Tolosako eta Erandioko udalek biktimen bilatzaileak desaktibatzeko eskatu diote Aranzadiri
Erandioko (Bizkaia) eta Tolosako (Gipuzkoa) udalek (EAJ dago agintean bietan) oroimen webguneetako bilatzailea desaktibatzeko eskatu diote Aranzadi zientzia elkarteari, biktimen zerrendetan ETAko kideak agertzea ahalbidetzen duten irizpideak zuzendu arte.
Polemika Galdakaon (Bizkaia) hasi zen, asteartean. Izan ere, PSE-EEren udal taldeak Galdakao Oroimena udal webgunetik ETAko kideen izenak kentzea eskatu zion udal gobernuari (EH Bildu, Azoak, Usansolo Herria eta Podemos), "giza eskubideen urraketen biktima gisa" agertzen direlako.
Gaur, EAJk eta PSE-EEk legez besteko proposamena aurkeztu dute Eusko Legebiltzarrean, Galdakaoko alkateari zerrenda hori zuzentzea eskatzeko. Alkatetzatik biktima guztiei errespetua agertu diete, "salbuespenik gabe eta horien erabilera politikoa errefusatuta".
Besteak beste, Xabier Garcia Gaztelu Txapote ETAko buruzagi ohia ageri da Galdakaoko udal zerrendan, biktima gisa, "espetxe-politika eta salbuespenezko legeen aplikazioa" kategorian.
Nolanahi ere, Covitek salatu duenez, Galdakaon ez ezik, beste hainbat herritan ere sartu dituzte ETAko kideak biktimen zerrendetan, hala nola Hernanin. Herri horren oroimen webgunean, Ekain Ruiz ETAko kidea ageri da biktima gisa, "bortizkeria politikoak ondorioztatutako beste gertaera batzuk" atalean. Ekain Ruizek lotura izan zuen Jose Maria Martin Carpena Malagako PPko zinegotzia zena hil zuen komandoarekin, eta manipulatzen ari zen lehergailuak eztanda eginda hil zen.
Terrorismoaren biktimen elkarteak aipatutako herri gehienak EH Bilduren esku daude, baina EAJko batzuk ere badaude. Erandio eta Tolosa dira horren adibide.
Horren ildotik, Tolosako kasuari dagokionez, EAJren GBBtik azaldu dute Aranzadiren lana EH Bilduk enkargatu zuela 2014an, koalizio abertzalea agintean zegoenean, eta iraganean zerrenda zuzentzeko eskatu ziotela zientzia elkarteari. Izan ere, "gauza bat da giza eskubideen urraketen biktima izatea eta beste bat espetxe politika bidegabeena izatea". Horrenbestez, EAJren udal gobernuak bilatzailea desaktibatzea eskatu dio Aranzadiri.
Erandion ere, bilatzailea desaktibatzeko eskatuko diote Aranzadiri, eta nabarmendu dute Gogora Institutuarekin lanean ari direla biktimak aintzatesteko.
Azkenik, Aranzadik esan du Galdakao Oroimena webgunean "bortizkeria politikoak ondorioztatutako beste gertaera batzuk" azpiatalean daudela ETAko kideak, ez "giza eskubideen urraketa larriak" izenekoan.
Albiste gehiago politika
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Aukera berriak aprobetxatzeko AEBrekin harremanak estutzearen alde agertu da lehendakaria Boisen
Imanol Pradalesek esan du beharrezkoa dela zarata gainditzea eta AEBren eta EAEren arteko lankidetza "zubiak eraikitzen jarraitzea", enpresa aukera berriak aprobetxatzeko. "Ez gara hutsetik hasi. Bilera honekin jarraipena ematen diogu Estatu Batuen eta Euskadiren arteko harreman transatlantikoak sendotzeko helburuari", gaineratu du.
Cerdanen koinatu batek igeltsero gisa lan egin zuen Servinabar enpresan, eta 61.000 euro baino gehiago kobratu zituen
Antonio Muñoz Canok, zehazki, 3.363,36 euro jaso zituen 2019an, 16.255 euro 2020an, 21.233 euro 2021ean eta 20.818 euro 2022an. Igeltseroak bi alditan lan egin zuen eraikuntza konpainian, eta 61.669 euro jaso zituen guztira.
Ramiro González: "Talgoren egoitza sozialaren itzulera oso albiste ona da, sinbolismoz betea"
Ramiro Gonzalez Arabako ahaldun nagusiak Talgo enpresaren egoitza soziala Arabara itzultzea goraipatu du. Radio Euskadiko Boulevard saioan egindako elkarrizketan, Talgo erosteko operazioaren azken berriak izan ditu hizpide. Zalantzarik gabe esan du "oso albiste ona dela euskal industriarentzat eta bereziki Arabako industriarentzat", eta nabarmendu du Talgo aktibo garrantzitsua dela lurraldeko jarduera industriala berreskuratzeko.