Europar Batasuneko hizkuntza ofizialak: zenbat dira eta zertan datza ofizialtasuna?
Europar Batasuneko hizkuntzen erabilera arautzen duen erregelamenduak 24 hizkuntza ofizial onartzen gaur egun: alemana, bulgariera, txekiera, kroaziera, daniera, eslovakiera, esloveniera, espainiera, estoniera, finlandiera, frantsesa, greziera, hungariera, ingelesa, irlandera, italiera, letoniera, lituaniera, maltera, nederlandera, poloniera, portugesa, errumaniera eta suediera.
Ildo horretan, EBk onartzen du eleaniztasuna Batasunaren funtsezko printzipioetako bat dela, eta Oinarrizko Eskubideen Gutunean jasotzen da.
EB osatzen duten herrialde batzuek hizkuntza bakarra ematen diote hizkuntza ofizialen zerrendari. Ziprek, adibidez, grekoa bakarrik ematen du, baina turkiera ere herrialdeko hizkuntza ofizialetako bat da.
Beste batzuek, aldiz, hizkuntza bat baino gehiago sartu dute zerrenda horretan. Irlandan, gaeliko irlandarra eta ingelesa ofizialak dira, eta biak daude EBko hizkuntza ofizialen artean. Belgikaren kasuan gauza bera gertatzen da frantsesarekin eta nederlanderarekin, eta baita Maltan malterarekin eta ingelesarekin ere.
Bestalde, Europako zerrendan agertzen diren hizkuntzetako batzuk ofizialak dira EBko herrialde bakar batean: espainiera, daniera edo portugesa, adibidez. Beste batzuk, greziera, ingelesa edo nederlandera kasu, ofizialak dira Batasuneko herrialde batean baino gehiagotan: greziera Grezian eta Zipren, ingelesa Irlandan eta Maltan, eta nederlandera Herbehereetan eta Belgikan.
Ofizialtasunaren ondorioak
EBko hizkuntza-politikak hiru helburu ditu: Europako hizkuntza-aniztasuna babestea, herritarrekin beren hizkuntzan komunikatzea eta hizkuntzen ikaskuntza sustatzea.
Kontseilu Europarra arduratuko da EBko erakundeen hizkuntza-araubidea erregelamendu bidez finkatzeaz, aho batez. 1. erregelamenduak hizkuntza ofizialak eta lanekoak zehazten ditu, baita horien erabilerari buruzko araudia ere.
Horrela, herritar guztiok dugu Europako erakundeekin komunikatzeko hizkuntza ofizialetako edozein erabiltzeko eskubidea, eta haiek hizkuntza berean erantzun behar dute. Era berean, Europako Parlamentuko diputatuek horietako edozein erabil dezakete osoko bilkuretako alegatuetan.
Halaber, Kontseilu Europarraren bilerak hizkuntza ofizial guztietan interpretatzen dira, eta erregelamenduak eta irismen orokorreko gainerako testuak hizkuntza horietan idazten dira.
Erregelamenduak zehazten duenez, zenbait hizkuntza ofizial dituzten estatu kideei dagokienez, hizkuntza baten erabilera estatu horretako legeriaren arau orokorren arabera arautuko da.
Zure interesekoa izan daiteke
GKSk milaka gazte mobilizatu ditu Bilbon eta Iruñean, "faxismoaren aurka"
"Faxismoaren eta estatuen autoritarismoaren aurka" lelopean manifestazio jendetsuak egin dira bi hiriburuetan. Dozenaka bandera gorri eraman dituzte bertaratuek eta faxismoaren zein inperialismoaren kontrako oihuak bota dituzte.
EAJk liskarretik at dagoen euskal politika defendatu du, Anduezak Pasaiako Portuari buruz egindako adierazpenen ostean
Datozen hauteskundeen atarian PSE-EE urduri egon daitekeela uste du Joseba Diez Antxustegik, EAJk Eusko Legebiltzarrean duen bozeramaileak, eta azpimarratu du jeltzaleek ez dutela liskar politikotik sustatuko euskal politikan.
EAJk eta EH Bilduk ikuspuntu kontrajarriak dituzte iraungitako txertoen inguruan
Zer gertatu den eta zer egin behar den argitu ostean kaltetuekin hitz egin dutela esan du Joseba Diez Antxustegik, Eusko Legebiltzarreko EAJren bozeramaileak. EH Bilduk horren berri jakitera eman izan ez balu, paziente horiek berriro txertatuko ote lituzketen galdetu du Arkaitz Rodriguez EH Bilduko legebiltzarkideak.
Zaldibar Argitu plataformak auziaren mamia ikertzeko eskatu eta hortik "desbideratzeko ahaleginak" salatu ditu
Arantza Baigorri EH Bilduren Zaldibarko alkate ohia ikerketapean dagoela jakin ostean, oharra atera du herritarren plataformak. Horren ustez, alkate izandakoak edo horren alderdiak azalpenak eman beharko dituzte, baina lehentasuna da luizia eta bi langileren heriotza eragin zuten faktoreak ikertzea.
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.