Geroa Bai Gobernuan egoteak "euskararen aldeko politikak bultzatzea" bermatuko duela ziurtatu du Barkosek
"Zaila eta korapilotsua" izan den arren, lortutako akordioak Nafarroan beste lau urtez "gobernu aurrerakoia eta anitza" ahalbidetuko du. Uxue Barkos Geroa Baiko presidentearen adierazpenak dira, atzo Foru Erkidegoan hiruko gobernua berresteko ituna itxi ondoren.
Orain, datorren legealdirako Nafarroako presidentea aukeratzeko inbestidura saiorako prozedura martxan jarriko da. Gaur, PSN, Geroa Bai eta Zurekin Nafarroa berriro elkartu dira, 11:00etan, ituna sinatzeko. Azken orduko negoziazioak izanda, "ñabardurak errebisatu behar dira, ez besterik", azaldu du Barkosek.
Ondoren, hedabideen aurrean akordio programatikoaren nondik norakoak azalduko dituzte hiru alderdiok. Xehetasunetan sartu gabe, Geroa Baiko arduradunak azaldu du koalizio abertzalea Gobernuan egoteak "euskararen aldeko politikak bultzatzen jarraitzea" ahalbidetuko duela, hirukoa osatuko duten taldeek alor honetan dituzten ezadostasunak "agerikoak" direla ezkutatu ez badu ere.
Bestalde, Osasungintzan kudeaketa mailako hobekuntzak ez ezik, "gizartearen beharrei erantzungo dion aurrekontua" lortzeko Geroa Baik egindako eskariak nabarmendu ditu Nafarroako presidente izan zenak, eta baita kontrol neurrien inguruan egindako ekarpenak ere.
Negoziazioak ez dira errazak izan. Gobernuan bakoitzak zein alor gidatu behar duen adosteko eztabaidak tenkatu ditu gehien sozialisten eta koalizio abertzalearen arteko elkarrizketak. Hainbat proposamen eta kontraproposamen aurkeztu eta aztertu ondoren, azkenean, aurreko legealdiko organigrama berdintsua adostu zuten atzo: Presidentetza eta zortzi kontseilaritza izango ditu PSNk, lau Geroa Baik eta bakarra Zurekin Nafarroak.
Zure interesekoa izan daiteke
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.
Pradalesek euskararen ofizialtasuna Europan defendatuko du, Frantziako Senatuan euskaraz egingo duen hitzaldian
Lehenengo aldiz izango da lehendakari bat Frantziako goi-ganberan, eta agertoki sinboliko hori baliatuko du, euskararen ofialtasunaren defentsan babes instituzional zabalagoa eskatzeko.
Erakundeek eta alderdiek Azazetako sarraskiko biktimak omendu dituzte, hil zituztenetik 89 urte bete direnean
Batetik, Gasteizko Udalak, Arabako Foru Aldundiak eta Eusko Jaurlaritzak Isiltasunean Oihuka eskulturaren ondoan egin dute ekitaldia, eta, bestetik, ezkerreko alderdiek —EH Bildu, Podemos Euskadi, Ezker Anitza-IU, Berdeak eta Sumar Mugimendua— beste omenaldi bat antolatu dute, elkarrekin. Bi ekitaldiak Gasteizen izan dira.
Jaurlaritza AEKren ordezkariekin bilduko da, Korrikaren balorazioa egiteko
"Erakunde bati dagokiona egingo dugu: ebaluazio bilera bat egingo dugu Korrikaren arduradunekin, Gobernua parte den ekitaldi orotan egin ohi dugun bezala", azaldu du Ibone Bengoetxea lehenengo lehendakariordeak.
Jaurlaritzak 'Jauzia Gara' Euskararen Plan Estrategikoa onartu du erabileran "jauzi kualitatiboa" emateko
Ibone Bengoetxea lehen lehendakariorde eta Kultura eta Hizkuntza Politikako sailburuak azpimarratu duenez, "inoiz baino euskaldun gehiago dugu, baina erronka nagusia erabileran dago". Helburua da euskararen ezagutzan eta, bereziki, erabileran "jauzi kualitatiboa" ematea, hizkuntza eskubideak bermatzeko eta euskararen presentzia gizarteko eremu guztietan handitzeko.
Arnaldo Otegik "heriotza-mehatxuak" jaso zituela salatu du Gasteizko epaitegi batean
Mehatxuak abenduan gertatu ziren, mezu elektroniko baten bidez, baina ez zen salaketaren berri eman. EH Bilduren koordinatzaile orokorrak epaitegietan deklaratu ondoren filtratu da auzia.
Zupiriak "irmo eta erabat" gaitzetsi ditu Otegik jasandako heriotza-mehatxuak
Arnaldo Otegi EH Bilduren koordinatzaile nagusiak ertzain-etxean salatutako heriotza-mehatxuei buruz galdetuta, Bingen Zupiria Eusko Jaurlaritzako Segurtasun sailburuak deitoratu du horrelako gertaerek "elkarbizitza kolokan" jartzen dutela.