EAJk eta PSE-EEk Galdakaoko alkateari eskatu diote ETAko bi kideren izenak biktimen zerrendatik ken ditzala
EAJk eta PSE-EEk legez besteko proposamena aurkeztu dute Legebiltzarrean, Galdakaoko alkateari eskatuz ken ditzala ETAko bi kideren izenak Udalaren Galdakao Oroimena web orrian azaltzen den biktimen zerrendatik. EH Bildu, Auzoak, Usansolo Herria eta Podemos alderdiek osatutako koalizioa du buru Udalak.
Memoria historikoari eskainita dago aipatu web orria, eta Xabier Garcia Gaztelu eta Jon Bienzobas ere aipatzen dira bertan. Biak ala biak "jazarpen polizialaren biktima" gisa ageri dira bertan, torturen beldur edo salbuespeneko espetxe politikaren ihesean atzerrira joan behar izan zutelako.
Horrekin, Udalak terrorismoaren biktimak "iraindu" eta horien giza eskubideak urratu dituela iritzi diote sozialistek eta jeltzaleek.
Legez besteko proposamen horretan, terrorismoaren biktimen "aitortza, egia, justizia eta ordaina" bermatzeko beharra azpimarratu dute.
Halaber, proposatzen dute memoria "etiko eta demokratikoa" eraikitzea, "terrorismoaren bidegabekeriaren eta indarkeria politikoaren aitortzan oinarritutako bizikidetza eratze aldera".
Zentzu horretan, "biktimatzat jo ezin diren" pertsonak zerrenda horretatik kentzeko eskatu dute; izan ere, "terrorismoan parte hartu dute", "horietako batzuk bizitzaren eta beste oinarrizko eskubide batzuen aurkako delitu larriekin, gainera".
Erreakzio gehiago
Bestalde, Miren Gorrotxategi Elkarrekin Podemos-IU taldeak Eusko Legebiltzarrean duen bozeramaileak adierazi du ezin direla maila berean jarri "biktima eta biktimagilea", hori egitea "umilazioa" baita terrorismoaren biktimentzat. "Hori ez da bidea egia eta justizia lortzeko eta biktimei erreparazioa emateko", esan du.
Era berean, Elkarrekin Podemosek dei egin du biktimen zerrenda guztietan kategoriak ezartzeko; "giza eskubideen urraketak pairatu dituztenak", alde batetik, eta "helburu politikoko indarkeriek eragindako sufrimentuenak", bestetik.
Horren ildotik, Covitek salatu du EAEko beste sei herritako memoria webguneetan ere ETAko kideak dituztela biktimen zerrendetan; Villabona, Oiartzun, Hernani, Azpeitia, Tolosa eta Orio udalerrietako biktimen zerrendetan, hain zuzen. Herri horietako bostetan EH Bildu dago Alkatetzan, eta EAJ dago bestean, Tolosakoan.
Bestalde, Javier Buces Aranzadiko historiagileak atzo gogoratu zuen aurretik beste hainbat herritan eginak dituztela horrelako web orriak; Erandion, Hernanin eta Tolosan, besteak beste.
Zure interesekoa izan daiteke
450 kulturgilek baino gehiagok eskatu dute Mugimendu Sozialistari Bilbon eta Gasteizen txosna jartzen uzteko
Bada Garaia ekimenaren baitan, bi hiriburuetan ezarritako debekua altxatzeko galdegin dute dozenaka idazlek, abeslarik, aktorek eta bertsolarik. Bilboko Konpartsei eta Gasteizko Txosna Batzordeari gatazka behingoz konpontzeko deia egin diete artistok.
Cerdanek ukatu du Leire Diezen ustezko sarearen burua dela, eta salatu "kanpaina mediatiko" baten biktima dela
PSOEko Antolakuntza idazkari izandakoaren iritziz, UCOren helburua "pertsonak suntsitzea da, ez delituak ikertzea". Argudiatu duenez, Polizia Judizialak gertakari zehatzak ikertu eta, ondoren, erantzuleak bilatu ordez, "alderantzizko metodologia" erabiltzen du.
