PSNk, Geroa Baik eta Zurekin Nafarroak negoziazioei ekin diete berriro
PSNk, Geroa Baik eta Zurekin Nafarroak elkarrizketei ekin diete berriro, Foru Gobernu berrirako akordio programatiko bat ixteko helburuarekin, "inolako egutegirik gabe", baina abuztuaren 28ra begira, inbestidurarako azken eguna baita.
Akordioan, alderdiek Gobernuan izango duen pisua ere zehaztuko dute. PSNren ustez, akordioak hauteskunde orokorren emaitzak kontuan hartu beharko ditu, eta Geroa Bairen iritziz, bide orria foru hauteskundeek markatu beharko lukete.
Nolanahi ere, Maria Chiviteren inbestidurak EH Bilduren abstentzioa beharko du. Hala ere, PSNk ez du koalizioarekin hitz egingo Gobernuaren osaketarako. "Geroa Bairekin eta Zurekinekin gobernu-programa prestatzen ari gara, eta ildo horri jarraituko diogu", nabarmendu du hautagaiak.
Geroa Baik ez ditu alde batera utzi nahi desadostasunak, nahiz eta horrek negoziazioak denboran luzatu. Izan ere, programan gai guztiak argi geratzea nahi du, elkar ulertzen badute ala ez. Halaber, espero du U23ren emaitzak ez izatea kontuan, Nafarroan izandako "polarizazioak" kalterik ez egiteko.
Zurekin Nafarroak ohar batean adierazi duenez, beharrezkoa da "Nafarroan gobernu aurrerakoia osatzeko prozesuari indar handiagoz ekitea", eta azpimarratu du koalizioak "paper garrantzitsua" izan behar duela, "Nafarroako herritarrek joan den maiatzean eman zioten indarrarekin bat datorrena", "argi eta garbi indartuta geratu baita".
Radio Euskadin egindako elkarrizketan, Arnaldo Otegik "zuhurtzia" eskatu dio Chiviteri. EH Bildu hauteskunde orokorretako bigarren indarra izan dela gogorarazi du, eta udal eta foru hauteskundeetan herritarrek Parlamentuan eta Iruñean gehiengo aurrerakoia izatea erabaki zutela defendatu du, "kasu batean Chiviteren lidergoarekin eta bestean Asironenarekin". Horregatik, "herriaren borondate" hori "errespetatzeko" eskatu du, eta negoziazioetan "zarata gutxi eta lan handia" egitea gomendatu du.
Zure interesekoa izan daiteke
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.