilkuraren arratsaldeko saioan, Sumarreko legebiltzarkideak ohartarazi du estatutu berriari buruzko eztabaida autogobernuaren benetako erabileran eta dauden eskumenetan oinarritu behar dela. Hernandezek azpimarratu du jokoan dagoena ez dela soilik legegintzaldi bat, Euskadik krisi klimatikoari, prekarietateari, desberdintasun sozialari eta etxebizitzari erantzuteko duen gaitasuna baizik.
Vox: "Langabezia-prestazioen kudeaketaren eskualdatzea txiringito berri bat sortzeko aitzakiarik onena izango da"
Amaia Martinez Voxeko legebiltzarkideak abiatu du Politika Orokorreko Osoko Bilkuraren arratsaldeko saioa. Migrazioaren gaia hizpide izan du behin eta berriz, eta Pradalesen Gobernuaren lehen urteari buruz "oso emaitza kezkagarriak" eman dituela esan du.
Sortuk bi pankarta eskegi ditu Cuelgamurosen, autodeterminazio eskubidea aldarrikatzeko
“Gora Euskal Herria askatuta” irakur daiteke pankarta batean, eta bi guardia zibilik ikus daitezke bestean, pertsona bat fusilatzen. Hazte Oir elkarteak Sortu salatu du, gorroto delitua, sentimendu erlijiosoen aurkako delitua eta terrorismoa goratzea egotzita.
Vianako Printzea erakundeak bide eman dio Iruñeko Erorien Monumentuaren erreformari
Monumentuari buruzko xedapen espezifiko bat sartzeko memoria historikoaren araudia aldatu zuen Foru Legean oinarritzen da erabakia. Lege horrek monumentuari esanahi berri bat ematea derrigortzen du, haren erabilerak hezkuntza eta memoria demokratikorako helburuetara mugatzen ditu, eta frankismoa goraipatzeko elementuak kentzea ezartzen du.
Lehen Mailako Arretarako psikologo gehiago eta nerabeei zuzendutako ongizate-programa pilotu bat iragarri du Pradalesek
Emozioekin eta osasun arloarekin lotutako zenbait neurri zehaztu ditu lehendakariak Politika Orokorreko Osoko Bilkuran, "ongizatea euskal kontratu sozial berriaren parte izan behar delako".