ETAko kide gisa zigortutako EH Bilduko 44 hautagaiek inhabilitazio-zigorra beteta dute dagoeneko
Azken egunotako polemikaren harira, Terrorismoaren Biktimen Elkarteak (AVT) ETArekin lotura izateagatik zigortuak izan eta M28ko hauteskundeetan EH Bilduren zerrendetan doazen 44 hautagaien gaineko epaiak aztertu ditu eta, ondorioztatu duenez, hautagai guztiek dute hauteskundeetara aurkezteko eskubidea, inhabilitazio-zigorra beteta dutelako.
Epaiketen azterketaren arabera, inhabilitazio-zigorra ezarri zieten gehienak "ETAren inguruarekin lotura zuten taldeetakoak" ziren, baina zigor horiek beteta dituzte dagoeneko. Horien artean daude, esate baterako, Maria Teresa Diaz de Heredia Amnistiaren Aldeko Mugimenduko burua izandakoa, Gorka Betolaza SEGiko kidea, Hasier Arraiz edo Egoitz Betolaza Batasunako kideak, edo Maria Teresa Toda Iglesias EGINeko zuzendariordea.
"Nazka eman arren, hautagaitza horiek aurkeztu daitezke", esan du Carmen Ladron de Guevara AVTko abokatuak Copen eskainitako elkarrizketa batean. Dena dela, Espainiako Gobernuak EH Bildu "lehentasunezko bazkide gisa" mantentzea gogor kritikatu du AVTk, "zerrendetan hiltzaileak daramatzan alderdi batekin gobernatzea", euren esanetan.
26 epairen azterketa
Inhabilitazio epea amaituta dago edo zigor hori ez zen ezarri AVTk aztertu dituen 26 epaitan (horietatik bat absoluzioan amaitu zen). Beste hiru epai Frantziako auzitegiek eman zituzten, eta horietan ere ez zuten inhabilitazioarekin zigortu akusaturik.
Kasuetako batean ez dago epairik, eta beste 14tan AVTk ezin izan du epaia aurkitu, baina ezarritako zigorra oso txikia zen, eta hortaz, elkarteak ez du ust inhabilitazioa indarrean egongo denik.
Hala, epaiak aztertu ondoren, ondoriozta daiteke inhabilitazio berezia izan zuten 44 pertsona horietako gehienak arestian aipatutako taldeetako kideak zirela eta zigorrak beteta dituztela jada.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.