Gobernu aurrerakoia osatu ahal izateko "elkarrizketak bideratzeko" eskatu dio Geroa Baik PSNri
Geroa Baik "elkarrizketak bideratzeko" eta "sen onaren bidera itzultzeko" eskatu dio PSNri, gobernu aurrerakoia lortzeko akordioak erraztu ahal izateko, Pablo Azcona eta Maria Solana parlamentariek astelehen honetan prentsaurrekoan adierazi dutenez.
PSN Nafarroan Gobernu akordioa lortzeko negoziazioak "blokeatzen" ari dela ohartarazi du koalizioak, PSOEren nazio mailako estrategiaren esku sartzeekin, eta sozialistek Geroa Bairen "irteera behartu" nahi badute EH Bildu bazkide gisa bilatzeko eskatu die.
Uxue Barkos buru duen koalizioko parlamentariak "oso kezkatuta" agertu dira PSNren eta Geroa Bairen arteko "desadostasun eta desberdintasun sakonak" direla eta. Izan ere, PSN eta Geroa Bai duela aste batzuetatik ari dira Zurekin Nafarroa taldearekin batera legegintzaldi honetako hiruko gobernua berriro osatzeko negoziatzen.
Aurreratu duenez, elkarrizketa horretan "botere organikoa eta ekonomikoa metatzeko" sozialisten asmoak talka egiten du Geroa Baik egungo kudeaketa kuotari eusteko dituen asmoekin, eta hori "Geroa Baik Gobernua uzteko gonbidapen argia" dela uste du, izan ere, Gobernua osatzeko epeak amaitzen ari dira. Hori dela eta, PSNri Parlamentuko "beste indar aurrerakoian", EH Bildun, balizko babesa bilatzera gonbidatu diote, ez baitute babes horren aurka egingo.
PSN: "Beharrezkoak diren proposamenak egingo ditugu"
Ramon Alzorriz PSNko antolakuntza idazkariak Navarra Televisionen adierazi duenez, "akordio bat lehenbailehen lortzeko konfiantza" dute.
Ordezkari sozialistak nabarmendu duenez, bere alderdiak bi proposamen egin ditu eta, "jakina, beharrezkoak direnak egingo ditugu". "Bide horretatik ez gaituzte desbideratuko ez beste alde batean dituzten elkarrizketek, ez beste nonbaiten egiten dituzten prentsaurrekoek", gehitu du Alzorrizek.
Zure interesekoa izan daiteke
GKSk milaka gazte mobilizatu ditu Bilbon eta Iruñean, "faxismoaren aurka"
"Faxismoaren eta estatuen autoritarismoaren aurka" lelopean manifestazio jendetsuak egin dira bi hiriburuetan. Dozenaka bandera gorri eraman dituzte bertaratuek eta faxismoaren zein inperialismoaren kontrako oihuak bota dituzte.
EAJk liskarretik at dagoen euskal politika defendatu du, Anduezak Pasaiako Portuari buruz egindako adierazpenen ostean
Datozen hauteskundeen atarian PSE-EE urduri egon daitekeela uste du Joseba Diez Antxustegik, EAJk Eusko Legebiltzarrean duen bozeramaileak, eta azpimarratu du jeltzaleek ez dutela liskar politikotik sustatuko euskal politikan.
EAJk eta EH Bilduk ikuspuntu kontrajarriak dituzte iraungitako txertoen inguruan
Zer gertatu den eta zer egin behar den argitu ostean kaltetuekin hitz egin dutela esan du Joseba Diez Antxustegik, Eusko Legebiltzarreko EAJren bozeramaileak. EH Bilduk horren berri jakitera eman izan ez balu, paziente horiek berriro txertatuko ote lituzketen galdetu du Arkaitz Rodriguez EH Bilduko legebiltzarkideak.
Zaldibar Argitu plataformak auziaren mamia ikertzeko eskatu eta hortik "desbideratzeko ahaleginak" salatu ditu
Arantza Baigorri EH Bilduren Zaldibarko alkate ohia ikerketapean dagoela jakin ostean, oharra atera du herritarren plataformak. Horren ustez, alkate izandakoak edo horren alderdiak azalpenak eman beharko dituzte, baina lehentasuna da luizia eta bi langileren heriotza eragin zuten faktoreak ikertzea.
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.