EH Bilduren udalek desaktibatu egin dituzte oroimen webguneak, Aranzadik eskatuta
EH Bilduren esku dauden udalek (Galdakao eta Hernani, kasu) itxi egin dituzte oroimen webguneak, ETAko kideak urraketen biktima gisa agertzeagatik piztutako polemikaren ostean.
"Aranzadik egindako lan zientifikoa behin-behinean ez da eskuragarri izango, zientzia elkarteak hala eskatuta", irakur daiteke une honetan webguneotan.
Larunbatean eta astelehenean, Erandioko eta Tolosako udalek ere (EAJk gobernatzen du herri horietan) desaktibatu zituzten oroimen webguneen bilatzaileak.
Hasieran, polemika Galdakaon piztu zen, asteartean. Izan ere, PSE-EEren udal taldeak Galdakao Oroimena udal webgunetik ETAko kideen izenak kentzea eskatu zion udal gobernuari (EH Bildu, Azoak, Usansolo Herria eta Podemos), "giza eskubideen urraketen biktima gisa" agertzen direlako.
Besteak beste, Xabier Garcia Gaztelu Txapote ETAko buruzagi ohia ageri zen Galdakaoko udal zerrendan, biktima gisa, "espetxe-politika eta salbuespenezko legeen aplikazioa" kategorian.
Nolanahi ere, ondoren Covitek salatu zuen herri gehiagoren oroimen webguneetan ageri zirela ETAko kideak biktima gisa, eta honakoak aipatu zituen: Villabona, Oiartzun, Hernani, Azpeitia, Tolosa eta Orio.
Joan den astean, EAJk Erandioko eta Tolosako bilatzaileak desaktibatzea eskatu zion Aranzadiri, datu-baseok sortu zituen zientzia elkarteari, ETAko kideak biktima gisa agertzea ahalbidetzen zuten irizpideak zuzendu arte, "ez delako gauza bera giza eskubideetako urraketen biktima edo espetxe politika bidegabeena izatea".
Aranzadi bera webguneetan aldaketak egiteko prest agertu zen, betiere eragile politikoek eta sozialek "beharrezkotzat" jotzen badute.
Orain, EH Bilduren udalek desaktibatu dituzte webgune osoak, ez bakarrik bilatzaileak, "zientzia elkarteak hala eskatuta".
Albiste gehiago politika
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioaren ondotik: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.