Gipuzkoako Foru Aldundiak inbestidura eguna du gaur
Gipuzkoako Foru Aldundiak ahaldun nagusi berria hautatuko du gaur. Litekeena da Eider Mendoza jeltzalea izatea, EAJk eta PSE-EEk asteazken honetan akordioa adostu baitute. Gaur Gipuzkoako Batzar Nagusietan egingo den osoko bilkuran EAJko hautagaiaren inbestidura bultzatzeko konpromisoa hartu dute bi indar politikoek, ohar baten bidez jakinarazi dutenez.
Inbestidura egin arte ez dute arloen banaketaren berri emango. Bozketa saioa 18:00etatik aurrera hastea dago aurreikusita.
Batzarkide gehienen babesa lortuz gero, PPren erabakiaren zain, "pertsonen zaintza eta babesa lehenetsiko dituen foru gobernu bat osatzeko konpromisoa" hartu dute jeltzaleek eta sozialistek, "aldi berean ekonomia indartsu bat garatuko duena, Gipuzkoako familien ekonomia babestuko duena eta gure garaiko eraldaketa sozial, teknologiko eta ingurumeneko handiei modu berritzaile, kolaboratibo eta eraginkorrean erantzungo diena". Alderdi Popularrak Mendozaren hautagaitza babestuko duela ematen du, Maddale Iriarte (EH Bildu) ahaldun nagusi izan ez dadin.
EAJren eta PSE-EEren arteko koalizioko foru gobernuak azken zortzi urteetan izan dituen "emaitza positiboak" baloratu ondoren, gobernagarritasun akordio bat sinatu dute "Gipuzkoaren alde, lankidetzatik eta etorkizunari begira aurrera egingo duena, pertsona guztiei kalitatezko enplegua, babes soziala eta bizitza proiektu orekatua bermatuko diena".
Jeltzaleek eta sozialistek 13 helburu estrategiko adostu dituzte "Gipuzkoak aurrera egin dezan". Xede horiek oinarri izango dira, hain zuzen ere, Eider Mendozak inbestidura-saioan defendatuko dituen eta Gipuzkoako Foru Aldundiaren gobernuari forma emango dioten "ekintza-ildo nagusietarako", Aldundiak Batzar Nagusien babesa lortuz gero: besteak beste, gizarte-politikei beste bultzada bat ematea, pertsonak erdigunean jarrita; ekonomia indartsu eta lehiakorra eraikitzea; ongizatea eta lehiakortasuna babesteko zerga-politika; demokrazian eta elkarlaneko gobernantzan sakontzea, eta klima-aldaketari aurre egitea.
Zure interesekoa izan daiteke
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.
Pedrazek Guardia Zibilaren zuzendari nagusi Mercedes Gonzalez eta DAOa inputatu ditu Leire auziagatik
Epaileak biak deklaratzera deitu ditu datorren uztailaren 16rako, prebarikazio eta justizia oztopatze delituen ustezko egile gisa.
Aguirre lehendakariaren izena erabiltzeko aldarrikapenak hautsak harrotu ditu
EAJ eta EH Bildu tirabiran dira, Aguirre lehendakariaren legatua nork hartuko. Pello Otxandianok Bilboko aireportuari lehendakariaren izena ipintzea proposatu ondotik, gaur Aitor Esteban sartu da eztabaidara.
EAJk irabaziko lituzke foru hauteskundeak Bizkaian, batzarkide bat gehiago lortuta, eta EH Bilduk bat edo bi irabaziko lituzke
Sozialistek eta popularrek ahaldun bat galduko lukete, eta Elkarrekin Podemos eta Voxek, bat ere ez edo bat izango lukete. Sumarrek ez luke ordezkaritzarik lortuko.
Epaile batek Vito Quiles atxilotzeko agindu du
Ez du zehaztu zergatik agindu duen neurri hori, baina Quilesek gutxienez auzi penal bat du irekita Beatriz Corredor Red Electricaren presidentearen etxera joateagatik.