EH Bilduk "herri mailako akordio zabalak" egiteko prestutasuna berretsi du Iruñeko Aberri Egunean
EH Bilduk milaka pertsona elkartu ditu euskal errepublika eraikitzearen alde Iruñea zeharkatu duen manifestazioan, "maite dugun herria" lelopean, eta "demokrazia eta subiranotasuna" aldarrikatzeko.
Manifestazioaren amaieran, 13:00 aldera, Laura Aznal EH Bilduren Nafarroako Gobernurako presidentegaiak, Declan Kearney Sinn Feineko koordinatzaile nazionalak eta Arnaldo Otegi EH Bilduren koordinatzaile nagusiak hartu dute hitza, hurrenkera horretan, Antoniutti parkean egindako ekitaldian.
Otegik azpimarratu du ezkerreko independentistek osatzen dutela "itxaropenaren blokea, konpromisoarena, eta herri klaseekin konplizitatea duena". Bi interpelazio zuzen egin ditu. Alde batetik, Euskal Herriko eragileei zuzendu zaie esateko "herri mailako itunak" lortu nahi dituela EH Bilduk, eta "arlo guztietan" ari direla hori jorratzen "subiranotasunera bidean".
"Berriro esango dut eskua luzatuta dugula minimoetan oinarritutako fronte zabalak eraikitzeko, beste eredu ekonomiko bat eskaintzeko...", azpimarratu du.
Bigarren interpelazioa, berriz, Espainiako eta Frantziako estatuetako alderdi ezkertiarrei zuzendu die: "Ezin da ezker eraldatzailerik egon ez bada herrien autodeterminaziorako eskubidea errespetatzen. Ez dago benetako ezkerrik ez badute naturaltasunez onartzen estatua plurinazionala dela eta autodeterminatzeko eskubidea dugula".
Aznalek, bestalde, eta hauteskunde klabean, adierazi du "erakundeetatik eta kaletik elkar hartuta bultza eginez gero, nahi dugun guztia" lor dezaketela. "Independentzia!" oihuen ostean, "enpleguan eta osasungintzan eragiteko, etxebizitza eskubidea bermatzeko" tresnak aldarrikatu ditu: "Tresna guztiak behar ditugu hemen eta orain erabakitzeko".
Irlandatik etorritako Declan Kearney Sinn Feinen koordinatzaile nazionalak "konpromiso politikoa"ren garrantzia azpimarratu du helburuak lortzeko, eta zentzu horretan, aliantzak sortzeari eta herri oinarriak batzeari eman dio garrantzia. Azkenik, eta hauteskundeetan (Ipar Irlandan ere hauteskundeak dira maiatzean) "eraldaketarako" babesa lortzeko aldarrikapena egin ondotik, euskal presoak etxeratzea eskatu du, "lehentasun humanitario" gisa.
Eguraldia lagun, jende andana joan da Nafarroako hiriburura, baina ez euskal herritarrak soilik. Izan ere, Irlandako Sinn Feineko, ERC eta CUP alderdi katalanetako eta BNG alderdi galegoko ordezkariak EH Bildurekin batera izan dira ezker independentistak Iruñean ospatu duen Aberri Egunean.
ERCren aldetik, Marta Rosique diputatua eta Pau Morales barne antolaketako arduraduna joan dira Iruñera. Albert Gimenez CUPeko idazkari nagusiak ordezkatu du Kataluniako alderdia. BNG aldetik, Ruben Cela izan da Iruñean, Galiziako subiranisten nazioarteko arduraduna. Michael Forrest Kanakiako FLNKSko ordezkaria ere izan da Iruñean EH Bilduren ondoan.
Alderdi bakoitzak bere aldetik ospatzen du Aberri Eguna, baina gogoratu behar da atzo EH Bilduk berak, EAJk eta Podemosek bat egin zutela Baterarekin Aberri Egun bateratuaren aldarrikapenean (1978an egin zuten azken Aberri Egun bateratua).
Bestalde, EHBaik antolatuta, asteburu osoko Aberri Eguna ospatu dute Itsasun (Lapurdi), eta 11:00etan manifestazioa egin dute EH Bildurekin batera kaleratutako adierazpena aldarri.
Zure interesekoa izan daiteke
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.