Galdakaoko PSEk bertako Udala salatu du web orri batean ETAko zenbait kide biktimatzat jotzeagatik
Galdakaoko PSE-EEk udalerri horretako Udal taldeari —EH-Bilduk, Auzoakek, Usansolo Herriak eta Podemosek osatzen dute— eskatu dio "Galdakao Oroimena" web orritik ETAko bi kideren izenak eta irudiak kentzea, "biktimatzat" jotzen dituztelako. "Giza eskubideen urraketa larriak jaso dituzten pertsona gisa hartu dituzte", salatu dute sozialistek.
Ohar batean, PSE-EEko zinegotzi Victor Trimiñok azaldu du, horren berri jakin ostean, "alkateari berari, web orria sortu zuen Aranzadi elkarteari eta gainerako alderdiei" idatzi bana bidali zietela, ETAko kide Xabier Garcia Gaztelu eta Jon Bienzobasen izenak ezaba zitzatela eskatuz, "hiltzaile izateagatik zigortu dituztelako".
"Gertatutakoa injustizia hutsa da, errealitatea faltsutzen duelako. Izan ere, web orrialde horretan, biktimekin batera, hiltzaileen izenak agertzen dira. Iraina da hori terrorismoaren eta frankismoaren biktimentzat, eta gezurra ere bada bertan azaltzen diren ETAko kideak biktima direla", diote idatzian.
Trimiñok gogora ekarri du Galdakaoko herritarrek pairatutako giza eskubide ororen urraketa islatzeko helburuarekin aurkeztu zuela Udalak "Galdakao Oroimena" web orria, otsailean.
Aranzadik erantzun du ez direla biktimatzat jotzen
PSE-EEk zabaldutako eztabaidaren harira, Aranzadi elkarteko arduradunek azaldu dute Garcia Gaztelu eta Bienzobas ez direla ageri giza eskubideen urraketen biktima gisa, "motibazio politikoko beste sufrimendu batzuk —sakabanaketa eta salbuespeneko kartzela legedia— jasan dituztenen artean baizik.
Aranzadiko Javier Buces historiagileak gogoratu du aurretik beste hainbat herritan eginak dituela horrelako web orriak; Erandion, Hernanin eta Tolosan, besteak beste.
Zure interesekoa izan daiteke
Otxandiano: "Hemen ez da etxebizitza politikarik egin, politika inmobiliarioa egin da"
EH Bilduk "anbizio handiko" plan bat aurkeztu du, etxebizitza merkatuan esku-hartzearen aldeko apustua egiteko; Babes Ofizialeko Etxebizitzaren (BOE) "eskala handiko" sustapenaren alde egiteko, "ahalegin publikoa biderkatzeko"; eta etxebizitzaren "funtzio soziala babestearen" alde egiteko plana darabil koalizioak, beraien hitzetan.
Pedrosa: "Ikastetxeen integrazioak familiekin lan egitea eskatzen du; hausnartu egin behar da zergatik ari garen hori egiten, datuekin"
Begoña Pedrosa Hezkuntza sailburuak, Egun Onen, adierazi du Araban bost integrazio egin dituztela, eta "hamar ikastetxe" egon direla "inplikatuta". Bizkaian, ordea, ikastetxe batzuk beste batzuetan integratu direla jakinarazi du.
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.