Sakabanaketaren ondorioz hildako 16 pertsonak biktima gisa aitortzeko eskatu dute Etxeratek eta Sarek
Sakabanaketaren biktimen aitortza eta erreparazioari begirako urrats eraginkorrak ematea eskatu dute Etxerat euskal preso, erbesteratu eta deportatuen senideen elkarteak eta Sare herritar plataformak Donostian egin duten agerraldi bateratuan. Bereziki gogoan izan dituzte urte hauetan guztietan istripuren bat izan duten 1.000 pertsonak eta hil diren 16 senide eta lagunak.
Martxoaren 24an, ETAko azken bost presoak Euskal Herriratzeko baimenarekin amaiera eman zitzaion sakabanaketari, eta geroztik, erakunde, alderdi politiko zein hainbat gizarte eragilek etorkizunerako ondorengo urratsei buruzko hausnarketa plazaratu dute.
Salbuespenezko espetxe politika amaitu den honetan, kartzelan hildako 35 presoak eta bisiten joan-etorrietan hildako 16 senide eta lagunak oroitu ditu Etxerat elkarteak "hiru hamarkada baino gehiago iraun duen ibilbide luzearen biktima" direla nabarmenduz eta "oroimen inklusiboa" aldarrikatuz. Izan ere, "ahanztura" besterik ez dutela jaso salatu dute.
"Guk, senitartekook, eztabaida lasai bat proposatzen jarraituko dugu, geure buruaz hausnartzeko aukera guztioi emango digun oroimen inklusibo baten bidean. Etxeratek duela lau urte indarkeria-adierazpen ezberdinen biktima guztienganako errespetu eta enpatia adierazpen bat egin zuen jendaurrean, bereziki, horretarako asmorik izan gabe ere, ekintzaz edo ez-egitez haien mina areagotze nesku-hartu ahal izan dugun horienganako errespetu eta enpatia. Guk, ordea, ahanztura baino ez dugu ezagutu. Beraz, biktimen aitortza eta erreparazioari begirako urrats eraginkorrak ematea espero dugu; biktima guztien aitortza eta erreparaziorako urratsak, 16 pertsona horienak eta berorien senideenak barne direla", hausnartu dute eta aitortza hori ahalbidetuko duen "lege esparru" bat aldarrikatu dute.
Eskerrak eman dizkiete duela hiru urte, udaletan onartutako mozioen bidez, sakabanaketa politikaren ondorioz hildako pertsonen senitartekoen samina aitortu zuten alderdi politikoetako ordezkariei.
Garai berri honetan, oraindik ere "lan asko" dagoela egiteko nabarmendu dute, jada ez dagoela bidaia luzerik baina salbuespenezko espetxe politikak hor jarraitzen duela eta preso horiei ere "legedi arrunta" aplikatzeko eskatu dute beste behin.
Hala, "mendekuan oinarritutako politikak" alde batera uzteko eta elkarbizitza eraikitzeko lanarekin jarraitzeko eskatu dute; bide horretan, dispertsioak eragindako hildakoak ere biktimen memoria kolektiboan aitortuz.
Albiste gehiago politika
De Andresek EAJri eta PSEri ohartarazi die "ezin dela" EH Bilduren "bikote izan" eta poliziari eraso egiten dietenen aurkako jarrera izatea
EAEko PPko presidenteak "argitasun etiko handiagoa" eskatu die bi alderdiei, "ezinezkoa delako amodio harreman bat mantentzea" koalizio abertzalearekin, eta Ertzaintzari eraso egiten diotenen "aurka" daudela esatea.
PPk onartu du Ana Millan, Madrilgo Batzarreko presidenteordea, ez dela Politiketan lizentziaduna
Noelia Nuñez popularrak, Jose Maria Angel Valentziako sozialistak eta Ignacio Higuero Extremadurako kontseilariak dimisioa eman dute azken asteetan, euren ikasketen inguruko informazio ofiziala faltsutzeagatik.
Maider Etxebarriak EH Bilduri leporatu dio "hautesleen zati bati aurre egin nahi ez izatea" eta GKSri "hauspoa ematea"
Maider Etxebarria Gasteizko alkateak EH Bilduri leporatu dio "hautesleen zati bati aurre egin nahi ez izatea" eta GKS kolektiboari "hauspoa ematea", Ertzaintzari "zilegitasuna kentzeagatik". Hitzok esan ditu alkateak Radio Euskadin egindako elkarrizketa batean, uztailaren 23an izandako istiluei buruz galdetuta.
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.