Europako Migrazio Itunaren "hutsuneak eta zalantzak" kritikatu dituzte Kanarietako eta Euskadiko gobernuek, indarrean jarri aurretik
Migrazioaren eta Asiloaren Europako Ituna indarrean jartzeko astebete falta denean, "ziurtasun baino zalantza gehiago" daudela deitoratu dute. "Elkartasunak agenda, aurrekontua, gobernantza eta erantzukidetasuna izan behar ditu", azpimarratu du Nerea Melgosak.
Sanchezek dioenez, ez zituen Diezen "ibilerak" babestu, ez zuen haien berri, eta izan balitu ez zituzkeen onartuko
Pedro Sanchezek iragarri duenez, PSOEko talde juridikoa Leire auziari buruzko dokumentazio guztia aztertzen ari da, alderdiaren "ohorea" babesteko ekintza egokiak abiatzeko. "Nire gobernua gobernu garbia da, nire alderdia alderdi zintzoa da, eta, oroz gain, ustelkeria gutxi batzuen kontua da", azpimarratu du.
Bengoetxea: "Informazioak kezkagarriak dira, egunen batean Sanchez presidenteak azalpenak eman beharko ditu"
Ibone Bengoetxea Kultura eta Hizkuntza Politikako sailburu eta lehen lehendakariordea PSOE "ataka zailean" jartzen ari diren ustezko ustelkeria auzien inguruan mintzatu da. Horren ustez, "egoera larria da", eta buruzagi sozialistak azalpenak eman beharko ditu. Auziek Jaurlaritzan izan dezaketen eraginaz galdetuta Bengoetxeak erantzun duenez, Jaurlaritzak "euskal agenda du" eta "ez da despistatzen".
Errenteriako alkateak Adingabeen Fiskaltzaren aurrean lekukotasuna emango du bihar Xenpelar auziaren inguruan
Errenteriako Udalak Polizia Judizialaren eta Adingabeen Fiskaltzaren esku utzi zuen atzo sexu-eraso salaketen inguruan duen informazio guztia, eta eduki hori egiaztatzeko deitu dute alkatea.
Leire Diezek Cristina Narbonarekin hitz egin zuen Pedro Sanchez presidentearen aurkako erasoak "bideratzeko" asmoz
UCOk bien arteko elkarrizketa bat jaso du Leire kasuaren sumarioari erantsitako txosten batean.
EITBren euskarazko ikus-entzunezko edukiak ahalik eta gehien zabaltzea babestu du Eusko Legebiltzarrak
EAJren eta PSE-EEren zuzenketa bat da, EH Bilduk EITBk euskarazko audio eta azpitituluen edukia nazioarteko streaming plataformei doan lagatzeko egindako proposamen bat atzera bota ostean. Nazioarteko plataforma eta operadoreekiko harremana ere sustatuko da.
?fmt=webp-alpha&qlt=80)
Errenteria, Lezo eta Pasaiako alkateek portuaren eskumenak eskualdatzea eta gobernantza eredu berri bat eskatu dute
Pasaiako portuak "euskal ekonomian zeregin estrategikoa" duela nabarmendu dute, eta portuko eremuak "jarduera berritzaileak eta enplegu berriak sustatzen dituzten enpresen eskura egotea" eskatu dute.
PPk berriro jeltzaleei mezua, Tubos Reunidosen miaketaren ondoren: "Azalpenak eman beharko ditu EAJk"
Guardia Zibilak Tubos Reunidosen egoitzan egindako miaketaren ondoren, Alderdi Popularrak, beste behin, EAJri begiratu dio, ustelkeriaren aurrean zein jarrera duen argitu dezan eskatzeko. Alma Ezcurra PPren Koordinazio Sektorialeko idazkariordeak esan du Euskal Herriko enpresa erreferenteetako bat ustelkeriak zipriztindu ondoren, jeltzaleek euren iritzia eman behar dutela eta herritarrei azalpenak eskaini. "Ustelkeriarekin bat egiten duten edo aurka dauden azaldu behar dute", adierazi du.